Տոնդ շնորհավոր, Երևա՛ն. Մարությանը խոստանում է նոր ծրագրեր ներկայացնել առաջիկա շաբաթներին

© Sputnik / Asatur YesayantsՀայկ Մարության
Հայկ Մարության - Sputnik Արմենիա, 1920, 09.10.2021
Հայկ Մարության
Բաժանորդագրվեք
ԵՐԵՎԱՆ, 9 հոկտեմբերի – Sputnik. Երևանի քաղաքապետ Հայկ Մարությանը երևանցիներին շնորհավորել է քաղաքի օրվա առթիվ։ Նա գրառում է արել Facebook–ում` հիշեցնելով, որ այս տարի տոնական միջոցառումներ չեն լինի, իսկ դրա համար նախատեսված բյուջեն կփոխանցվի Էրեբունի պատմահնագիտական արգելոց-թանգարանի ու այլ մշակութային հաստատությունների վերազինման, ինչպես նաև Արցախում ընթացող բնակարանաշինության ծրագրերին։

«Այդուհանդերձ, մենք քաղաքային կյանքի բազմաթիվ ոլորտներում ունենք բավական լավ նորություններ, ավարտուն ձեռքբերումներ ու նորընթաց ծրագրեր։ Դրանք վերաբերում են հանրային կյանքի ամենատարբեր ոլորտներին՝ քաղաքային ենթակառուցվածքների զարգացմանը, մշակույթին ու հատկապես, տրանսպորտային բարեփոխումներին։ Այդ ծրագրերը ձեր դատին կներկայացնենք առաջիկա շաբաթներին՝ երևանյան օրերի ընթացքում»,– գրել է նա։

Մարությանը նշել է, որ մեր հազարամյա մայրաքաղաքը՝ մշտադալար Երևանը, միշտ և բոլոր պարագաներում կշարունակի լինել մեր քաղցր հայրենիքի զարգացման ու բարգավաճման առաջամարտիկը։
«Վստահ եմ, որ այս գիտակցությամբ հաջորդ տարիներին մենք կտոնենք մեր քաղաքի օրը։ Տոնդ շնորհավոր, Երևա՛ն»,– եզրափակել է քաղաքապետը։
Հիշեցնենք` «Էրեբունի-Երևան» տոնակատարությունները նվիրված են Հայաստանի մայրաքաղաքի հիմնադրմանը։ Մ․թ․ա․ 782-ին հիմնադրված Էրեբունուն նվիրված առաջին տոնակատարությունն անցկացվել է 1968 հոկտեմբերին. նշվում էր Երևանի հիմնադրման 2750-րդ տարեդարձը։ 2018-ին մեծ շուքով նշվեց քաղաքի 2800-ամյակը։ 2020-ին տոնակատարությունը չեղարկվեց պատերազմի հետևանքով։
Այս տարի ավելի պասիվ են. Հայկ Մարությանը չի պատրաստվում հրաժարական տալ
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала