ԵՐԵՎԱՆ, 11 սեպտեմբերի — Sputnik. Թեհրանը մտադիր է հետագայում ևս կրճատել «միջուկային գործարքի» պարտավորությունները, եթե դրա անհրաժեշտությունը լինի։ Այս մասին կառավարության նիստի ժամանակ հայտարարել է Իրանի նախագահ Հասան Ռոհանին, հայտնում է ՌԻԱ Նովոստին։
Ավելի վաղ Իրանը հայտարարել էր «միջուկային գործարքի» շրջանակում պարտավորությունների կրճատմանն ուղղված միջոցառումների երրորդ փուլի մասին` ի պատասխան ԱՄՆ–ի` համաձայնագրից դուրս գալուն։ Թեհրանը որոշել էր սեպտեմբերի 6-ից իրեն չկապել միջուկային գործարքով նախատեսված սահմանափակումների հետ ։ Հայտնում էին, որ Իրանում միջուկային համաձայնագրի դրույթներից դուրս մի շարք ցենտրիֆուգներ կգործարկվեն։
«Եթե անհրաժեշտ լինի, հետագայում մենք նաև այլ քայլեր կձեռնարկենք (միջուկային պարտավորությունների կրճատման հետ կապված)», – նշել է Ռոհանին։
Իրանի նախագահ Հասան Ռոհանին կայցելի Հայաստան
Ավելի վաղ Իրանի փոխարտգործնախարար Աբաս Արակչին հայտարարել էր, որ վերադարձը «միջուկային գործարքի» իրականացմանը կախված է նրանից` մինչև տարեվերջ Իրանին 15 մլրդ դոլարի վարկ կտրամադրեն, թե ոչ։
«Մեր դիվանագետներին հաջողվել է շատ կարևոր հաղթանակ տանել». ԱՄՆ-Իրան հարաբերություններն ու Հայաստանը
Նշենք, որ ԱՄՆ–ի և Իրանի հարաբերությունները կտրուկ սրվել էին այն բանից հետո, երբ Վաշինգտոնը հայտարարեց «միջուկային գործարքից» դուրս գալու մասին։ Ամերիկայի իշխանությունը տնտեսական խիստ պատժամիջոցներ մտցրեց և շարունակում է ուժեղացնել ճնշումը։ Վաշինգտոնի նպատակը` Թեհրանի «վարքագիծը փոխելն» է։
