ԵՐԵՎԱՆ, 2 մայիսի — Sputnik. Մայիսի 1-ին՝ ժամը 22:43-ին հրդեհ է բռնկվել Շիրակի մարզի Հովունի համայնքում: Դեպքի մասին ահազանգ է ստացել 911 ծառայությունը:
Ինչպես Sputnik Արմենիային տեղեկացրին ՀՀ ԱԻ Շիրակի մարզային փրկարարական վարչությունից հրդեհը բռնկվել է Հովունի գյուղի 1-ին փողոցի 5-րդ նրբանցքի թիվ 2/4 հասցեում գտնվող, մոտ 1400 քմ տարածք զբաղեցնող անասնագոմում: Ահազանգը ստանալուն պես դեպքի վայր է մեկնել հրշեջ-փրկարարական ջոկատից չորս մարտական հաշվարկ: Հրդեհը հաջողվել է մեկուսացնել միայն ժամը 02:10-ին: Հրդեհի հետևանքով անասնագոմի 3 աշխատակից հոսպիտալացվել է:
«Գյումրի» բժշկական կենտրոնում ստանալով համապատասխան բուժօգնություն, վերջիններս դուրս են գրվել:
Անասնագոմից հաջողվել է դուրս բերել եղջերավոր անասուններին: