Աննա Հակոբյանը Գորիսում է. նա լուսանկարներ է հրապարակել

© Photo : Facebook / Anna HakobyanСупруга премьер-министра Анна Акопян и вице-спикер НС Лена Назарян посетили Сюникскую область (21 мая 2021). Горис
Супруга премьер-министра Анна Акопян и вице-спикер НС Лена Назарян посетили Сюникскую область (21 мая 2021). Горис - Sputnik Արմենիա, 1920, 21.05.2021
Բաժանորդագրվեք
Գորիսի դպրոցի աշակերտները մասնակցել են Հանրային հեռուստաընկերության «Մանկական լիգա» հաղորդաշարին, հաղթել և որպես նվեր վերանորոգվել է նրանց դպրոցի մարզադահլիճը։

ԵՐԵՎԱՆ, 21 մայիսի - Sputnik. ՀՀ վարչապետի պաշտոնակատար Նիկոլ Փաշինյանի կինը` Աննա Հակոբյանը, ԱԺ փոխնախագահ Լենա Նազարյանի հետ այցելել է Սյունիք։ Նրանք մասնակցել են Գորիսի Ս. Խանզադյանի անվան N6 հիմնական դպրոցի նորոգված մարզադահլիճների բացման արարողությանը: Հակոբյանն իրենց այցի մասին գրել է Faecbook–ում և լուսանկարներ հրապարակել։

«Դպրոցն ունի նորոգված 2 մարզադահլիճ՝ նոր մարզագույքով, 2 հանդերձարան՝ կից սանհանգույցներով և ցնցուղարաններով։ Այն նվեր է դպրոցի սովորողներին՝ որպես Հայաստանի հանրային հեռուստաընկերության «Մանկական լիգա» հաղորդաշարի հաղթողներ»,–նշել է Հակոբյանը։

Միջոցառման ընթացքում նորոգված մարզադահլիճներից մեկում տեղի է ունեցել բասկետբոլի ընկերական խաղ դպրոցի սովորողների և «Ինստիգեյթ Մոբայլ» ընկերության աշխատակիցների միջև։

Վերանորոգումն իրականացվել է «Իմ քայլը» հիմնադրամի «Հանրակրթական դպրոցներում առողջ ապրելակերպի խթանում» պիլոտային ծրագրի շրջանակներում: Սա մարզային 4-րդ դպրոցն է, որի մարզադահլիճները նորոգվել են հիմնադրամի կողմից:

Աննա Հակոբյանը կառույցի հիմնադիր–ղեկավարն է։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала