Ադրբեջանցիները կանգնեցրել են երեխաներ տեղափոխող ավտոբուսն ու դանակով քերել Արցախի դրոշը

© Photo : Syuniac Yerkir NewspaperГрузовые автомобили на автотрассе Горис-Мегри
Грузовые автомобили на автотрассе Горис-Мегри - Sputnik Արմենիա, 1920, 17.09.2021
Արման Թաթոյանը հայտնում է, որ Արցախի երեխաների ֆուտբոլի հավաքականին տեղափոխող ավտոբուսն են ադրբեջանցիները կանգնեցրել, փորփրել երեխաների հեռախոսները։
ԵՐԵՎԱՆ, 17 սեպտեմբերի – Sputnik. Ադրբեջանական զինված ու դիմակավորված ծառայողները կանգնեցրել են երեխաներ տեղափոխող քաղաքացիական ավտոբուսը: Ֆեյսբուքյան իր էջում գրառմամբ ահազանգում է ՀՀ մարդու իրավունքների պաշտպան Արման Թաթոյանը։
Նշենք, որ համացանցում երկու տեսանյութ է շրջանառվում. դրանցից մեկում հայկական ավտոբուսը կանգնեցրած ադրբեջանցի զինվորականը մեքենայի վրայից քերում է Արցախի դրոշը, իսկ մյուսում երևում է, թե ինչպես է նա կանգնեցրած ավտոբուսի մեջ նստած երեխաներին "սովորեցնում", թե ումն է Արցախը։
"Երեխաներն Արցախից են, որ երթևեկում են Որոտանի ճանապարհով: Արցախի Մարդու իրավունքների պաշտպանի՝ Գեղամ Ստեփանյանի հետ համատեղ պարզել ենք, որ երեխաները Արցախի երեխաների ֆուտբոլի հավաքականի խաղացողներ են՝ 15-16 տարեկան",–ասում է Թաթոյանը։
Նրա խոսքով` ադրբեջանական ծառայողները՝ զինված ու դիմակավորված, ստուգել են երեխաների հեռախոսները՝ ինչ-որ տեսանյութեր գտնելու պատրվակով: Երեխաներ տեղափոխող ավտոբուսն այդպես պահել են 10-15 րոպե: Այդ ընթացքում նաև ավտոբուսի վրայից դանակով քերել են Արցախի դրոշը: ՄԻ պաշտպանը նկատում է` ադրբեջանական աղբյուրները հպարտությամբ տարածում են այս տեսանյութը: Թաթոյանը շեշտում է` այստեղ հարցը պահվածքն է, որ ադրբեջանական զինված ծառայողները ցուցաբերում են երեխաների նկատմամբ, երեխաներին բացահայտ ահաբեկելու նպատակ՝ դիմակով ու զինված:
Иранские фуры на автотрассе при выезде из Гориса - Sputnik Արմենիա, 1920, 16.09.2021
Սյունիքում ադրբեջանցիները խախտում են Հայաստանի ու Իրանի քաղաքացիների իրավունքները. ՀՀ ՄԻՊ
"Հիմա էլ տեսանյութը տեղադրել են ադրբեջանական սոցիալական ցանցերում, ու այն ուղեկցվում է երեխաներին ուղղված լկտի վիրավորանքներով, հայերին սպանելու կոչերով և խորքային ատելությամբ: Այս ամենը տարիների պետական հովանավորչությամբ ադրբեջանական հայատյացության քաղաքականության արդյունք է: Ապացույցները մենք փաստագրել ենք",–ասում է Թաթոյանը։

Նա նաև հավելում է, որ մենք ինքներս պետք է ստեղծենք մեր երեխաների, մեր իրավունքների պաշտպանության ու անվտանգության երաշխիքներ: Մինչև դա չանենք, ադրբեջանական զինված ծառայողները միշտ էլ գործելու են այսպիսի հանցանքներ։

Հիշեցնենք, որ Գորիսի փոխհամայնքապետ Կարեն Քոչարյանը Sputnik Արմենայի հետ զրույցում հայտնել էր` երեկ երեկոյան Գորիս-Կապան միջպետական ճանապարհի Որոտանի հատվածում ադրբեջանցիները կանգնեցրել են սահմանապահ զորքերին հաց հասցնող մեքենան, ինքնաձիգով հարվածել մեքենային, վարորդից պահանջել, որ մեքենայի դռներն ու պատուհանները բացի։
Իրանական անձնագրերով ադրբեջանցիների` Արցախում աշխատելու լուրն իրական չէ. Արցախի ԱԱԾ
Ավելի վաղ Քոչարյանը հայտնել էր նաև, որ 3 հայ վարորդներ ասել են` Գորիս-Որոտան ճանապարհահատվածում տեղակայված ադրբեջանական ոստիկանական անցակետում ադրբեջանցիները ստուգել են իրենց փաստաթղթերն ու բեռները։
Այս տարվա սեպտեմբերի 9-ին Սյունիքի Որոտան գյուղի հատվածում ադրբեջանցիները ոստիկանական հենակետ են բացել։ Սեպտեմբերի 11-ից նրանք կանգնեցնում են իրանցի բեռնատարներին և ստուգում վարորդների փաստաթղթերը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала