ԵՐԵՎԱՆ, 8 հունիսի – Sputnik. Թուրքիայի նախագահ Ռեջեփ Թայիփ Էրդողանը ներկա է եղել Լոնդոնի «Արսենալի» կիսապաշտպան Մեսութ Օզիլի և նրա ընտրյալի` թուրքական ծագում ունեցող շվեդ մոդել Ամինե Գյուլշեի հարսանեկան արարողությանը, որի տեսանյութը հրապարակվել է Twitter–ում։
Mesut Özil - Amine Gülşe çifti Cumhurbaşkanı Erdoğan ve eşi Emine Erdoğan şahitliğinde evlendi. pic.twitter.com/dv3fuQtO4F
— Medyanın Elli Tonu (@Medyanin50Tonu) 7 июня 2019 г.
Արարողությունը տեղի է ունեցել Ստամբուլում։ Ինչպես նշում է Daily Mail–ը, Թուրքիայի նախագահը ելույթ է ունեցել` մաղթելով երջանկություն և համատեղ տարիների երկար կյանք։
Պարբերականը գրում է նաև, որ ֆուտբոլիստն ու քաղաքական գործիչը բարեկամական հարաբերություններ ունեն։ Անցած տարի Օզիլն իր ստորագրությամբ մարզաշապիկ էր նվիրել Էրդողանին։ Դրանից հետո Գերմանիայի հավաքականի շտաբում (Օզիլը խաղում էր Գերմանիայի հավաքականում) կասկածի տակ դրեցին աշխարհի առաջնության խաղերում ֆուտբոլիստին ներառելու անհրաժեշտությունը։ Գերմանական թերթերն Օզիլին քննադատեցին Թուրքիայի նախագահ Ռեջեփ Թայիփ Էրդողանի հետ համատեղ լուսանկարվելու համար:2018 թվականի հուլիսին Օզիլը հայտարարեց, որ հեռանում է Գերմանիայի ազգային հավաքականից։
Այսօր Մեսութ Օզիլը խաղում է Լոնդոնի «Արսենալում», սակայն խոսակցություններ կան, որ ամառային տրանսֆերի շրջանում նա կարող է լքել թիմը, ինչպես և իր թիմակից Հենրիխ Մխիթարյանը։
Օզիլի հարսնացուն` Ամինե Գյուլշեն, թուրքական ծագում ունեցող շվեդ դերասանուհի է, մոդել և «Միսս Թուրքիա 2014» գեղեցկության մրցույթի հաղթող։
Ծնվել և մեծացել է Շվեդիայում։ Թուրքիան է ներկայացրել նաև «Միսս աշխարհ 2014» մրցույթում։
