Մանկատան ևս 24 շրջանավարտ բնակարանի գնման իրավունք կստանան. նրանց համար բացառություն արվեց

© Sputnik / Aram NersesyanГород Берд, Тавуш
Город Берд, Тавуш - Sputnik Արմենիա
ՀՀ մանկատների շուրջ 300 շրջանավարտներից 133–ն արդեն ստացել են բնակարանի գնման վկայագրեր։ Նրանցից 50-ն արդեն ձեռք են բերել բնակարաններ:

ԵՐԵՎԱՆ, 30 հուլիսի — Sputnik. Մանկատան այն նախկին շրջանավարտները, որոնք ինչ–ինչ պատճառով նախկինում զրկվել են բնակարանի գնման վկայագիր ստանալու իրավունքից, ՀՀ կառավարության այսօր ընդունած որոշմամբ` բացառության կարգով վկայագրեր կստանան։

Министр труда и социальных вопросов Заруи Батоян на заседании правительства Армении (24 октября 2019). Еревaн - Sputnik Արմենիա
Ինչպես կլուծվի ինքնասպանության 5 փորձ կատարած երիտասարդի խնդիրը. պարզաբանում է Բաթոյանը

Նախագծի ներկայացման ժամանակ ՀՀ աշխատանքի և սոցիալական հարցերի նախարար Զարուհի Բաթոյանը հայտնեց, որ որոշման մեջ ներառված անձինք սոցիալական կարգավիճակով չեն տարբերվում ԲԳՎ ստացած քաղաքացիներից, սակայն իրավական որոշ խնդիրների պատճառով նախկինում զրկվել են այդ իրավունքից։

«Այս քաղաքացիները մանկատան նախկին սան են հանդիսանում, բայց տեղափոխվել են այլ հաստատություն, կամ հաստատությունն է փոխել կարգավիճակը, դարձել է, օրինակ, գիշերօթիկ դպրոց կամ շուրջօրյա խնամքի կենտրոն, բայց փաստացի նույն ֆունկցիան է իրականացրել»,– ասաց Բաթոյանը։

Կառավարությունը 5 մանկատուն է լուծարում

Հարցի քննարկման համատեքստում ՀՀ վարչապետ Նիկոլ Փաշինյանը աշխատանքի և սոցիալական հարցերի ու ԿԳՄՍ նախարարների ուշադրությունը հրավիրեց այն խնդրի վրա, որ սոցիալական պարտավորությունից զատ, պետությունը մանկատան սաների առաջ նաև կրթական պարտավորություն ունի։

Строительные работы на улице Арама - Sputnik Արմենիա
Մանկատան շրջանավարտներին բնակարանի սերտիֆիկատներ տրամադրելու գործընթացը շարունակվում է

«Մանկատան սաների առաջ մեր ամենամեծ պարտավորությունը կրթական պարտավորությունն է։ Մանկատան սաները պետք է ստանան այնպիսի կրթություն, որ իրենց հետագա կյանքի ընթացքում ապահովի սեփական բարեկեցությունն աշխատանքով ապահովելու հնարավորությունը, և մարդիկ փակուղու մեջ չհայտնվեն։ Ցավոք, մենք շատ հաճախ ենք այդպիսի դեպքեր տեսնում, երբ որ մարդիկ մանկատնից դուրս գալով, հայտնվում են կյանքի փակուղում»,– ասաց Փաշինյանը` կառավարության անդամներին հիշեցնելով, որ այդ խնդրի լուծումն իրենց բոլորի պարտավորությունն է։

Հիշեցնենք` կառավարության նախկին որոշմամբ սահմանված կարգով բնակարանի գնման վկայագրեր են տրամադրվում 1991թ.-ից մինչև 2019թ.–ը ներառյալ ՀՀ պետական մանկատներից 18 տարեկանը լրանալու կապակցությամբ դուրս գրված այն քաղաքացիներին, որոնք չունեն սեփական բնակտարածություն և նախորդ 5 տարիների ընթացքում բնակտարածություն չեն վաճառել։

«25 տարի հույսով սպասել եմ». մանկատների 18 շրջանավարտ բնակարանի գնման վկայագրեր ստացան

Նախնական գնահատումով` նման անձանց թիվը կազմում էր շուրջ 300: Նրանցից 133–ն արդեն ստացել են ԲԳՎ-ները, 50-ն արդեն նաև ձեռք են բերել բնակարաններ:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала