Բրոնզե մեդալի 2 հնարավորություն և 2 պարտություն. Հայաստանի ըմբիշների արդյունքները

© Sputnik / Hasmik GrigoryanМигран Джабурян по окончании полуфинального поединка Чемпионата Европы по вольной борьбе (14 февраля 2020). Рим
Мигран Джабурян по окончании полуфинального поединка Чемпионата Европы по вольной борьбе (14 февраля 2020). Рим - Sputnik Արմենիա
Եվրոպայի ազատ ոճի ըմբշամարտի առաջնությունում մրցումային օրվա ընթացքում Հայաստանի հավաքականի ըմբիշները կարող էին բրոնզե երկու մեդալ նվաճել, բայց երկու դեպքում էլ հաջողությունը երես թեքեց նրանցից:

ԵՐԵՎԱՆ, 15 փետրվարի — Sputnik. Հռոմում ընթացող Եվրոպայի առաջնությունում 57 կգ քաշային կարգում Հայաստանը ներկայացնող ազատոճային Միհրան Ջաբուրյանն այսօր 0:9 հաշվով պարտվեց սերբ Ստևան Միչիչին բրոնզե մեդալի համար պայքարում, իսկ 70 կգ քաշային կարգում Գևորգ Մխեյանը դրամատիկ պայքարում 7:9 հաշվով պարտվեց մոլդովացի Միխայիլ Սավայի հետ գոտեմարտում:

«Զվարթնոց» օդանավակայանում դիմավորում եմ հաղթանակած ըմբշամարտիկներին - Sputnik Արմենիա
Ըմբշամարտիկները վերադարձան. «Զվարթնոցում» նրանց դիմավորեցին չեմպիոններին վայել ձևով

Ջաբուրյանը Եվրոպայի առաջնության կիսաեզրափակիչ էր հասել երկու անընդմեջ հաղթանակներից հետո: Հայ ըմբիշը նախ 5:4 հաշվով հաղթել էր բելառուս Դիմչիկ Ռիչունովին, ապա 5:0 հաշվով առավելության հասել մոլդովացի Անատոլի Բուռույանի նկատմամբ: Կիսաեզրափակիչում Ջաբուրյանը 3:6 հաշվով պարտվել էր թուրք Սուլեյման Աթլիին և բրոնզե մեդալի համար գոտեմարտելու իրավունք ստացել։

Գևորգ Մխեյանը երրորդ տեղի համար պայքարելու հնարավորություն էր ստացել սփոփիչ գոտեմարտերում երկու անընդմեջ հաղթանակ տոնելուց հետո։ Բրոնզե մեդալի համար հայ ըմբիշը մրցել էր մոլդովացի Միխայիլ Սավայի հետ: Փոփոխական հաջողությամբ ընթացած գոտեմարտում հայ ըմբիշն ի վերջո պարտվեց ու մնաց առանց մեդալի:

Հայաստանի ազատ ոճի հավաքականը դեռևս կարող է մեդալներ նվաճել Եվրոպայի առաջնությունում: Բայց մեր ըմբիշները պայքարելու են միայն երրորդ տեղի համար: Կիսաեզրափակիչ դուրս եկած Արսեն Հարությունյանը, Մարզպետ Գալստյանն ու Լևան Բերիանիձեն չկարողացան նվաճել եզրափակիչի ուղեգիր:

Եվրոպայի գործող չեմպիոն 20–ամյա Արսեն Հարությունյանը կիսաեզրափակիչում 6:7 հաշվով զիջեց ռուս Ալեքսանդր Բագամոևին: 92 կգ քաշային կարգում հանդես եկող Մարզպետ Գալստյանը եզրափակիչի ճանապարհին 0:7 հաշվով պարտվեց շվեյցարացի Սամուել Շեռերերին, իսկ գերծանր քաշային Լևան Բերիանիձեն կիսաեզրափակիչում անզոր էր լեհ Ռոբերտ Բառանի դեմ՝ 0:9:

Արթուր Ալեքսանյանը ոսկե մեդալ վաստակեց և դարձավ Եվրոպայի հնգակի չեմպիոն

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала