Фон для радио  - Sputnik Արմենիա, 1920
ՌԱԴԻՈ

Բացառում եմ, որ Արցախում ադրբեջանցիներ աշխատեն. Սարգսյանը հերքում է լուրերը

«Բացառում եմ, որ Արցախում ադրբեջանցիներ աշխատեն». Արցախի քաղաքաշինության նախարար
Արցախի քաղաքաշինության նախարար Արամ Սարգսյանը Sputnik Արմենիայի եթերում հավաստիացրեց, որ Արցախում պատշաճ կերպով իրականացվում են անվտանգությանն ուղղված բոլոր միջոցառումները։
Մամուլում տարածված հրապարակումները, թե Ասկերանի շրջանի Աստղաշեն համայնքում պետական բնակարանաշինության ծրագրով իրականացվող շինաշխատանքներին իրանական անձնագրերով անձինք են ներգրավել, իրականությանը չեն համապատասխանում։ Տեղեկությունը Sputnik Արմենիայի հետ զրույցում ասաց Արցախի քաղաքաշինության նախարար Արամ Սարգսյանը։

«10-15 օր առաջ եմ եղել այդ շինհրապարակում, նման մարդիկ չկային։ Բացառվում է, որ այնտեղ ադրբեջանցի աշխատի»,- ասաց նա։

Սարգսյանը հավաստիացրեց, որ Արցախում պատշաճ կերպով իրականացվում են անվտանգությանն ուղղված բոլոր միջոցառումները։ Օտարերկրացիների մուտքն ու ելքը ստուգում են և՛ ԱԱԾ աշխատակիցները, և՛ խաղաղապահները։
«Սահմանին բոլորին ստուգում են։ Նույնիսկ եթե արտասահմանցիներ էլ գան, բոլորի անձնագրերը ստուգվում են, ամեն ինչը կանոնակարգված է։ Եթե ինչ-որ մարդկանց թույլատրվել է մուտք գործել, ուրեմն այդ ամենը ստուգված է»,- նշեց նախարարը։
Նա, սակայն, չբացառեց, որ Արցախի մյուս համայնքներում իրականացվող շինաշխատանքներում օտարերկրացիներ ներգրավված լինեն։ Նրա խոսքով` շինաշխատանքներում ներգրավված են արցախցիներն ու Հայաստանից ժամանած մասնագետները, սակայն հետպատերազմական Արցախում շինոլորտի ցանկացած մասնագետի` բանվորի, պատշարի, տանիքագործի և շատ այլ աշխատողների պահանջարկ կա։
Закат - Sputnik Արմենիա, 1920, 16.09.2021
Մեզ ձրիակեր ենք զգում. արցախցիներին հյուրընկալելու ծրագիրն ավարտվել է
«Պարբերաբար հայտարարում ենք, որ բոլոր գյուղերում, որտեղ ընթանում են շինարարական աշխատանքներ, գործ կա, եկեք, աշխատեք, և արդյունքը 20-30 տոկոս է։ Մոտ 170 աշխատող շինարարական կազմակերպություն ունենք, ես հո չեմ կարող իմանալ, թե բոլորի մոտ ովքեր են աշխատում»,- նշեց Սարգսյանը։
Նշենք, որ իրանական անձնագրերով անձանց մասին այսօր գրել էր «Հրապարակ» թերթը։ Աստղաշենի համայնքապետ Արթուր Գրիգորյանը թերթի հետ զրույցում հաստատել էր, որ իրենց համայնքում ընթացող բնակարանաշինության աշխատանքներին օտարերկրացիներ են մասնակցում: Հարցին, թե կասկածներ կան, որ իրանական անձնագրերով Արցախ տեղափոխված ադրբեջանցիներ են, ասել է․ «Հարցրեք կառուցապատող ընկերությանը, կառավարությանը, իրենք թող էդ բոլոր հարցերին պատասխանեն։ Ես նման իրավասություն չունեմ»։ Թերթին չէր հաջողվել կապ հաստատել Արցախի քաղշիննախարարի և նախագահի մամուլի խոսնակի հետ։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала