Առանց հյուրերի և ճոխ միջոցառումների. հայրաքաղաքում նշելու են Գյումրու տոնը

© Depositphotos / FotodomC приходом нового президента вторая столица Армении — Гюмри – начала активно преображаться
C приходом нового президента вторая столица Армении — Гюмри – начала активно преображаться - Sputnik Արմենիա
Դժվար է հավատալ, բայց Գյումրին այս տարի իր տոնին հյուրեր չի ընդունի, փոխարենն առցանց ուրախությունը կկիսի մյուսների հետ: Աշխարհում տիրող իրավիճակի պատճառով գյումրեցիները տոնին ավելի ստեղծարար մոտեցում կցուցաբերեն ու կներկայանան առցանց միջոցառումներով:

ԵՐԵՎԱՆ, 26 օգոստոսի - Sputnik, Արմենուհի Մխոյան. «Գյումրու օրվա» բոլոր գույները կամբողջացվեն առցանց հարթակում, որտեղ կներկայացնեն մարդկանց, մշակույթը, վերակառուցվող քաղաքը, միջավայրն ու սպասելիքները, որ ունի հայրաքաղաքը: Այս տարի տոնական ծրագիրը կկրի «Գյումրի, իմ սեր» խորագիրը:

Գյումրին սիրելու նուրբ արվեստը, կամ ինչպես Դերենիկը գնեց Դերենիկի տունը

«Դեռ անցած տարի, քաղաքի օրվան նվիրված մի քանի միջոցառում ակամայից ծնունդ տվեցին այս խորագրին և, բացի այդ, արվեստաբան, գծանկարիչ Լևոն Լաճիկյանն ունի «Գյումրի, իմ սեր» բացիկների շատ հետաքրքիր շարք։ Համադրելով այս երկուսը, ստացանք խորագիրը: Ի դեպ, Լաճիկյանի գծանկարներից մեկն օգտագործելով ստացել ենք լոգոտիպային հետնանկար, որն արդեն տարածվում է համացանցում»,- Sputnik Արմենիայի հետ զրույցում ասաց Գյումրու քաղաքապետարանի Մշակույթի և երիտասարդության հարցերի բաժնի պետ Լիլիթ Թովմասյանը:

© Photo : provided by Lilit TovmasyanԼիլիթ Թովմասյան, Գյումրու քաղաքապետարանի Մշակույթի և երիտասարդության հարցերի բաժնի պետ
Առանց հյուրերի և ճոխ միջոցառումների. հայրաքաղաքում նշելու են Գյումրու տոնը - Sputnik Արմենիա
Լիլիթ Թովմասյան, Գյումրու քաղաքապետարանի Մշակույթի և երիտասարդության հարցերի բաժնի պետ

Գյումրու քաղաքապետարանը գյումրեցիներին ու Գյումրին սիրող բոլոր մարդկանց կոչ է անում այս ընթացքում իրենց ՖԲ էջերի գլխավոր նկարները շրջանակել այդ պատկերով և սեպտեմբերի 5-ին լինել առավել ակտիվ ու համացանցում տարածել Գյումրին ու գյումրեցիներին ներկայացնող նյութեր: Այս պահին նկարահանվում են շնորհավորական տեսանյութեր, որոնց կարող են միանալ բոլոր այն գյումրեցիները, ովքեր կցանկանան իրենց տեսաուղերձով շնորհավորել սիրելի քաղաքին:

«Աշխարհի ամենահյուրընկալ քաղաքի համար թեև բարդ է առանց հյուրերի՝ քաղաքի օրը նշելը, բայց Գյումրին սիրո, խաղաղության ու բարության օրրան է ու այս տարի մենք ենք մեր ներսի սերն ու բարությունն ուղարկում աշխարհին՝ եթե անցած տարիներին մենք ընդունում էինք այդ սերը, այս տարի մենք ենք այդ սերը տալու»,- նշեց Թովմասյանը:

Տոնի առթիվ այս տարի Գյումրին հանդես կգա նաև խաղաղության ու սիրո յուրօրինակ կոչով։ Գյումրեցի երիտասարդների խանդավառ մի խումբ իր կատարումը կնվիրի քաղաքին:

«Այդ երգով ասում ենք՝ թող լռեն աշխարհի բոլոր թնդանոթները, որպեսզի երկինքներն արևների տուն դառնան: Երգը մանկան շուրթերով ենք ներկայացնելու, երգն առաջին անգամ ունկնդրին կներկայացնենք այդ օրը»:

Режиссер, монтажер Армен Майламян - Sputnik Արմենիա
«Տանը մնացած», կամ ինչպես են իրենց ժամանակն անցկացնում գյումրեցի տղամարդիկ

Երգը կկատարեն «Դեղձանիկ» վոկալ-էստրադային համույթի սաները: Այն նվեր է սիրելի քաղաքին․ ինչպես երգի բառերն ու երաժշտությունը, այնպես էլ գործիքավորումը, ձայնագրությունն ու ձայանդրումը կատարվել է գյումրեցի երիտասարդների կողմից: Տեսահոլովակի նկարահանման աշխատանքներն այս պահին ընթացքի մեջ են․ նկարահանումներն իրականացվում են շեշտը դնելով սերունդների երկխոսության վրա:

Գյումրու երկու պետական համույթների՝ «Ժողգործիքների պետական» ու «Սիմֆոնիկ նվագախմբի» մասնակցությամբ «Սև բերդ» ամրոցից տոնական համերգը կնկարահանվի կհեռարձակվի ուղիղ եթերով:

Օրվա ընթացքում կարմիր ժապավեններ ևս կկտրվեն. պաշտոնապես կբացվեն Գյումրու քաղաքապետարանի շինության ներքնահարկում տեղակայված «Կենտրոնական գրադարանի», «Պատմության թանգարանի» ու համայնքային ցուցասրահի դռները: Նույն օրը տեղի կունենա նաև «Յուրի Վարդանյանի անվան ծանրամարտի մարզադպրոցի» բացման արարողությունը: Հիմնանորոգումից հետո կվերաբացվի նաև «Մայր Հայաստան» հուշահամալիրի տարածքը:

«Բոշի մայլա», «Սլաբոտկա», «Թուրքի մայլա»…Գյումրու կոլորիտային թաղամասերի պատմությունը

«Պետք է անենք այնպես, որ հանկարծ Գյումրու տոնականությունը, չնպաստի համավարակի ցուցանիշների թեկուզ չնչին ավելացմանը: Վստահաբար կկարողանանք, քանի որ համացանցն այդ հնարավորությունը տալիս է»,- հավելեց պատասխանատուն:

Օրվա ընթացքում քաղաքում գործող յուրաքանչյուր մշակութային կառույց առցանց հարթակում քաղաքին շնորհավորելու հնարավորություն կունենա:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала
Միջազգային
InternationalEnglishԱնգլերենMundoEspañolԻսպաներեն
Եվրոպա
DeutschlandDeutschԳերմաներենFranceFrançaisՖրանսերենΕλλάδαΕλληνικάՀունարենItaliaItalianoԻտալերենČeská republikaČeštinaՉեխերենPolskaPolskiԼեհերենСрбиjаСрпскиՍերբերենLatvijaLatviešuԼատիշերենLietuvaLietuviųԼիտվերենMoldovaMoldoveneascăՄոլդովերենБеларусьБеларускiԲելառուսերեն
Հարավային Կովկաս
ԱրմենիաՀայերենՀայերենАҧсныАҧсышәалаԱբխազերենХуссар ИрыстонИронауՕսերենსაქართველოქართულიՎրացերենAzərbaycanАzərbaycancaԱդրբեջաներեն
Մերձավոր Արևելք
Sputnik عربيArabicԱրաբերենTürkiyeTürkçeԹուրքերենSputnik ایرانPersianՊարսկերենSputnik افغانستانDariԴարի
Կենտրոնական Ասիա
ҚазақстанҚазақ тіліՂազախերենКыргызстанКыргызчаՂրղզերենOʻzbekistonЎзбекчаՈւզբեկերենТоҷикистонТоҷикӣՏաջիկերեն
Արևելյան և Հարավարևելյան Ասիա
Việt NamTiếng ViệtՎիետնամերեն日本日本語Ճապոներեն俄罗斯卫星通讯社中文(简体)Չինարեն (պարզեցված)俄罗斯卫星通讯社中文(繁体)Չինարեն (ավանդական)
Հարավային Ամերիկա
BrasilPortuguêsՊորտուգալերեն