Ադրբեջանի հրետակոծության հետևանքով սպանվել է «Արցախէներգո» ընկերության աշխատակիցներից մեկը

© Sputnik / Aram NersesyanМартакерт после обстрелов (11 октября 2020). Карабах
Мартакерт после обстрелов (11 октября 2020). Карабах - Sputnik Արմենիա
Բաժանորդագրվեք
НовостиTelegram
Սեպտեմբերի 27-ից ի վեր ադրբեջանական ագրեսիայի հետևանքով 32 խաղաղ բնակիչ է զոհվել։

ԵՐԵՎԱՆ, 14 հոկտեմբերի – Sputnik. Մարտակերտ քաղաքի չտարբերակված հրետակոծության հետևանքով սպանվել է «Արցախէներգո» ընկերության աշխատակից Նվեր Պարգևի Գրիգորյանը։ Տեղեկությունը հայտնում է Արցախի մարդու իրավունքների պաշտպան Արտակ Բեգլարյանը։

«Նա կատարում էր իր աշխատանքային պարտականությունները»,– Facebook սոցիալական ցանցիր իր էջում գրել է նա։

Հիշեցնենք` Ադրբեջանն այսօր շարունակել է Արցախի քաղաքացիական բնակչության թիրախավորումը՝ հրետակոծելով հատկապես Մարտակերտի, Մարտունու և Հադրութի մի շարք բնակավայրեր: 

Սեպտեմբերի 27-ից ի վեր ադրբեջանական ագրեսիայի հետևանքով զոհված քաղաքացիական անձանց թիվը 32 է:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Ситуация в Мартуни после обстрелов (28 сентября 2020). Карабах - Sputnik Արմենիա
Պատերազմը սոցիալական խնդիր չի առաջացնի. արցախցիները նպաստներից չեն զրկվի

Հոկտեմբերի 14-ի ժամը 11:00-ի դրությամբ` հակառակորդի կրակոցների հետևանքով զոհվել են 532 զինծառայողներ։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 5486 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 19 ինքնաթիռ, 16 ուղղաթիռ, 176 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 541 տանկ և ՀՄՄ:

«Ես կրակի տակ ամենաթանկ բանն եմ թողել՝ որդուս». ինչպես են ապրում արցախցիները Ջրամբարում 

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

Նույնիսկ ճանճը չի կարող խուսափել հայուհու դիպուկ հարվածից. արցախյան պատերազմի կանացի դեմքը

Լրահոս
0