ՀՀ Կառավարությունը չի կատարել ՄԻԵԴ-ի պահանջը. Գագիկ Խաչատրյանը բուժում չի ստացել

© Photo : press office of the Tax Service of RAГагик Хачатрян
Гагик Хачатрян - Sputnik Արմենիա
Բաժանորդագրվեք
Yandex newsTelegram
Խաչատրյանների փաստաբանական խումբը հիշեցնում է, որ ՄԻԵԴ-ը վճռի կատարման համար 15-օրյա ժամկետ էր սահմանել, որը լրացել է օգոստոսի 5-ին: Վճռում ՄԻԵԴ-ը ՀՀ Կառավարությունից պահանջել էր ապահովել Գագիկ Խաչատրյանի անհապաղ բուժումը քաղաքացիական հիվանդանոցում, ինչը չի կատարվել:

ԵՐԵՎԱն, 10 օգոստոսի- Sputnik. ՀՀ ՊԵկ նախկին նախագահ, Ֆինանսների նախկին նախարար Գագիկ Խաչատրյանի փաստաբանները հայտարարություն են տարածել, որտեղ հայտնում են, որ ՀՀ կառավարությունը չի կատարել ՄԻԵԴ-ի որոշումը և չի ապահովել Գագիկ Խաչատրյանի առողջության պահպանման և համարժեք բուժում ստանալու իրավունքը:

Гагик Хачатрян во время рабочего заседания в Комитете гос.доходов (14 июля 2012). Еревaн - Sputnik Արմենիա
Գագիկ Խաչատրյանը պետք է բուժում ստանա. ՄԻԵԴ-ը պահանջ է ներկայացրել ՀՀ կառավարությանը

«ՀՀ պատմության մեջ աննախադեպ է Եվրոպական դատարանի որոշումը չկատարելը: Նման վարքագիծը անընդունելի է իրավական և ժողովրդավարական պետության համար»,- նշված է հայտարարության մեջ:

Փաստաբանները նշում են, որ Գագիկ Խաչատրյանի առողջության պահպանման և բուժման առումով ՄԻԵԴ-ի որոշումից հետո որևէ բան չի փոխվել:

Փաստաբանական խումբը հիշեցնում է, որ ՄԻԵԴ-ը վճռի կատարման համար 15-օրյա ժամկետ էր սահմանել, որը լրացել է օգոստոսի 5-ին: Վճռում ՄԻԵԴ-ը ՀՀ Կառավարությունից պահանջել էր ապահովել Գագիկ Խաչատրյանի անհապաղ բուժումը քաղաքացիական հիվանդանոցում, ինչը չի կատարվել:

Խաչատրյանի որդուն կալանավորելու գործընթացը օրենքի խախտմամբ է իրականացվել. փաստաբանական թիմ

Խաչատրյանների փաստաբանական խումբը ամիսներ շարունակ պնդում է, որ 64-ամյա Գագիկ Խաչատրյանը, որը ապօրինի կարգով կալանքի տակ է արդեն 11 ամիս, ողնաշարի ստենոզի անհապաղ վիրահատական բուժման կարիք ունի, և որ չվիրահատվելը լուրջ և անդառնալի վտանգներ է պարունակում նրա հետագա առողջության և կյանքի համար:

Փաստաբանները հիշեցնում են, որ Մարդու իրավունքների եվրոպական դատարանն իրենց գանգատը վարույթ է ընդունել առաջնահերթության կարգով, իրենց մեկնաբանությամբ՝ Գագիկ Խաչատրյանի առողջական ծանր վիճակից ու իշխանությունների անգործության փաստերից ելնելով։

Председатель КГД Гагик Хачатрян во время сдачи в эксплуатацию нового зала обслуживания (2 августа 2012). Еревaн - Sputnik Արմենիա
Գագիկ Խաչատրյանին «Աստղիկ» ԲԿ-ից դուրս գրելու փաստաթուղթն անհետացել է․ կոռուպցիոն ռի՞սկ

«Որպես կանոն, եթե առաջնահերթությունը տրվում է առողջական վիճակից ելնելով, նշանակում է՝ Մարդու իրավունքների եվրոպական դատարանը համոզվել է, որ անձը ենթարկվում է անմարդկային վերաբերմունքի։ Տվյալ դեպքում դա պայմանավորված է անհրաժեշտ բժշկական խնամքի ու բուժման հնարավորության սահմանափակմամբ և ապօրինի կարգով կալանքի տակ պահելով»,- գրված է հայտարարության մեջ:

Իրենք ունեն մտածելու տեղ. ԱԱԾ տնօրենը` Գուրգեն Խաչատրյանի անհետանալու մասին

Հիշեցնենք` 2014-2016թթ–ին ՀՀ ֆինանսների նախարար եղած Գագիկ Խաչատրյանը մեղադրվում է պաշտոնական գործունեության ընթացքում վատնում կազմակերպելու համար և կալանավորված է: Նա չի ընդունում իրեն առաջադրված մեղադրանքը։

Լրահոս
0