Բոլորիդ հատ առ հատ հիշելու եմ. բերման ենթարկեցին ոստիկանության գնդապետ Ռոբերտ Մելքոնյանին

Роберт Мелконян - Sputnik Արմենիա, 1920, 20.02.2021
Բաժանորդագրվեք
Yandex newsTelegram
Ազատության հրապարակում հավաքված քաղաքացիներն ամոթանք են տալիս ոստիկաններին ու պահանջում իրենց չխանգարել։

ԵՐԵՎԱՆ, 20 փետրվարի - Sputnik. Ոստիկանները Երևանի Ազատության հրապարակից բերման ենթարկեցին «ՎԵՏՕ» հասարակական-քաղաքական շարժման անդամ, ոստիկանության գնդապետ Ռոբերտ Մելքոնյանին:

Нарек Малян присоединился к активистам гражданского неповиновения (8 декабря 2020). Еревaн - Sputnik Արմենիա, 1920, 20.02.2021
Նարեկնե՛ր, եղեք պատրաստ. ոստիկանները բերման են ենթարկել Նարեկ Մալյանին և Նարեկ Սամսոնյանին

Մինչ ոստիկանները բռնի ուժ կիրառելով փորձում էին Մելքոնյանին նստեցնել ավտոմեքենան, նա դիմադրում էր։

«Բոլորիդ հատ առ հատ հիշելու եմ»,–ասում էր Մելքոնյանը։

Իսկ հավաքված քաղաքացիներն ամոթանք են տալիս ոստիկաններին ու պահանջում չխանգարել իրենց։

Հիշեցնենք` մոտ մեկ ժամ առաջ քաղաքացիական հագուստով ոստիկանները բերման ենթարկեցին «ՎԵՏՕ» շարժման ղեկավար Նարեկ Մալյանին և «Քաղաքացիական գիտակցություն» ՀԿ նախագահ Նարեկ Սամսոնյանին։

Երեկ` փետրվարի 19–ին էլ ձերբակալվել են Ազգային ժողովի աշխատակազմի նախկին ղեկավար-գլխավոր քարտուղար Արա Սաղաթելյանը, ՀՀԿ-ական նախկին պատգամավոր Կարեն Բեքարյանը, նրանց ընկերներ Արամ Սարգսյանը և Մհեր Ավագյանը։

«Գլխի դատարկ տեղը դուխով գրածներ». Գագիկ Սողոմոնյան ֆեյքի գործով ԱԱԾ-ն 4 մարդ է ձերբակալել

ԱԱԾ–ն Բեքարյանի տանը և Սաղաթելյանի աշխատասենյակում խուզարկություններ է կատարել։ Իրավապաշտպան Ռուբեն Մելիքյանի խոսքով` նրանց մեղադրվում են ռազմական դրության ժամանակ տեղեկատվության տարածման կանոնները խախտելու և թշնամանք ու ատելություն տարածելու մեջ:

Կատարվում են քննչական գործողություններ։ Մելիքյանը հայտնել է, որ ձերբակալվածների փաստաբանները մտադիր են բողոքարկել ձերբակալման մասին որոշումները: Նրանք գործընթացը համարում են քաղաքական հետապնդում։

Հիշեցնենք նաև, որ փետրվարի 20-ը նշվում է որպես Արցախի վերածննդի օր։ 1988-ի այս օրը սկսեցին համատարած ակցիաներ՝ ԼՂԻՄ-ը Հայկական ԽՍՀ-ին միացնելու պահանջով։

Այսօր հայաստանյան ընդդիմությունը հանրահավաք է հրավիրել Ազատության հրապարակում:

«Ցավոք, կանխատեսումներն իրականացան». Քոչարյանի գրասենյակը վերահրապարակել է նրա ուղերձը

Լրահոս
0