Ինչու Խորեն Հովհաննիսյանը հրաժարվեց ՀՖՖ նախագահի թեկնածությունից

© Sputnik / Asatur YesayantsХорен Оганесян
Хорен Оганесян  - Sputnik Արմենիա
Բաժանորդագրվեք
Yandex newsTelegram
Հայաստանի ֆուտբոլի ֆեդերացիայի նախագահի առաջիկա ընտրություններին նախապես առաջադրված չորս թեկնածուներից «մրցավազքի» մեջ մնացին երկուսը: Արսեն Աղաջանյանի թեկնածությունը ՀՖՖ-ն մերժեց, Խորեն Հովհաննիսյանը էլ որոշեց պայքարից հրաժարվել:

ԵՐԵՎԱՆ, 21 դեկտեմբերի — Sputnik. Դեկտեմբերի 23-ին կայանալիք ՀՖՖ նախագայի ընտրություններին կմասնակցեն Թովմաս Գրիգորյանն ու Արմեն Մելիքբեկյանը: Լեգենդար ֆուտբոլիստ Խորեն Հովհաննիսյանը որոշել է հրաժարվել պայքարից ու սատարել թեկնածուներից մեկին՝ Մելիքբեկյանին:

Лусине Бакумян - Sputnik Արմենիա
Խախտումներ` ՀՖՖ փոխնախագահների և գլխավոր քարտուղարի ընտրության հարցում. ի՞նչ է կատարվել

Ընտրություններին նախորդող ելույթների ու քննարկումների ժամանակ Խորեն Հովհաննիսյանի անունը ամենաքիչն էր հնչում: Ինչ-որ տեղ արդեն պարզ էր, որ ՀՖՖ նախագահի պաշտոնին իրատեսորեն հավակնում են Թովմաս Գրիգորյանն ու Արմեն Մելիքբեկյանը: Բայց որ Հովհաննիսյանը կհրաժարվեր պայքարից, դժվար էր պատկերացնել:

Հովհաննիսյանը տասն օր առաջ հաստատակամ շարունակում էր քննադատել ՀՖՖ նախորդ ղեկավարությանը, և նշում իր ծրագրերի մասին, ըստ որոնց, պետք է «առողջացներ» հայկական ֆուտբոլը: Եթե պայքարից հրաժարվելու նրա որոշումը ինչ-որ տեղ հասկանալ հնարավոր է, ապա դժվար է պատկերացնել, թե ինչ տեղի ունեցավ, որ լեգենդար ֆուտբոլիստը որոշեց սատարել այն թեկնածուին, որի աշխատանքը ընդամենը մի քանի օր առաջ քննադատում էր:

Ովքեր են Հայաստանի ամենաթանկարժեք ֆուտբոլիստները. տրանսֆերային պատուհաններ և անակնկալներ

Փաստը մնում է փաստ, որ հիմա, ըստ Հովհաննիսյանի, ինքն ու Արմեն Մելիքբեկյանը նույն տեսլականն ունեն ֆուտբոլի զարգացման համար` որոշ տարբերություններով, այդ իսկ պատճառով լեգենդար ֆուտբոլիստն իր թեկնածությունը հանելուց բացի, աջակցելու է երեկվա իր մրցակցին: Սա նշանակում է, որ այն հասարակական կազմակերպությունները, որոնք պատրաստվում էին ձայն տալ Խորեն Հովհաննիսյանին, հիմա քվեարկելու են Մելիքբեկյանի օգտի՞ն:

Լարված պայքար ՀՖՖ նախագահի աթոռի համար. քաղաքական ինտրիգները միայն կխանգարեն

Համենայնդեպս, արդեն հնարավոր է, որ ուժերի հարաբերակցությունը թեքվում է հօգուտ Մելիքբեկյանի: Թովմաս Գրիգորյանը, որը մինչ Հովհաննիսյանի հայտարարությունը, Մելիքբեկյանի հետ ուներ հավասար կամ ավելի շատ հնարավորություններ ՀՖՖ նախագահ ընտրվելու, հիմա արդեն կարծես թե ֆավորիտ չի համարվելու: Չնայած ամեն ինչ պարզ կդառնա ընտրություններից հետո, և չի բացառվում, որ այն մարդիկ, որոնք քվեարկելու էին Հովհաննիսյանի համար, հիմա քվեարկեն ի օգուտ Մելիքբեկյանի: Կարող է տեղի ունենալ նաև ճիշտ հակառակը, ու այդ դեպքում դժվար է ասել, թե ո՞վ է նրանցից ֆավորիտը:

Լրահոս
0