Բողոքող շինարարները բացել են «Հյուսիս–հարավ» ավտոմայրուղու հատվածը, բայց մի պայմանով

© Sputnik / provided by Gurgen HovhanisyanСтроители дороги "Север-Юг" перекрыли участок дорогии Аштрак-Талин (30 мая 2019)
Строители дороги Север-Юг перекрыли участок дорогии Аштрак-Талин (30 мая 2019) - Sputnik Արմենիա
Բաժանորդագրվեք
Փոխվարչապետ Տիգրան Ավինյանին հաջողվել է համոզել կես տարի աշխատավարձ չստացած շինարարներին բացել ճանապարհը։

ԵՐԵՎԱՆ, 30 մայիսի — Sputnik. «Հյուսիս–հարավ» ավտոմայրուղու շինարարությամբ զբաղվող ընկերությունների աշխատակիցները բացել են Աշտարակ–Թալին ավտոճանապարհը, բայց մի պայմանով։ Այս մասին Sputnik Արմենիայի թղթակցի հետ զրույցում հայտնեց ընկերություններից մեկի աշխատակից Գուրգեն Հովհաննիսյանը։

Այսօր առավոտից ընկերությունների մի քանի տասնյակ աշխատակիցներ փակել էին նշված ճանապարհահատվածը` պահանջելով վճարել իրենց աշխատավարձերը։

Строители дороги Север-Юг перекрыли участок дорогии Аштрак-Талин (30 мая 2019) - Sputnik Արմենիա
Կառավարությունը փողը տվել է, բայց շինարարներին այն չի հասել
Աշխատավարձային պարտքը Corsan Corviam Construccion S.A. ընկերությանն է, որը «Հյուսիս–հարավ» տրանսպորտային միջանցքի կառուցման առաջին և երկրորդ տրանշերի իրականացման կապալառուն է։ Խոսքը 19 ընկերությունների 800 աշխատակիցների մասին է։ Պարտքը կազմում է 2.2 մլրդ դրամ։

«Մենք բացեցինք ճանապարհը, այն բանից հետո, երբ պայմանավորվեցինք փոխվարչապետ Տիգրան Ավինյանի հետ։ Վաղը` ժամը 10:00–ին մեզ պետք է ընդունի Վարագ Սիսեռյանը (ՀՀ փոխվարչապետ Տիգրան Ավինյանի գրասենյակի ղեկավար – խմբ.)», – ասաց Հովհաննիսյանը։

Ցուցարարները միայն մեկ պահանջ ունեն` ստանալ ամբողջ գումարը, քանի որ իրենք արդեն հոգնել են սպասելուց։

Նախօրեին, խոսելով այս խնդրից, ՀՀ փոխվարչապետ Տիգրան Ավինյանը հայտարարեց, որ «Հյուսիս–հարավ» ավտոճանապարհահատվածի շինարարության ենթակապալառուներին աշխատավարձերի չվճարման պատասխանատուն իսպանական կապալառուն է, և տրանսպորտի նախարարությունը ենթակապալառուների նկատմամբ պարտավորություններ չունի։

Դեկտեմբերից ճանապարհի շինարարությունը դադարեցվել է։

Հիշեցնենք, որ ընկերությունների աշխատակիցներն առաջին անգամ փակել էին Երևան–Թալին ճանապարհը 2018 թվականի դեկտեմբերին։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала