Հայաստանը կարող է հայտնվել «սև ցուցակում». IATA–ն կստուգի ավիափոխադրումների շուկան

© Sputnik / Aram Nersesyan Самолет авиакомпании "Армения" в аэропорту "Звартноц"
Самолет авиакомпании Армения в аэропорту Звартноц - Sputnik Արմենիա
Բաժանորդագրվեք
Yandex newsTelegram
Եվրամիության «սև ցուցակի» սպառնալիքի պատճառով կոմիտեն ավելի խիստ կլինի։ Աշխատանքն ավելի արդյունավետ կատարելու և կադրային խնդիրը լուծելու համար Ռևազյանը մտադիր է առաջարկել օրենսդրական փոփոխություններ։

ԵՐԵՎԱՆ, 16 դեկտեմբերի — Sputnik. Քաղավիացիայի կոմիտեն ստիպված կլինի հաշվետու լինել Օդային տրանսպորտի միջազգային ասոցիացիայի փորձագետներին` Եվրամիության «սև ցուցակում» չհայտնվելու համար. այն առաջարկում է արգելք սահմանել հայկական ավիաընկերությունների թռիչքների վրա։ Այս մասին այսօր լրագրողների հետ զրույցում ասաց կոմիտեի ղեկավար Տաթևիկ Ռևազյանը։

Совместная пресс-конференция бюджетной авиакомпании Wizz Air, компании «Международные аэропорты Армении» и Комитета гражданской авиации (16 декабря 2019). Еревaн - Sputnik Արմենիա
Wizz Air–ը չվերթեր է սկսում Երևանից Վիեննա և Վիլնյուս

Ռևազյանի խոսքով` խնդիրը կապված է «Տարոն Ավիա» ավիաընկերության հետ, որի աշխատանքում բացահայտվել են մի շարք լուրջ թերություններ` ԵՄ երկրներում չվերթեր իրականացնելու հայտեր տրամադրելիս։ Այդ փուլում պարզվել է, որ ընկերությունը չի ապահովում թռիչքների անվտանգության պատշաճ մակարդակ։ Ավելի վաղ «Տարոն Ավիան» աշխատել է աֆրիկյան երկրներում։ Օդային տրանսպորտի միջազգային ասոցիացիայում (IATA) համարել են, որ հայկական կոմիտեն պարտավոր էր ավելի վաղ արձանագրել այդ խնդիրները։ Այժմ ընդհանուր առմամբ հարցականի տակ է հայկական ընկերությունների կողմից փոխադրումների անվտանգությունն ապահովելու հարցը։

Ռուսաստանը հետաքրքրված է Վրաստանի հետ ավիահաղորդակցության վերականգնմամբ

Ռևազյանը ստիպված է եղել արդարանալ և ներկայացնել ավելի լայն պատկեր։ Արդյունքում` Օդային տրանսպորտի միջազգային ասոցիացիան ժամանակ է տվել քաղավիացիային թերությունները վերացնելու համար։ Մայիսին ավիափոխադրումների հայկական շուկան կենթարկվի լայնածավալ ստուգումների։

Քաղավիացիայի կոմիտեն նոյեմբերի 6–ին դադարեցրել է «Տարոն Ավիայի» հավաստագրի վավերականությունը։ Պատճառ են հանդիսացել տեսչական ստուգումների ժամանակ բացահայտված թերությունները։

Самолет авиакомпании Armenia в аэропорту Звартноц - Sputnik Արմենիա
Ծաղիկներ և հյուրասիրություն. գործարկվել է Երևան–Անապա ուղիղ չվերթը

«Մենք կարողացանք պայմանավորվել ավիաընկերության հետ և դադարեցնել դրա գործունեությունը։ Փորձագետները կանցկացնեն բազմակողմանի և ընդլայնված ստուգումներ, կայցելեն հայկական ավիաընկերություններ, որից հետո արդեն որոշում կկայացվի։ Պետք է ստուգում անցնենք, մենք այլ ելք չունենք», – ասաց նա։

Ռևազյանը հավելեց, որ Հայաստանում գրանցված Atlantis European Airways–ում նույնպես որոշ խնդիրներ են գրանցել, բայց ընկերությունը ստացել է թույլտվություն։ «Արմենիա» ավիաընկերության մոտ ոչ մի խնդիր չեն գտել, և այն հաջողությամբ անցել է աուդիտը։

Ռևազյանը հավելեց, որ կոմիտեն այսուհետ ավելի խիստ կմոտենա հսկողության հարցերին, սակայն դա չափազանց բարդ կլինի կադրերի խիստ պակասի ֆոնին։

Շուտով շուկա կարող է մուտք գործել հայկական նոր ավիաընկերություն. Տաթևիկ Ռևազյան

«Ռեսուրսները չեն բավականացնում ավելի խիստ ստուգումներ անցկացնելու համար։ Ամենամեծ խնդիրը ցածր աշխատավարձերն են։ Եթե օդաչուն կարող է հայկական շուկայում միջինում ստանալ 4-5 հազար դոլար աշխատավարձ, իսկ արտասահմանում` 10-15 հազար, ապա նա, իհարկե, չի համաձայնի աշխատել կոմիտեում 150 հազար դրամով», – նշեց կոմիտեի ղեկավարը։

Самолет Airbus А320 авиакомпании S7 Airlines - Sputnik Արմենիա
Վրաստան չվերթերի արգելքի պատճառով ռուսական ավիաընկերությունները միլիարդների վնաս են կրել

Հիշեցնենք, որ Տաթևիկ Ռևազյանը հանդես է եկել օրենսդրական շտկումներով` առաջարկելով բարձրացնել կոմիտեի աշխատողների աշխատավարձերը։

Կոմիտեն մտադիր չէ աշխատավարձերը բարձրացնել բյուջետային միջոցների հաշվին։ Ռևազյանը պատրաստվում է կիրառել միջազգային փորձը և ներդնել վճարային ծառայությունների համակարգ. այսինքն` կոմիտեն ինքը գումար կվաստակի` վճար գանձելով որոշակի ծառայություններ տրամադրելու դիմաց։

«Հայաստանում ավիաընկերություն գրանցելու կամ օդաչուի արտոնագիրը երկարացնելու համար գումար չեն վերցնում, բայց դա աշխարհում կիրառվում է և նորմալ է համարվում», – եզրափակեց նա։

Ինչո՞ւ են ղազախստանցիներն ավելի շատ մեկնում Վրաստան. դեսպանը դիմեց հայկական բիզնեսին

Նշենք, որ Տաթևիկ Ռևազյանը, խորհրդարանում ներկայացնելով «Պետական տուրքի մասին» օրենքում փոփոխությունները, առաջարկել է Հայաստանում արդեն աշխատող և նոր ավիափոխադրողներին երեք տարով հարկային արտոնություններ տրամադրել` նոր զբոսաշրջային ուղղություններ բացելու դեպքում։ Մասնավորապես, խոսքը այսպես կոչված «օդի հարկը» վերացնելու մասին է, որն արդյունքում ներառվել է տոմսի արժեքի մեջ։ Այդ հարկը գանձվում է 1997թ–ից և կազմում է 10 հազար դրամ։ Առաջարկված փոփոխություններն ընդունվել են։

Լրահոս
0