Արա Այվազյանն ու Սերգեյ Լավրովը քննարկել են ղարաբաղյան խնդիրը

© Photo : press office of the MFA of RFМинистры иностранных дел Армении и России Ара Айвазян и Сергей Лавров во время встречи (7 декабря 2020). Москвa
Министры иностранных дел Армении и России Ара Айвазян и Сергей Лавров во время встречи (7 декабря 2020). Москвa - Sputnik Արմենիա
Բաժանորդագրվեք
НовостиTelegram
Ռուսաստանի և Հայաստանի արտգործնախարարները զրուցել են հեռախոսով։ ՌԴ ԱԳՆ–ն հաղորդագրություն է տարածել։

ԵՐԵՎԱՆ, 26 դեկտեմբերի - Sputnik. Հայաստանի և Ռուսաստանի արտաքին գործերի նախարարներ Արա Այվազյանն ու Սերգեյ Լավրովն այսօր հեռախոսազրույցի ընթացքում քննարկել են ղարաբաղյան հիմնախնդիրը։ Տեղեկությունը հայտնում է ՌԴ ԱԳՆ մամուլի ծառայությունը։

«Հատուկ ուշադրություն է դարձվել Լեռնային Ղարաբաղի հիմնախնդրի քննարկմանը Ռուսաստանի, Ադրբեջանի և Հայաստանի ղեկավարների` նոյեմբերի 9-ին ստորագրված հայտարարության դրույթների կատարման համատեքստում», - ասված է հաղորդագրության մեջ:

Այվազյանն ու Լավրովը մտքեր են փոխանակել նաև երկկողմ, տարածաշրջանային և միջազգային օրակարգի ընթացիկ հարցերի շուրջ։

Мужчина в селе Тагавард Мартунинского района (11 декабря 2020). Карабах - Sputnik Արմենիա
Հեշտ չի լինելու. Ղարաբաղյան հակամարտության լուծումը դեռ առջևում է

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

Լրահոս
0