Մովսես Հակոբյանը պատմեց` ինչպես է հաջողվել «Բայրաքթարների» գրոհը ժամանակավորապես կասեցնել

© Photo : Պաշտպանության Բանակ/ Artsakh Defence Army/ Армия обороны АрцахаАрмия Обороны Карабаха опубликовало новые кадры сбитого турецкого беспилотника Bayraktar ВС Азербайджана
Армия Обороны Карабаха опубликовало новые кадры сбитого турецкого беспилотника Bayraktar ВС Азербайджана - Sputnik Արմենիա
Բաժանորդագրվեք
Yandex newsTelegram
Մովսես Հակոբյանը խոսել է վերջին պատերազմի ընթացքում հայկական ԶՈւ-ի կողմից օգտագործված զինամթերքի և դրա տաղին ու անտեղի լինելու մասին։

ԵՐԵՎԱՆ, 19 Նոյեմբեր — Sputnik. Եթե չփոխեին ռազմամթերքի ձեռքբերման պլանն ու ՍՈւ–երի փոխարեն «Տոռ» գնեին, ապա առաջնագծի աջ և ձախ թևերում օդն ինչ–որ չափով պաշտպանված կլիներ։ Այսօր հրավիրված ասուլիսի ժամանակ հայտարարեց ՀՀ ԶՈւ գլխավոր շտաբի նախկին պետ, գեներալ-գնդապետ Մովսես Հակոբյանը` ի պատասխան Sputnik Արմենիայի հարցին։

Այսօր Հակոբյանը հայտարարել էր, որ ռազմամթերքի ձեռքբերման պլանը փոխել է վարչապետ Փաշինյանն ու «Տոռ»–ի փոխարեն ՍՈւ գնել. հենց սա էլ մեր ամենամեծ սխալն է եղել։

Пресс-секретарь премьер-министра Мане Геворгян на онлайн пресс-конференции Никола Пашиняна (16 мая 2020). Еревaн - Sputnik Արմենիա
Մովսես Հակոբյանի հայտարարություններով պետք է զբաղվեն իրավապահ մարմինները. Փաշինյանի խոսնակ

«Օդն ամբողջությամբ փակել արտահայտություն չկա, քանի որ ԱՄՆ–ի օդն էլ ամբողջությամբ փակ չէ։ Սակայն եթե «Տոռ» գնեինք, ապա այս մակարդակի բաց չէր լինի մեր օդը»,–ասաց Հակոբյանը։

Մեր թղթակիցը հարց է ուղղել նաև, թե պատերազմի առաջին օրերին լուրեր կային, որ Արցախ են տարվել «Կրասուխա» ՌԷՊ միջոցներ և «Բուկ» զենիթահրթիռային համալիր, որքանո՞վ են դրանք նպաստել թշնամու ԱԹՍ–ների դեմ պայքարին։ Ի պատասխան Հակոբյանը նշեց` ոչ թե «Կրասուխա», այլ «Պոլե 21» է Արցախ տարվել, որը մոտ 4 օր «Բայրաքթարների» թռիչքն Արցախի տարածքում սահմանափակել է։ Սակայն հակառակորդը կարողացել է շատ արագ կառավարման համակարգը փոխել ու նորից օգտագործել։

Ինչ վերաբերում է «Բուկին», ապա Հակոբյանը չգիտի` հասե՞լ է այն Արցախ, թե ոչ։ Նա հիշեցրեց, որ «Բուկը» ԱԹՍ–ների դեմ պայքարի միջոց չէ։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 10-ի կեսգիշերին, ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն, ռազմական գործողությունները դադարեցվեցին։

Истребители Су-30СМ пролетают над парком Победы на авиапараде (9 мая 2020). Еревaн - Sputnik Արմենիա
Վերջին երկու տարում գնված զենքը այս պատերազմի ժամանակ չի կրակել. ՀՀ ԶՈւ ԳՇ նախկին պետ

Նոյեմբերի 19-ի տվյալներով՝ Արցախի ՊԲ-ն հրապարակել է 1609 զոհվածների անունները։

Համացանցում լուր տարածվեց, որ հայկական կողմն ունի 4750 զոհ ու անհետ կորած։ ՀՀ առողջապահության նախարար Արսեն Թորոսյանը նոյեմբերի 18-ին ԱԺ–ում լրագրողներին հայտնեց, որ պատերազմի առաջին օրվանից մինչև նոյեմբերի 17-ի երեկոյան պաշտոնապես հաստատված զոհված զինծառայողների թիվը 2425 է։

Վերջին տվյալներով` քաղաքացիական անձանց շրջանում կա 50 զոհ ու 148 վիրավոր։

Ադրբեջանն իր կորուստների վերաբերյալ պաշտոնական տեղեկություններ չի հայտնում, սակայն հայկական կողմի տվյալներով` Ադրբեջանի ԶՈւ–ն պատերազմի ընթացքում զրկվել է 264 ԱԹՍ-ից, 16 ուղղաթիռից, 25 ինքնաթիռից, 784 զրահատեխնիկայից, 6 ՏՕՍ-ից, 7660 կենդանի ուժից։

Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը

Լրահոս
0