Ռուբեն Հայարապետյանը կարող էր հայրենիք վերադառնալ, բայց չի եկել․ ՔԿ ղեկավար

© Sputnik / Asatur YesayantsРубен Айрапетян
Рубен Айрапетян - Sputnik Արմենիա
Բաժանորդագրվեք
ՀՀ Քննչական կոմիտեի ղեկավար Հայկ Գրիգորյանը մեկնաբանել է ՀՖՖ նախկին նախագահի հայտարարությունը հայրենիք վերադառնալու հնարավորության  բացակայության մասին։

ԵՐԵՎԱՆ, 9 հունիսի – Sputnik․ Հետախուզման մեջ գտնվող Հայաստանի ֆուտբոլի ֆեդերացիայի նախկին նախագահ, նախկին պատգամավոր Ռուբեն Հայրապետյանի հայարարություններն այն մասին, որ նա կորոնավիրուսի հետ կապված իրավիճակի պատճառով չի կարող հայրենիք վերադառնալ, անհիմն են։ Այս կարծիքն այսօր խորհրդարանում լրագրողների հետ զրույցում հայտնեց Քննչական կոմիտեի ղեկավար Հայկ Գրիգորյանը։

Ավելի վաղ Հայրապետյանի փաստաբան Արմամ Մակինյանն ասել էր, որ նախկին պատգամավորը Մոսկվայում է ու մեկուսացված է, քանի որ ռիսկային խմբում է գտնվում։

Рубен Айрапетян - Sputnik Արմենիա
Ռուբեն Հայրապետյանը ՀՖՖ-ն դարձրած է եղել հարստանալու գործիք. ոստիկանության բացահայտումները

«Հայտնի է, որ այդ գործով ունենք ներգրավված 6 մեղադրյալ, որոնց մի մասը հետախուզման մեջ է, մի մասը՝ ոչ: Նախ՝ մենք մեր հերթին կազմակերպել էինք հնարավոր աջակցություն՝ դեսպանի միջոցով Հայաստան ներկայանալու հարցում օժանդակելու համար: Բացի այդ, քննության ընթացքում ի հայտ բերեցինք Մոսկվայի քաղաքապետի մի հրաման, որը սահմանափակումների ընթացքում թույլ էր տալիս անձանց քրեական հետապնդման մարմիններ ներկայանալու համար տան, բակի, շրջանի տարածքը լքել: Սահմանափակում այդ մասով չկար: Այժմ հայտարարված է հետախուզում», - ասաց Գրիգորյանը։

Այսպիսով՝ Հայրապետյանը կարող էր հայրենիք վերադառնալ, բայց չի արել դա, ու հետախուզման մեջ է գտնվում։ Գրիգորյանը պարզաբանեց, որ Հայրապետյանը փետրվարից երկրից դուրս է գտնվում, իսկ գործը մարտ-ապրիլին է հարուցվել։

Նշենք, որ Ռուբեն Հայրապետյանը որպես մեղադրյալ է ներգրավել ՀՀ քրեական օրենսգրքի 119-րդ հոդվածի 2-րդ մասի 3-րդ, 5-րդ կետով (ֆիզիկական ուժեղ ցավ կամ հոգեկան տառապանք պատճառելը), 133-րդ հոդվածի 2-րդ մասի 1-ին, 2-րդ, 7-րդ կետերով (մի խումբ անձանց կողմից շահադիտական դրդումներով մարդուն առևանգելը) և 322-րդ հոդվածի 2-րդ մասով (ինքնիրավչություն): Նա գտնվում է հետախուզման մեջ, խափանման միջոց է ընտրվել կալանավորումը։ Նույն մեղադրանքները ներկայացվել են նրա որդուն՝ Ռաֆիկ Հայրապետյանին, ում կալանավորելու միջնորդությունը մերժվել է, նա ազատության մեջ է, Հայաստանում է։

«Հարսնաքարի» նախկին տնօրենն ինքն է գույք հափշտակել. Ռուբեն Հայրապետյանի փաստաբան

Հիշեցնենք, որ դեռևս 2019–ի թվականին Ռուբեն Հայրապետյանի նկատմամբ 4 հոդվածով քրեական գործ էր հարուցվել։ Դրանք են` 315-րդ հոդվածի 2-րդ մաս (պաշտոնեական անփութություն, որն անզգուշությամբ առաջացրել է ծանր հետևանքներ), 179-րդ հոդվածի 3-րդ մաս (խոշոր չափերով յուրացում), 325-րդ հոդվածի 2–րդ մաս (մի խումբ անձանց կողմից փաստաթղթեր կեղծելը) և 214-րդ հոդվածի 2-րդ մաս (առևտրային կամ այլ կազմակերպությունների ծառայողների կողմից լիազորությունները չարաշահելը):

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала