«Հայրենիքում ապրելը հատուկ զգացողություն է». 105–ամյա պապը Իտալիայից տեղափոխվել է Հայաստան

Բաժանորդագրվեք
НовостиTelegram
Թուրքիայում ծնված, կյանքի մեծ մասն Իտալիայում ապրած 105-ամյա հայ պապիկը` Նուրհան Ժոզեֆովիչը, մոտ 4 ամիս է տեղափոխվել և բնակվում է պատմական հայրենիքում` Հայաստանում։

Sputnik Արմենիայի նկարահանող խմբին հաջողվել է հանդիպել ու զրուցել 105–ամյա, կենսուրախ ու հայրենասեր պապիկի հետ։ Նուրհան Յոսուփովիչն ասում է` մարդ ինչքան մեծանում է, այնքան ավելի շատ է ուզում ընտանիքին, հայրենիքին մոտ լինել։ Հայաստան գալը նրա ամբողջ կյանքի երազանքն է եղել։ Ու միայն 105 տարեկանում նա իրականացրել է վաղեմի իղձը։

105-летний гражданин Италии Нурхан Жозефович в Армении (7 февраля 2020 год), Еревaн.  - Sputnik Արմենիա
105 տարեկանում կյանքը միայն սկսվում է․ ինչու է Իտալիայի քաղաքացին տեղափոխվել Հայաստան

Շուտով նա նաև հայկական անձնագիր կունենա։ Արդեն փաստաթղթերը ներկայացրել է ՀՀ քաղաքացիություն ստանալու  համար։

«Հայրենիքս Հայաստանն է։ Պետք է Հայաստան գայի։ Եկա։ Հայրենիքում ապրելը հատուկ զգացողություն է»,–ասում է նա։

Նուրհան պապն Իտալիայի քաղաքացի է, թեև 1915 թվականին ծնվել է Թուրքիայի Օրթա գյուղում։

Դպրոցն ավարտելուց հետո Նուրհանը հինգ տարի աշխատել է Թուրքիայում իտալական բանկի մասնաճյուղում։ Հասկանալով, որ աշխատանքը հեռանկարային չէ, նա ազատվել է աշխատանքից։ 1950թ.-ին աշխատանքի է անցել Թուրքիայում Իտալիայի դեսպանատանը։ Սկսել է մշակույթի հարցով քարտուղարի պաշտոնից, հետո աշխատել դեսպանատանը՝ որպես ռազմական կցորդի երրորդ, այնուհետև երկրորդ և վերջապես առաջին քարտուղար։ 1980թ.-ին անցել է թոշակի։ Իտալիայի կառավարությունը երկրին մատուցած ծառայությունների համար նրան պարգևատրել է շքանշանով։

«Պապդ մահացե՞լ է». Միլիտոնյանի թոռնիկը զվարճալի իրավիճակում է հայտնվել

Նուրհան պապն իր երկարակեցության գաղտնիքը համարում է ամեն ինչում չափավոր լինելը։

Լրահոս
0