Կառավարական պատվիրակությունը 10 միլիոն դոլարի ներդրումներ է համաձայնեցրել

© Sputnik / Asatur YesayantsВице-премьер Армении Тигран Авинян
Вице-премьер Армении Тигран Авинян - Sputnik Արմենիա
Կասկադի տարածքում հաջորդ տարվա մարտից շինարարություն կմեկնարկի. տեղեկացնում են փոխվարչապետի գրասենյակից։

ԵՐԵՎԱՆ, 29 հունիսի — Sputnik. Տիգրան Ավինյանի գլխավորած պատվիրակությունը հունիսի 26-28-ը աշխատանքային այցով Կանադայում էր։

Соучредитель Reddit Алексис Оганян на приеме у премьер-министра Армении Никола Пашиняна (27 июня 2018). Еревaн - Sputnik Արմենիա
Հայտնի միլիոնատերը հրավիրվել է Հայաստան

Փոխվարչապետի գրասենյակից տեղեկացնում են, որ կառավարական պատվիրակությունը հանդիպումներ է ունեցել հայ համայնքի անդամների և մտավորականների հետ, այցելել Տորոնտոյի հայկական դպրոց և եկեղեցիներ, գործարարներին ներկայացրել են Հայաստանում առկա հնարավորությունները, ներդրումային միջավայրը: Գործարարները հետաքրքրություն են ցուցաբերել ՏՏ ոլորտի, հայկական մեղրի, գինու և դեղագործական ապրանքների արտահանման նկատմամբ:

Կանադայում «Բիզնես Արմենիայի» պատվավոր ներկայացուցիչ, գործարար Վան Լապոյանը պատրաստակամություն է հայտնել 5 միլիոն դոլարի ներդրում կատարել Հայաստանում:

Եվս 5.5 միլիոն դոլարի համատեղ ներդրումային ծրագիր ունեն «Կասկադ գարդենզ» ընկերության ներկայացուցիչներ Շանթ Ղազարյանը (Տորոնտոյից), Րաֆֆի Դուդակլյանը (Հայաստանից), Անդրե Գումուշջյանը (Բրյուսելից) և Սահակ Արսլանյանը (Նյու Յորքից)։ Կասկադի տարածքում, ըստ այս ծրագրի, նախատեսվում է հաջորդ տարվա մարտից շինարարական նախագիծ սկսել:

Փոխվարչապետ Տիգրան Ավինյանը հանդիպում է ունեցել Տորոնտոյի քաղաքապետ Ջոն Թորիի հետ, քննարկել առաջիկայում քաղաքապետի Հայաստան այցելելու հնարավորությունը: Քաղաքապետը Ջ. Թորին հաջորդ տարի գործարարների ուղեկցությամբ Հայաստան այցելելու պատրաստակամություն է հայտնել:

Կառավարության ներկայացուցիչներն այցելել են Կանադայում երկրորդ խոշոր էլեկտրական սարքավորումներ արտադրող «Ռեքս Փաուր Մագնետիքս» ընկերություն, որը փոքր մասնաճյուղ ունի Հայաստանում: Քննարկվել է հայաստանյան մասնաճյուղն ընդարձակելու և հետագայում դրա արտադրանքը ԵԱՏՄ անդամ երկրներ արտահանելու հնարավորությունը:

Премьер-министр Армении Никол Пашинян принял предпринимателей из России (25 июня 2018). Еревaн - Sputnik Արմենիա
«Բոլորին, հատկապես մեր հայրենակիցներին հրավիրում ենք ներդրումներ անելու». Նիկոլ Փաշինյան

Կառավարական պատվիրակության կազմում եղել են փոխվարչապետի գրասենյակի ղեկավար Սերժ Վարագ Սիսեռյանը, ՀՀ փոխվարչապետի օգնական Վիկտորյա Այդինյանը, ՏԿՏՏ նախարարի առաջին տեղակալ Հակոբ Արշակյանը, Սփյուռքի նախարարի տեղակալ Բաբկեն Տեր-Գրիգորյանը, ՏԶՆ նախարարի տեղակալ Մանե Ադամյանը, «Բիզնես Արմենիա» հիմնադրամի Միջազգային կոմերցիայի խմբի ղեկավար Նարեկ Ալեքսանյանը և Միջազգային համագործակցության մենեջեր Ալինա Եղիազարյանը:

Պատվիրակության աշխատանքային այցը և գործարար առաքելությունը շարունակում է դեպի Լոս Անջելես (ԱՄՆ), որի ընթացքի և արդյունքների մասին կներկայացվի առաջիկայում:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала