«Որոշեցինք արձանագրել». ի՞նչ կփոխվի Հայաստանի ռեստորանատերերի համար հարկային ոլորտում

© Photo / official site of the Prime minister of RAКоординатор инициативной группы Ассоциации рестораторов Армении Ашот Барсегян на приеме у и.о. премьер-министра Никола Пашиняна (12 января 2019). Еревaн
Координатор инициативной группы Ассоциации рестораторов Армении Ашот Барсегян на приеме у и.о. премьер-министра Никола Пашиняна (12 января 2019). Еревaн - Sputnik Արմենիա
Պայմանավորվածությունը բավարարում է ռեստորանատերերին և այն առավել օպտիմալ է։

ԵՐԵՎԱՆ, 10 հունիսի — Sputnik. Կառավարության և ռեստորանատերերի միջև պայմանավորվածությունն անփոփոխ է մնում` ենթադրյալ 8%–ի փոխարեն կպահպանվի 6%–ը։ Այս մասին Sputnik  Արմենիայի թղթակցի հետ զրույցում ասաց Հայաստանի ռեստորանատերերի ասոցիացիայի նախաձեռնող խմբի համակարգող Աշոտ Բարսեղյանը։

Пара в ресторане - Sputnik Արմենիա
ՀՀ ֆինանսների նախարարությունը կմեղմի ռեստորանների և սրճարանների «հարկային սննդակարգը»

Հայաստանում 2018 թվականի հուլիսի 1–ից լիցենզիոն վճարը (քառակուսի մետրի համար հարկը) փոխարինել են շրջանառության 6% հարկով։ Ռեստորատորները մի կերպ համակերպվել էին դրան, սակայն բողոքի նոր ալիք բարձրացավ, երբ որոշվեց 2019 թվականի հունվարի 1–ից հարկը բարձրացնել մինչև 8%, իսկ 2020 թվականից` մինչև 10%։

Սակայն ՀՀ վարչապետ Նիկոլ Փաշինյանի հետ հանդիպումից հետո, իշխանությունները միջանկյալ որոշում կայացրեցին, որը ներկա պահին բավարարում է բոլոր շահագրգիռ կողմերին։

Սա ևս մեկ անգամ վերահաստատեց ՀՀ ֆինանսների փոխնախարար Արման Պողոսյանը` ներկայացնելով Հարկային օրենսգրքում փոփոխություններ կատարելու նախագիծը։ Ուրբաթ` հունիսի 7-ին, ԱԺ–ում, նա նշել էր, որ իշխանությունները որոշել են հարկն անփոփոխ թողնել`  6% շրջանառությունից մինչև 3% ծախսերի նվազեցմամբ։ Իրականում այս հարկի բեռը կկազմի մոտ 4,5%։

Блогер Александр Лапшин - Sputnik Արմենիա
Հայաստանի ռեստորանները լավագույնն են ԱՊՀ–ում. Լապշինը գիտի` ինչպես գրավել զբոսաշրջիկներին

«Խորհրդարանում հարցը ես եմ բարձրացրել։ Մենք պարզապես արձանագրել ենք, որ նախկինում իշխանությունների և մեր միջև ձեռք բերված պայմանավորվածությունը ուժի մեջ է մնում և ոչինչ չի փոխվելու», – ասաց Բարսեղյանը։

Նա նշեց, որ այդ պայմանավորվածությունը բավարարում է ռեստորանատերերին և այն առավել օպտիմալ է։

Հիշեցնենք, որ ՀՀ վարչապետ Նիկոլ Փաշինյանի հետ հանդիպումից հետո որոշվել էր, որ 6%–ոց դրույքը ռեստորատորների համար պահպանվելու է մինչև 2022 թվականը։ Երեք տարվա ընթացքում իշխանությունը կաշխատի վիճելի կետերի շուրջ, իսկ ռեստորատորները կհարմարվեն հարկային նոր իրողություններին։ 2022 թվականից ռեստորատորները պարտավորվում են 10% հարկ վճարել շրջանառությունից։ Սակայն վճարած հարկի 4%–ը կարող է հետ գալ` գնված մթերքներից ու կոմունալ ծառայություններից։

Դեռ անհայտ է` ինչ մթերքի մասին է խոսքը ու այդ մթերքի վրա ծախսած գումարի ինչ չափի։ Չի բացառվում, որ 4% հանումը գործելու է այն պայմանով, եթե ռեստորատորները մթերք գնեն Հայաստանի գյուղացիներից։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала