Մեր ու մանուկ, ամբողջ ազգով կանգնելու ենք ու հաղթենք. ԵԿՄ-ն պատրաստ է մեկնել Արցախ

© Photo : press office of the Parliament of RAРечь депутата от фракции "Мой шаг" Сасун Микаелян на специальном заседании парламента Армении (27 сентября 2020). Еревaн
Речь депутата от фракции Мой шаг Сасун Микаелян на специальном заседании парламента Армении (27 сентября 2020). Еревaн - Sputnik Արմենիա
Բաժանորդագրվեք
НовостиTelegram
ԵԿՄ նախագահ Սասուն Միքայելյանը ԱԺ-ում կոչ է արել պայքարել հանուն երեխաների ու թոռների ապագայի: Եթե այսօր չկանգնենք այս պատերազմի դեմ, ստիպված ենք լինելու նորից ցեղասպանվել:

ԵՐԵՎԱՆ, 27 սեպտեմբերի - Sputnik. ԵԿՄ-ն պատրաստ է և սպասում է Արցախ մեկնելու հրամանին: Այսօր ԱԺ-ի արտահերթ նիստի իր ելույթում հայտարարեց ԵԿՄ նախագահ, «Իմ քայլը» խմբակցության պատգամավոր Սասուն Միքայելյանը:

ադրբեջանական զինտեխնիկայի հերթական կորուստները - Sputnik Արմենիա
Ադրբեջանական ԶՈւ-ն զինտեխնիկայի հերթական կորուստներն է կրել. տեսանյութ

«Սա մեր վերջին կռիվն է, որ փառքով ենք տալու, մեր ու մանուկ, ամբողջ ազգով կանգնելու ենք ու հաղթելու ենք,- ասաց Միքայելյանը,- մենք գիտակցում ենք, որ գնում ենք զոհաբերության, հանուն Արցախ աշխարհի, հանուն մեր ժողովրդի ապագայի: Եթե այն ժամանակ ես ու իմ հասակակից ընկերները գնացել ենք հաղթելու մեր երեխաների համար, այսօր մենք կանգնած ենք մեր թոռնիկների ազատ հայրենիք ունենալու համար»:

Միքայելյանն ԱԺ ամբիոնից հնչեցրեց իր թոռնիկների անունները՝ հայտարարելով, որ հանուն նրանց պատրաստ է ևս մեկ անգամ մեկնել  պատերազմ:

«Ես այսօր կանգնած եմ իմ Կոմիտասի, իմ Արաբոյի, իմ Սևադայի համար: Ինձ պես շատ մարդիկ կանգնած են իրենց թոռնիկների համար»,- նշեց Միքայելյանը:

ԵԿՄ նախագահը զուգահեռներ անցկացրեց 90-ականների արցախյան պատերազմի և ներկայիս մարտերի միջև՝ նշելով, որ ինչպես այն ժամանակ, այս անգամ ևս հակառակորդը վարում է նույն քաղաքականությունը: 

«Սա այն նույն ձեռագիրն է, որ Ադրբեջանը կիրառեց 80-90-ականներին, երբ ուզում էր տեղահանել Արցախի բնակչությանն իր բնօրրանից»,- ընդգծեց նա:

ԵԿՄ նախագահը համոզմունք հայտնեց, որ եթե այսօր չկանգնենք այս պատերազմի առաջ, ապա գնալու ենք նորից ցեղասպանվելու:

Омбудсмен Карабаха Артак Бегларян во время брифинга Единого информационного центра (27 сентября 2020). Степанакерт - Sputnik Արմենիա
Արցախում ավելի քան 50 բնակավայր է թիրախավորվել. Արցախի ՄԻՊ

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:
Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 20 անօդաչու թռչող սարք, ինչպես նաև ունի զրահատեխնիկայի կորուստներ:

Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Զոհվել են նաև 16 զինծառայողներ։ Հայկական կողմը 100–ից ավելի վիարվոր ունի։

Արցախում և Հայաստանում ռազմական դրություն և համատարած զորահավաք է հայտարարվել։

Լրահոս
0