«Մի ստիպեք` անվտանգության աշխատակցին հրավիրեմ». Սիմոնյանն անջատել տվեց Մկրտչյանի խոսափողը
14:12 06.08.2021 (Թարմացված է: 14:45 06.08.2021)
© Sputnik / Aram NersesyanСпикер НС Ален Симонян на заседании Парламента (4 августа 2021). Еревaн
© Sputnik / Aram Nersesyan
Բաժանորդագրվել
Աննա Մկրտչյանը Նիկոլ Փաշինյանին կապիտուլյանտ անվանեց, ինչը ՔՊ–ականների վրդովմունքն առաջացրեց։
ԵՐԵՎԱՆ, 6 օգոստոսի – Sputnik. Ազգային ժողովի այսօրվա նիստում կրքերը մի պահ լարվեցին. ԱԺ նախագահ Ալեն Սիմոնյանը կարգադրեց անջատել «Պատիվ ունեմ» խմբակցության պատգամավոր Աննա Մկրտչյանի խոսափողը։
Ամեն ինչ սկսվեց նրանից, որ Մկրտչյանն ԱԺ ամբիոնից վարչապետ Նիկոլ Փաշինյանին միայն անունով ներկայացրեց` ասելով. Նիկոլը կործանարար պատերազմից հետո 1 անգամ ռիսկ չի արել Արցախ գալ»։
© Sputnik / Aram NersesyanАнна Мкртчян на первом заседании парламента Армении (2 августа 2021). Еревaн
Анна Мкртчян на первом заседании парламента Армении (2 августа 2021). Еревaн
© Sputnik / Aram Nersesyan
ԱԺ փոխխոսնակ Հակոբ Արշակյանը միջամտեց` Մկրտչյանը պետք է կոռեկտ արտահայտվի երկրի վարչապետի մասին։
© Sputnik / Aram NersesyanАкоб Аршакян на заседании Парламента (4 августа 2021). Еревaн
Акоб Аршакян на заседании Парламента (4 августа 2021). Еревaн
© Sputnik / Aram Nersesyan
Ընդդիմադիր պատգամավորը հարցրեց. «Անձի անունը հնչեցնելը կոռեկտ չէ՞»։ Հետո շարունակեց իր ելույթը և երբ կրկին վարչապետին անվանեց «կապիտուլյանտ Նիկոլ», արդեն ԱԺ նախագահը «գործին» խառնվեց` կարգադրելով անջատել պատգամավորի խոսափողը։
«Ես զարմանում եմ, որ փորձելով աչքի ընկնել, ձեզ թույլ եք տալիս նման բառապաշար։ Ես ձեզ արգելում եմ այդ բառապաշարով խոսել, ես ունեմ նման իրավունք։ Ես ձեզ կարող եմ դահլիճից դուրս հրավիրել։ Մի ստիպեք` ես անվտանգության աշխատակիցներին հրավիրեմ, որ ձեզ դուրս բերեն»,–ասաց Սիմոնյանը։
Նա հույս հայտնեց, որ Մկրտչյանի գործընկերները կբացատրեն նրան, որ չի կարելի նման բառապաշարով խոսել։
Հավելենք միայն, որ որոշ ժամանակ անց, երբ Մկրտչյանը հեռացավ ամբիոնի մոտից, իրավիճակը հանդարտվեց։