12:41 10 օգոստոսի 2020
Ուղիղ եթեր
  • USD485.00
  • GBP634.96
  • EUR573.17
  • RUB6.58
Հեղինակներ
Ստանալ կարճ հղումը
191 0 0

Հայաստանի ֆուտբոլային ընտանիքի համար նոր ՀՖՖ նախագահ ու գործկոմ ընտրելը չափազանց կարևոր նշանակություն ունի: Այս ընտրություններին հաստատ հետևելու են նաև ֆուտբոլի համաշխարհային ու եվրոպական ֆեդերացիաները՝ ՖԻՖԱ-ն և ՈւԵՖԱ-ն:

Հայաստանի ֆուտբոլի ֆեդերացիայի նախագահի ընտրություններում սպասվածից ավելի լարված պայքար է ծավալվել: Առաջադրված թեկնածուներից որևէ մեկին ակնհայտ պետական աջակցության դեպքում ՀՖՖ-ն համաշխարհային ու եվրոպական ֆեդերացիաների կողմից կարող է ընդհանրապես հայտնվել «խաղից դուրս» վիճակում:

Ֆեդերացիայի նախագահի ընտրություններից առաջ սկսեցին «պիտակավորվել» առաջադրված թեկնածուներից երկուսին. Արմեն Մելիքբեկյանը հիմա համարվում  Հայաստանի քաղաքական վերնախավի ներկայացուցիչը, նրանց նախընտրելի թեկնածուն, իսկ Թովմաս Գրիգորյանին էլ Մելիքբեկյանն ու նրա կողմնակիցները համարում են Ռուբեն Հայրապետյանի թեկնածուն: Այս ամենը վատ ընթացք է ստանում հայկական ֆուտբոլում:

Ամենահետաքրքիրն այն է, որ ֆուտբոլային հասարակությունը փոփոխություն է ուզում, բայց նոր մարդիկ համարյա չկան այդ պլանների մեջ: ՀՖՖ նախկին նախագահ Արթուր Վանեցյանի գործունությունն անբավարար գնահատելով` նույն գնահատականին են արժանանում նաև նրա օգնականները, ովքեր փաստացի ղեկավարել են Հայաստանի ֆուտբոլային գերատեսչությունը: Բայց հիմա նախագահի թեկնածուներից մեկը` Արմեն Մելիքբեկյանը, հենց նախորդ աշխատակազմն է ներկայացնում:

«ՈՒԵՖԱ-ից այցելում են մեզ ու ասում, որ ապրում ենք քարե դարում». Սուրեն Բաղդասարյան

Արմեն Մելիքբեկյանի և Թովմաս Գրիգորյանի անունները ավելի հաճախ են հնչում, քան երրորդ թեկնածուի՝ լեգենդար ֆուտբոլիստ Խորեն Հովհաննիսյանի: Այսինքն` կարելի է եզրակացնել, որ պայքարը հիմնականում ընթանալու է Մելիքբեկյանի և Գրիգորյանի միջև:

Թե ո՞վ կլինի նախագահը կիմանանք, համաժողովից հետո: Ընտրությունը պատկանում է ընտրողներին: Բայց ֆուտբոլային հասարակությունը պետք է հնարավորինս աշխատի զերծ մնալ քաղաքական ազդեցություններից: Ֆուտբոլն ու քաղաքականությունը իրար հետ կապ չպետք է ունենան: Հակառակ դեպքում կգրավենք ՖԻՖԱ-ի ուշադրությունն, ու Հայաստանի ֆուտբոլի ֆեդերացիան կորակազրկվի։

Գաղտնիք չէ, որ ՖԻՖԱ-ն և ՈւԵՖԱ-ն երբեք չեն հանդուրժել ու չեն էլ պատրաստվում հանդուրժել պետության միջամտությունը տվյալ երկրի ֆուտբոլային ֆեդերացիայի գործերին: Եղել են բազմաթիվ որակազրկումներ այդ պատճառով: 2011 թվականին, օրինակ, կանոնակարգի ոչ ճիշտ փոփոխման պատճառով որակազրկվեց ֆուտբոլի Բոսնիայի ֆեդերացիան, պետական միջամտության պատճառով 2008 թվականին որակազրկվել են Պերուի, 2010 թվականին` Նիգերիայի, 2016-ին էլ Քուվեյթի ու Բենինի ֆուտբոլային ֆեդերացիաները:

ՀՖՖ-ի շուրջ նոր բացահայտումներ են սպասվում. գործին խառն են տեղակալները. «Ժողովուրդ»

 Հայաստանի ֆուտբոլի առաջնություններում բազմաթիվ խնդիրներ կան: Մասնավորապես առաջին լիգայում կասկածելի արդյունքներ գրանցված շատ խաղերի պատճառով մեր ֆեդերացիան արդեն հայտնվել է ՖԻՖԱ-ի և ՈւԵՖԱ-ի ուշադրության կենտրոնում: Հիմա էլ ՀՖՖ նախագահի ընտրություններում զգացվում է քաղական ազդեցությունը: Սա շատ վտանգավոր երևույթ է: Եթե մենք ուզում ենք մնալ որպես համաշխարհային ու եվրոպական ֆուտբոլային ընտանիքի լիարժեք անդամ, պետք է անմիջապես հետևություններ արվեն ու ընտրություններն անցկացվեն առանց քաղաքական ուժերի միջամտության:

Նշենք, որ ՀՖՖ նախագահի և գործկոմի անդամների ընտրությունը կայանալու է դեկտեմբերի 23-ին: 

Ըստ թեմայի

Մխիթարյանի հետ ու առանց նրա, որն է խնդիրը. Ռոման Բերեզովսկին` ազգային հավաքականի մասին
Ֆուտբոլիստների ապահովագրություն, կամ ինչպես կանխել ողբերգական դեպքերն այս մարզաձևում
Ո՞վ է ձերբակալված Հրաչ Քանանյանը
թեգերը:
ՖԻՖԱ, Խորեն Հովհաննիսյան, Նախագահ, Ընտրություններ, ՀՖՖ, ֆուտբոլ

Գլխավոր թեմաներ