Ռեստորանները վարակի աղբյո՞ւր են․ ոլորտի ներկայացուցիչներին մտահոգել է Թորոսյանի ասածը

© Sputnik / Andranik GhazaryanСтулья закрытого летнего кафе у площади Свободы
Стулья закрытого летнего кафе у площади Свободы - Sputnik Արմենիա
Բաժանորդագրվեք
Yandex newsTelegram
Ռեստորանների հայկական միությունն առաջարկում է նստել բանակցությունների սեղանի մոտ ու կշռադատել բոլոր կողմ և դեմ փաստարկները, ինչպես նաև այդ ոլորտի շուրջ ստեղծված իրավիճակը։

ԵՐԵՎԱՆ, 29 հունիսի – Sputnik․ Հայաստանի ռեստորանային ոլորտի ներկայացուցիչներին անհանգստացրել է առողջապահության նախարար Արսեն Թորոսյանի հայտարարությունը։ Ավելին, նրանք առաջարկում են փակել սրճարաններն ու ռեստորանները, արգելել դրանց գործունեությունը, եթե ապացուցվի, որ հանրային սննդի վայրերը COVID-19-ի տարածման աղբյուր են հանդիսանում։

Руководитель клинических работ медцентра Арташат Лилит Мусеян и инфекционист Агаси Махтесян - Sputnik Արմենիա
Նրանք պայքարում են կորոնավիրուսային դժոխքում. մի քանի ժամ վերակենդանացման բաժանմունքում

Ավելի վաղ ՀՀ առողջապահության նախարար Արսեն Թորոսյանը քաղաքացիներին կոչ էր արել հնարավորինս շատ տանը մնալ, դուրս գալ ծայրահեղ անհրաժեշտության դեպքում, չայցելել ազգականներին և ընկերներին, չգնալ բնության գրկում խնջույքների և չայցելել տեսարժան վայրեր, ինչպես նաև խմբերով չհավաքվել ռեստորաններում և սրճարաններում։ Բացի այդ, ռեստորանային ոլորտի գործունեության որոշակի սահմանափակումներ են նախատեսվում, սակայն առայժմ հայտնի չէ, թե ինչի մասին է խոսքը։

Իսկ Ռեստորանների հայկական միությունը Թորոսյանի այդ կոչն անվանել է մահվան դատավճիռ հանրային սննդի հաստատությունների համար, որոնք առանց այդ էլ հազիվ են գոյատևում այցելուների հոսքի աղետալի անկման պայմաններում։

Միության նախագահ Վահե Գևորգյանը Sputnik Արմենիայի թղթակցի հետ զրույցում նշեց, որ մինչ օրս հանրային սննդի հաստատությունների գործունեության արդյունքում կորոնավիրուսով վարակվելու ոչ մի դեպք չի գրանցվել։

«Մենք սխալ ենք համարում առանց այդ էլ վատ վիճակում գտնվող ոլորտի շեշտադրումը։ Եթե ասում եք, որ դա վարակի աղբյուր է, ուրեմն փակեք հաստատությունները, ասեք, որ դադարեցնում եք դրանց գործունեությունը»,-ասաց Գևորգյանը։

Նրա խոսքով՝ ռեստորանային բիզնեսն ամբողջ մեկուկես ամիս փակ է եղել, բացվելուց հետո ընդունել է պարետատան հաստատած բոլոր կանոններն ու նորմերը։ Ոլորտի ներկայացուցիչներն ըմբռնումով են մոտեցել իրականությանը, քանի որ նրանց համար բնակչության առողջությունն առաջնահերթ է։

Табличка при входе в отель Арени Вайн Арт - Sputnik Արմենիա
Ճանապարհորդե՞լ Հայաստանում, թե՞ սպասել սահմանների բացմանը. հայկական զբոսաշրջության ներկան

Գևորգյանը նշեց, որ չնայած բոլոր սահմանափակումներին, զբոսաշրջիկների բացակայությանը, ռեստորատորները փորձել են «ջրի երեսին մնալ» և չկրճատել հիմնական աշխատակիցներին։ Խոսքը ոլորտում ներգրավված տասնյակ հազարավոր մարդկանց մասին է։ Այժմ նրանք խնդրում են ըմբռնումով մոտենալ ոլորտի առանձնահատկություններին։

Միության նախագահի խոսքով` պարետատան ընդունած միջոցառումներն ու կանոնները չեն քննարկվել ոլորտի ներկայացուցիչների հետ։ Ոչ ոք իրենց հետ չի խորհրդակցել, իրենց կարծիքը չի հարցրել, բայց ռեստորատորները դրանից էլ չեն բողոքում։ Նրանց վրդովվեցնում է տեսչական մարմնի գործունեությունը այս պայմաններում, երբ հաստատությունները 99,9 տոկոսով պահպանում են հակահամաճարակային կանոնները։

Ըստ Գևորգյանի` տպավորություն է ստեղծվում, որ տեսուչները «կարգազանցներին» հայտնաբերում են ուղղակի որոշակի տոկոս պահելու համար։ Նա մի օրինակ բերեց, երբ ռեստորաններից մեկը փակվել է միայն այն պատճառով, որ սեղանների հեռավորությունը 1,5 մետրից մի փոքր պակաս է եղել։ Ընդ որում՝ ռեստորանը դատարկ է եղել, այցելուներ չեն եղել։ Եվ նման օրինակները բազմաթիվ են։

«Նրանք կարող էին մեզ հավաքել, բարձրաձայնել կանոնները, քննարկել մեզ հետ, խորհրդակցել և հետո միայն քայլեր ձեռնարկել»,-ասում է Գևորգյանը։

Город во время чрезвычайной ситуации (25 марта 2020). Ереван - Sputnik Արմենիա
Կորոնավիրուսի պատճառով կարող ենք հացի խնդիր ունենալ. կառավարությունը լուծում է փնտրում

Խոսելով վնասների մասին` միության նախագահը նշեց, որ ոլորտը ճգնաժամի մեջ է, և հաստատությունները նախորդ տարվա եկամտի ծավալի ընդամենը 10%-ն են ստանում։ Մինչդեռ նորմալ աշխատանքի համար 70% շրջանառություն է հարկավոր։ Դրա 50%-ը ծախսվում է վարձակալության և աշխատակիցներին վճարելու համար։ Իսկ եթե շրջանառությունը 10% է, ապա հաստատությունն աշխատում է 50-60% վնասով։

Միությունն առաջարկում է լուրջ քննարկումներ անցկացնել ոլորտի ներկայացուցիչների հետ, այնուհետև հստակեցնել հետագա գործողությունների ծրագիրը։ Գևորգյանի խոսքով` այս հարցում առանց երկխոսության ոչինչ չի ստացվի։

Հունիսի 29-ի դրությամբ Հայաստանում կորոնավիրուսի հաստատված դեպքերի թիվը հասել է 25 127-ի։ COVID-19-ի բարդացումների հետևանքով մեր երկրում մահացել է 433 մարդ, առողջացել` 13 297-ը։ Այս պահին բուժվում է 11 254 մարդ։ Ընդհանուր առմամբ 110 571 թեստ է արվել։

Նշենք, որ Հայաստանում մարտի 16-ից արտակարգ դրություն է հայտարարվել, որը կգործի մինչև հուլիսի 13-ը։

Լրահոս
0