«Պարտությունից ավելի ծանր է այն, որ մենք այլևս խաղացող չենք ԼՂ հարցում». Տեր-Պետրոսյան

© Sputnik / Asatur YesayantsПресс-конференция лидера Армянского национального Конгресса Левона Тер-Петросяна (10 июня 2021). Еревaн
Пресс-конференция лидера Армянского национального Конгресса Левона Тер-Петросяна (10 июня 2021). Еревaн - Sputnik Արմենիա, 1920, 10.06.2021
Բաժանորդագրվեք
Առաջին նախագահը կարծում է` եթե Ռոբերտ Քոչարյանի մեղքով ԼՂ–ն դուրս մնաց կարգավորման գործընթացից, ապա պարտությունից հետո Հայաստանն է դուրս մնացել այդ գործընթացից։

ԵՐԵՎԱՆ, 10 հունիսի - Sputnik. Սահմանագծումը պարտադիր պայման է, ավելին, գուցե մի փոքր ուշացել ենք այս հարցում, և պետք է ավելի շուտ անեինք դա։ Այսօր հրավիրված ասուլիսի ժամանակ նման կարծիք հայտնեց առաջին նախագահ Լևոն Տեր-Պետրոսյանը` անդրադառնալով ՌԴ առաջարկին, ըստ որի` պետք է առանձին խումբ ստեղծել, որը կզբաղվի սահմանագծման աշխատանքներով։

«Այստեղ ոչ մի վտանգ գոյություն չունի` սահմանազատումը պարտադիր գործընթաց պետք է լինի»,–ասաց Տեր-Պետրոսյանը։

Пресс-конференция премьер-министра Никола Пашиняна по итогам первого года пребывания на посту (8 мая 2019). Еревaн - Sputnik Արմենիա, 1920, 10.06.2021
Փաշինյանը մինչև հիմա չի հասկացել ԼՂ հարցը. Տեր-Պետրոսյանն ասաց` ովքեր են տիրապետում դրան

Իսկ թե դա որքանով կանդրադառնա Արցախի ճակատագրի վրա, առաջին նախագահը նշեց`չի կարող ասել, սակայն պետք է ֆիքսել` ոչ թե պարտվել ենք պատերազմում, այլ ավելի վատ բան է տեղի ունեցել։ Տեր-Պետրոսյանը նշեց` եթե ՀՀ երկրորդ նախագահ Ռոբերտ Քոչարյանի մեղքով ԼՂ–ն դուրս մնաց կարգավորման գործընթացից, ապա պարտությունից հետո Հայաստանն է դուրս մնացել գործընթացից։

«Հայաստանի կարծիքը ոչ ոք հաշվի չի առնում, Հայաստանը ԼՂ վերաբերյալ ոչ մի որոշում չի կարող ինքնուրույն կայացնել։ Պարտությունից ավելի ծանր բանն այն է, որ մենք այլևս խաղացող չենք»,–ասաց Տեր-Պետրոսյանը։

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։

ՀԱԿ–ը խոսում է Մեղրիից Ռուսաստան միջանցք ունենալու մասին. Տեր-Պետրոսյան

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր, որոնք մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

 

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала