ԵՐԵՎԱՆ, 3 հոկտեմբերի – Sputnik. Արցախի պաշտպանության բանակի մամուլի պատասխանատու, փոխգնդապետ Սուրեն Սարումյանը Ստեփանակերտում կայացած ճեպազրույցում ներկայացրել է ռազմաճակատում տիրող իրավիճակը։
«Այս պահին մարտական գործողություններ են ընթանում ռազմաճակատի ամբողջ երկարությամբ։ Մարտական գործողությունները հատկապես ինտենսիվ են հյուսիսային ու հարավային ուղղությաններով։ Հակառակորդը կիրառում է իր ողջ զինանոցը` ԱԹՍ–ներ, ռազմական ավիացա, զրահատանկային և հատուկ ստորաբաժանումներ, հրետանի»,– ասաց Սարումյանը։
Նա վստահեցրեց, որ հայկական զինուժն ամուր կանգնած է իր դիրքերում ու հերոաբար հետ է մղում թշնամու հարձակումները։
«Հակառակորդի կորուստներն այս պահին ճշտվում են, քանի դեռ պատերազմն ընթանում է»,– ասաց նա։
Սարումյանը նաև հայտնեց, որ հակառակորդը հրթիռային հարվածներ է հասցրել Արցախի խաղաղ բնակավայրերին ու քաղաքացիական ենթակառուցվածքներին, այդ թվում` մայրաքաղաք Ստեփանակերտին։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 3-ի ժ. 12-ի դրությամբ` հակառակորդի կրակոցների հետևանքով զոհվել են 158 զինծառայողներ և 8 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 1750 զոհ ունի, 2700 վիրավոր։ Հակառակորդը նաև զինտեխնկայի զգալի կորուստ ունի և շարունակում է գրանցել։
«Մենք ձեզ սնիկերս, դուք մեզ` խոցված տանկեր». աղջիկների գրությունները զինվորներին
Արցախում և Հայաստանում ռազմական դրություն և համատարած զորահավաք է հայտարարվել։
«Մենթալիտետն է բարբարոսական». գնդապետը ռուսաստանցի լրագրողի հարցին պատասխան չգտավ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։ Եվս մեկ խաղաղ բնակիչ էլ զոհվել է Գեղարքունիքի մարզում։
Օրվա կադր. մարտադաշտից դուրս պայքար` հանուն կյանքի
