Ի՞նչ կարգավիճակով է Օնիկ Գասպարյանը պատկերացնում իր` ժողովրդին ծառայելը. Լիլիթ Մակունց

© Sputnik / Asatur YesayantsМинистр культуры Лилит Макунц на заседании Национального собрания (16 апреля 2020). Еревaн
Министр культуры Лилит Макунц на заседании Национального собрания (16 апреля 2020). Еревaн - Sputnik Արմենիա, 1920, 10.03.2021
Բաժանորդագրվեք
ԱԺ «Իմ քայլը» խմբակցության ղեկավարը կարծում է, որ երկրում ընթացող իրադարձությունների վերաբերյալ պետք չէ մեջբերել մեր թշնամի պետության ղեկավարների ելույթները։

ԵՐԵՎԱՆ, 10 մարտի - Sputnik. «Իմ քայլը» խմբակցության ղեկավար Լիլիթ Մակունցը բանակ շուրջ ծավալվող իրադարձություններն ու հայտարարությունները որևէ կերպ չի կապում քաղաքական գործընթացների հետ։ Մակունցը նման կարծիք հայտնեց ԱԺ–ում լրագրողների հետ ճեպազրույցում։

Григорий Хачатуров - Sputnik Արմենիա, 1920, 10.03.2021
«Պահանջում եմ Փաշինյանի անհապաղ հրաժարականը». գեներալ-մայոր Գրիգորի Խաչատուրով

Նշենք, որ այսօր ԳՇ` աշխատանքից ազատված պետ Օնիկ Գասպարյանը հայտարարություն էր տարածել և ասել, որ իր ազատման առնչությամբ դիմելու է Վարչական դատարան։ Նա նաև հավելել էր, որ իր ծառայությունը հայրենիքին և հայ ժողովրդին` շարունակելու է այլ կարգավիճակով։

«Այս երկու հարցերի լուծումը որևէ կերպ փոխկապակցված չեն իրար։ Ավելին, շատերի մոտ է հարց առաջացել, թե ի՞նչ կարգավիճակով է ԳՇ պետ Օնիկ Գասպարյանը պատկերացնում ժողովրդին իր ծառայությունը, ինչպես իր այսօրվա հայտարարության մեջ ասել է նա։ Կսպասենք Գասպարյանի արձագանքին. ինքս ենթադրություններ անել չեմ ուզում»,–ասաց Մակունցը։

Նրա խոսքով` «Իմ քայլն» արձանագրել է, որ զինվորականների կողմից քաղաքականությանը միջամտելն անընդունելի է։ Մակունցն ասում է` պատահական չէ, որ ԵԱՀԿ, ԵԽԽՎ–ն, ՄԱԿ–ը, Ռուսաստանն արձագանքեցին` նույն կարծիքը հայտնելով։

«Փաշինյանի մտքում Արգիշտի Քյարամյանն է կամ իր աներձագը». ո՞վ կփոխարինի Օնիկ Գասպարյանին

Նա հավելեց նաև, որ երկրում ընթացող իրադարձությունների վերաբերյալ պետք չէ որպես օրինակ բերել մեր թշնամի պետության ղեկավարների ելույթներից, քանի որ դրանով երկրին լավություն չենք անում։

Հիշեցնենք` Հայաստանի ներքաղաքական իրավիճակը սրվեց, երբ ՀՀ ԶՈւ գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը` նշելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց ԳՇ պետի առաջին տեղակալ Տիրան Խաչատրյանին։

Политолог Виген Акопян в гостях радио Sputnik - Sputnik Արմենիա, 1920, 10.03.2021
ՌԱԴԻՈ
ՀՀ նախագահն իր գործունեությամբ ընդդիմությանը դրդում է ավելի ակտիվ գործելու. քաղտեխնոլոգ

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում` հեղափոխությունը պաշտպանելու համար։

Նա հայտնեց նաև, ստորագրել է ԳՇ շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը առաջարկությունը նորից ուղարկեց ՀՀ նախագահին։

Գլխավոր շտաբը մարտի 1-ին նոր հայտարարություն տարածեց` նշելով, որ կրկին հաստատում է ստեղծված իրավիճակի վերաբերյալ իր գնահատականները և շեշտում, որ, անկախ Զինված ուժերը քաղաքական գործընթացների մեջ ներքաշելու փորձերից, մնում Է անդրդվելի, կշռադատված և հաստատակամ։

Մարտի 2-ին հայտնի դարձավ, որ նախագահը չի ստորագրել Օնիկ Գասպարյանին ԳՇ պետի պաշտոնից ազատելու հրամանագիրը, բայց ՍԴ է դիմելու ոչ թե Նիկոլ Փաշինյանի ներկայացրած հրամանագրի նախագծի սահմանադրականության հարցը պարզելու համար, այլ «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով:

Այսօր կառավարությունը հրապարակեց ՀՀ վարչապետ Նիկոլ Փաշինյանի հայտարարությունը` նշելով, որ 2021թ. մարտի 10-ից Օնիկ Գասպարյանն իրավունքի ուժով համարվում է ազատված զբաղեցրած պաշտոնից։ 

Մինչ այդ ՀՀ նախագահի աշխատակազմը հայտնեց, որ Արմեն Սարգսյանը դիմում է ներկայացրել Սահմանադրական դատարան «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի օրենքի՝ Սահմանադրությանը համապատասխանելու հարցը որոշելու խնդրանքով:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала