Իրանական գազը պետք է առնվազն 10 տոկոսով էժան լինի ռուսականից. «Գազպրոմ Արմենիա»

© Photo : Gazprom Armenia official siteПредседатель Правления - Генеральный директор ЗАО "Газпром Армения" Грант Тадевосян
Председатель Правления - Генеральный директор ЗАО Газпром Армения Грант Тадевосян - Sputnik Արմենիա
Բաժանորդագրվեք
Ռուսական գազի ջերմատվությունն ավելի բարձր է, քան իրանականի։ Հրանտ Թադևոսյանի խոսքով` դա չի կարելի հաշվի չառնել գները համեմատելիս։

ԵՐԵՎԱՆ, 8 նոյեմբերի — Sputnik. Իրանական գազը պետք է առնվազն 10 տոկոսով էժան լինի ռուսականից, որպեսզի գնելը ձեռնտու լինի։ Այսօր գազի և էլեկտրականության գնագոյացման հարցերով պատգամավորական հանձնաժողովի ժամանակավոր նիստում այս մասին ասաց «Գազպրոմ Արմենիայի» գլխավոր տնօրեն Հրանտ Թադևոսյանը։

Газовая плита - Sputnik Արմենիա
Գազի գնի շուրջ բանակցությունները շարունակվում են. Բաղրամյան

Պատճառն այն է, որ Իրանից ստացվող գազի հազար խորանարդ մետրի ջերմատվությունը 7900 կկալ է, իսկ ռուսական գազինը` 8200 կկալ–ից ոչ պակաս։ Այսինքն այն այրելիս ավելի շատ ջերմություն է առաջանում։

«Ուստի եթե ռուսական գազն արժե 1000 խմ համար 150 դոլար, ապա իրանականը այլ հավասար պայմանների դեպքում պետք է արժենա 135, որպեսզի այն նույնքան շահավետ լինի», – ասաց Թադևոսյանը։

Իրանը կառաջարկի՞ նման գին։ Ըստ նրա` այդ հարցը կախված է կառավարական մակարդակով բանակցություններից։

Հիշեցնենք, որ հայ–ռուսական համաձայնագրերի համաձայն` գազի համար բազային կալորիականությունը 1000 խմ համար 7900 կկալ է։ Եթե կալորիականությունն ավելի բարձր լինի, սակագնին պետք է ավելացնել հավելյալ գործակից։ Հայաստանի համար այդ կանոնը ժամանակավորապես չի գործում, բայց միայն մինչև 2018թ–ի ավարտը։ Բանակցություններից է կախված` հնարավոր կլինի՞ ազատվել կանոնից, թե՞ նոր հետաձգում կլինի։

Ежегодные противопожарные учения на абовянской станции ПХГ - Sputnik Արմենիա
Հայաստանն ու Ռուսաստանը գազի մատակարարումները կհաշվեն ռուբլո՞վ

Հայաստանն Իրանից գազ է ստանում խողովակաշարով սահմանից մինչև Արարատ քաղաք։

Այդ գազի յուրաքանչյուր խորանարդ մետրի համար Հայաստանն Իրանին տալիս է երեքական կիլովատ ժամ էլեկտրականություն, որն արտադրվում է երկու ջերմային կայաններում` Երևան ՋԷԿ և «Հրազդան 5» ՋԷԿ։

Ներկա պահին Հայաստանի կառավարությունը 2018թ–ից հետո հետ գազի գնի մասին բանակցություններ է անցկացնում ռուս գործընկերների հետ։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала