Իրանն ու Հայաստանը մտադիր են Վրաստանի տարածքով նոր տարանցիկ երթուղի ստեղծել

© Sputnik / Andranik GhazaryanԻրանական բեռնատարները Սյունիքում
Իրանական բեռնատարները Սյունիքում - Sputnik Արմենիա, 1920, 10.10.2021
Բաժանորդագրվեք
Թբիլիսիում դեռ չեն անդրադարձել Իրանից-Վրաստան կառուցվելիք ճանապարհին, հայտնի չէ նաև՝ վրացական կողմը կմասնակցի՞ շինարարությանը, թե՞ ոչ։
ԵՐԵՎԱՆ, 10 հոկտեմբերի - Sputnik. Հայաստանը ծրագրում է Իրանից Վրաստան տարանցիկ նոր երթուղի ստեղծել, և Թեհրանը մտադիր է մասնակցել այդ ճանապարհի կառուցմանը: ILNA գործակալությանը տված հարցազրույցում ասել է Իրանի ճանապարհների և քաղաքային զարգացման փոխնախարար Հեյրոլլա Հադեմին։
Եթե Թուրքիան համաձայնի «3+3»-ին, ուրեմն կընդունի ՌԴ–ի և Իրանի խաղի կանոնները. Բալասանյան
«Հայաստանը ծրագրում է Իրանից Վրաստան նոր տարանցիկ երթուղի ստեղծել։ Մենք հայտարարել ենք այդ ճանապարհի շինարարությանը մասնակցելու պատրաստակամության մասին», - ասել է նա։ Պաշտոնյան հավելել է, որ «հայերի նոր միջանցքի ստեղծման ծրագիրը, որը ոչ մի ընդհանուր բան չունի իրենց հակամարտության հետ, շատ կարևոր հարց է և հիմնարար խնդիր»:
Հիշեցնենք, որ օրերս իրանական պատվիրակությունը ժամանել էր Երևան՝ քննարկելու Իրանի մասնակցությունը Հայաստանում տարանցիկ ճանապարհի կառուցման աշխատանքներին։ Խոսքը վերաբերում է Գորիս-Կապան ճանապարհի այլընտրանք՝ «Տաթև» տարանցիկ ճանապարհին, որի կառուցմանը մասնակցելու է նաև իրանական կողմը։
Թբիլիսիում նոր տարանցիկ միջանցքի նախագծին Վրաստանի հնարավոր մասնակցության մասին չեն խոսում։ Նախօրեին, սակայն, պաշտոնական այցով Հայաստան է ժամանել Վրաստանի վարչապետ Իրակլի Ղարիբաշվիլին։
Սեյրան Օհանյան - Sputnik Արմենիա, 1920, 08.10.2021
Հայաստանը պարտավոր է Իրանի հետ համապատասխան հարաբերություններ ձևավորել. Սեյրան Օհանյան
Նշենք, որ վերջին 1 ամսում Ադրբեջանը խիստ կանոններ է սահմանել իրանական բեռնատարների համար, որոնք հատում են հայ-իրանական սահմանը՝ գալով դեպի Հայաստան։ Ադրբեջանական կողմը բեռնատարների վարորդներից նաև գումար է պահանջում։
Հոկտեմբերի 4-ին ՀՀ արտաքին գործերի նախարար Արարատ Միրզոյանի հետ կայացած մամուլի ասուլիսի ժամանակ ԻԻՀ արտաքին գործերի նախարար Հոսեյն Ամիր-Աբդոլլահիանը հայտնել էր, որ առաջիկա շաբաթներին մեծ ակտիվություն կլինի 2 երկրների հարաբերություններում։
Ինչու է Իրանին բարկացնում Թուրքիայի և Ադրբեջանի ձգտումները «Զանգեզուրի միջանցքի» նկատմամբ
ՀՀ կառավարությունն ավելի վաղ հայտնել էր, որ Տաթևից մինչև Սյունիքի մարզի Աղվանի գյուղ 43 կիլոմետրանոց ճանապարհահատվածն ամբողջովին պատրաստ ու ասֆալտապատված կլինի մինչև նոյեմբերի վերջ։ Այս ճանապարհը կապելու է Սյունիքի` 44-օրյա պատերազմից հետո սահմանամերձ դարձած համայնքները Կապանին ու Մ–2` մինչև Իրանի սահման հասնող միջպետական ճանապարհին։ Սյունիքի այլընտանքային ամբողջ` 79 կմ–անոց ճանապարհի կառուցումը կարժենա շուրջ 9.5 մլրդ դրամ։
Կառավարությունը խոստացել է այն ավարտին հասցնել 2022թ–ի գարնանը։ Մինչև ձմեռ կկատարվեն գրունտային աշխատանքները, գարնանը` ձնհալից հետո, ճանապարհը կասֆալտապատվի։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала