14:30 15 օգոստոսի 2020
Ուղիղ եթեր
  • USD484.83
  • GBP634.16
  • EUR571.91
  • RUB6.61
Հայաստան
Ստանալ կարճ հղումը
196 0 0

ԱԱԾ–ն ստուգել է լուրերն այն մասին, որ Գուրգեն Խաչատրյանը Ռուսաստանում է գտնվում. դրանք իրականությանը չեն համապատասխանում։

ԵՐԵՎԱՆ, 5 մայիսի - Sputnik. Ֆինանսների նախկին նախարար, ՊԵԿ նախկին նախագահ Գագիկ Խաչատրյանի որդու` Գուրգեն Խաչատրյանի անհետանալու փաստը բացահայտելու համար ԱԱԾ–ն աշխատանքներ է իրականացնում։ Ազգային ժողովում լրագրողների հետ զրույցում տեղեկությունը հայտնեց ՀՀ ԱԱԾ տնօրեն Էդուարդ Մարտիրոսյանը։

«Իրենք ունեն խնդիրներ և մտածելու տեղ, որ անհետացել են։ ԱԱԾ–ն այդ ուղղությամբ աշխատանքները շարունակվում են։ Հարցն այն է, որ մենք մինչ այդ օպերատիվ հետախուզական աշխատանքներ չենք իրականացրել նրա նկատմամբ, և մարդու տեղաշարժի իրավունքը չի սահմանափակվել»,–ասաց Մարտիրոսյանը։

Նրա խոսքով` ՀՀ սահմաններում Խաչատրյանի տեղաշարժը չի ֆիքսվել։ Անդրադառնալով լուրերին, թե Խաչատրյանը Ռուսաստանում է գտնվում` ԱԱԾ տնօրենը նշեց, որ ստուգել են այդ տեղեկությունը. այն իրականությանը չի համապատասխանում։

Ինչեր են արել Գագիկ Խաչատրյանն ու նրա որդիները. ԱԱԾ-ն նոր փաստեր է բացահայտել

Հիշեցնենք, որ դեռ մայիսի 4-ին ԱԱԾ–ն հաղորդագրություն էր տարածել, որ «Գալաքսի» ընկերությունների խմբի համահիմնադիր, Ucom ընկերության տնօրենների խորհրդի նախագահ Գուրգեն Խաչատրյանը չի ներկայացել նախաքննական մարմին, թաքնվել է քննությունից, այդ պատճառով էլ նրա նկատմամբ հայտարարվել է հետախուզում։ Նրա նկատմամբ որպես խափանման միջոց դատարանն ընտրել է կալանավորումը։

Դրանից մեկ օր առաջ` մայիսի 3-ին, Գուրգեն Խաչատրյանը հայտարարություն էր տարածել, որտեղ իր նկատմամբ բոլոր կիրառվող միջոցները որակել էր իրենց ընտանիքի ստեղծած «հաջողված բիզնեսները կազմաքանդելու» փորձ:

Ինչ վերաբերում է Գագիկ Խաչատրյանին, ապա նա մեղադրվում է պաշտոնական գործունեության ընթացքում վատնում կազմակերպելու համար և կալանավորված է: Նա չի ընդունում իրեն առաջադրված մեղադրանքը։

«Մենք հավատում էինք, որ մեր ստեղծածը կխոսի մեր մասին». Գուրգեն Խաչատրյանի հայտարարությունը

Ըստ թեմայի

Խուզարկում են Գագիկ Խաչատրյանի որդիների տներն ու գրասենյակները
Գագիկ Խաչատրյանի ընտանիքի փաստաբաններն ահազանգում են ճնշումների ու ահաբեկության մասին
Դատարանը բավարարեց Գագիկ Խաչատրյանի որդուն կալանավորելու՝ ԱԱԾ-ի միջնորդությունը
թեգերը:
հետախուզվող, ՀՀ ազգային անվտանգության ծառայություն. ԱԱԾ, Գուրգեն Խաչատրյան (Ucom ընկերության տնօրենների խորհրդի նախագահ)

Գլխավոր թեմաներ