Փորձագետն ասել է՝ ինչպես նոր հակառուսական պատժամիջոցները կարող են վնաս պատճառել ԱՄՆ-ին

© Sputnik / Asatur YesayantsАмериканский флаг на митинге в поддержку победы партии Гражданский договор на внеочередных выборах (21 июня 2021). Еревaн
Американский флаг на митинге в поддержку победы партии Гражданский договор на внеочередных выборах (21 июня 2021). Еревaн - Sputnik Արմենիա, 1920, 25.09.2021
ԱՄՆ Կոնգրեսի Ներկայացուցիչների պալատը պաշտպանական բյուջե է ընդունել, որը Մոսկվայի դեմ պատժամիջոցների խստացում է նախատեսում։ Sputnik ռադիոկայանի եթերում քաղաքական փորձագետների և խորհրդատուների ասոցիացիայի խորհրդի անդամ Կիրիլ Կոկտիշը ասել է՝ ինչպես այդ միջոցներից մի քանիսը կարող են անդրադառնալ հենց ԱՄՆ-ի վրա:
ԱՄՆ Կոնգրեսի Ներկայացուցիչների պալատն ընդունել է պաշտպանական բյուջեն, որը ՌԴ-ի դեմ պատժամիջոցների խստացում է նախատեսում։
ԱՄՆ-ն պատժամիջոցներ է պատրաստում 35 ռուսաստանցու դեմ. նրանց մեջ են Պուտինը, Սիմոնյանը...
Կոնգրեսականները, մասնավորապես, նոր սահմանափակումներ են մտցրել «Հյուսիսային հոսք-2» գազատարի նկատմամբ, համաձայնեցրել են նաև Ռուսաստանի սուվերեն պարտքի, ՌԴ 35 քաղաքացիների՝ պաշտոնատար անձանց, գործարարների ու լրագրողների նկատմամբ սահմանափակումների ընդլայնման մասին փոփոխությունները:
Փաստաթուղթը դեռ պետք է քննարկվի Սենատում ու ստորագրվի նախագահ Ջո Բայդենի կողմից։
Քաղաքական փորձագետների և խորհրդատուների ասոցիացիայի խորհրդի անդամ, ՄԳԻՄՕ-ի քաղաքական տեսության ամբիոնի դոցենտ Կիրիլ Կոկտիշը Sputnik ռադիոկայանի եթերում կարծիք է հայտնել, որ նոր պատժամիջոցները կարող են ավելի շատ վնաս հասցնել ԱՄՆ-ին, քան Ռուսաստանին: Դա, մասնավորապես, վերաբերում է ՌԴ սուվերեն պարտքի նկատմամբ սահմանափակումներին։
Следственный комитет России. Автомобиль - Sputnik Արմենիա, 1920, 06.09.2021
ՌԴ ՔԿ–ն մեկնաբանել է Ռուսաստանի սահմանների մոտ ԱՄՆ կենսալաբորատորիաների ցանցի ընդլայնումը
«Իհարկե, սահմանափակումները կարող են տարբեր լինել, այդ թվում SWIFT միջբանկային վճարումների համակարգից անջատումը։ Սա կարող է շատ լրջորեն բարդացնել առևտրային գործողությունները։
SWIFT-ում ասում են, որ ոչ ոք չի պատրաստվում Ռուսաստանին անջատել, դրանք դատարկ սպառնալիքներ են: Եվ դա, իհարկե, տրամաբանական է։ Ընկերությունը չի ուզենա հաճախորդ կորցնել, դա վատ է ազդում իմիջի վրա։ Առավել ևս, որ Իրանի անջատման շատ բացասական պրակտիկա կա։ Բացի այդ, այս տեսակի պատժամիջոցները կարագացնեն անցումը կրիպտոարժույթներին։ Եվ այդ իմաստով պատժամիջոցները հակառակ ազդեցություն են ունենալու ԱՄՆ-ի վրա՝ քայքայելով այն տնտեսական տարածքը, որն այսօր կապված է դոլարով ու արժութային այլ գոտիներ ստեղծելով։
ԱՄՆ–ի ջանքերով դա կարող է ավելի շուտ տեղի ունենալ», - կարծում է Կիրիլ Կոկտիշը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала