https://arm.sputniknews.ru/20211013/kan-uzher-voronq-shahagrgrvats-en-iravitshaki-srmamb-pordzagety-tehrani-u-baqvi-hakamartutjan-masin-34238628.html

Իրավիճակի սրմամբ շահագրգռված ուժեր կան. փորձագետը՝ Թեհրանի ու Բաքվի հակամարտության մասին

Իրավիճակի սրմամբ շահագրգռված ուժեր կան. փորձագետը՝ Թեհրանի ու Բաքվի հակամարտության մասին

Sputnik Արմենիա

Արմեն Գասպարյանի կարծիքով՝ Ռուսաստանն այս իրավիճակում փորձում է ստատուս-քվոյի պահպանման երաշխավոր լինել։ 13.10.2021, Sputnik Արմենիա

2021-10-13T13:42+0400

2021-10-13T13:42+0400

2021-10-13T13:44+0400

քաղաքագետ

արմեն գասպարյան

https://cdn.am.sputniknews.ru/img/07e5/07/08/28215458_0:0:1600:901_1920x0_80_0_0_eba32fa54ed11018bf8142a2cb78532b.jpg

ԵՐԵՎԱՆ, 13 հոկտեմբերի – Sputnik. Ռուսաստանը շահագրգռված է Հարավային Կովկասում կայունությամբ ու քայլեր է ձեռնարկում այդ խնդրի լուծման համար։ Այլ հարց է, որ կան գեոպոլիտիկ խաղացողներ ու կենտրոններ, որոնք շահագրգռված են իրավիճակի սրմամբ։ Այսպիսի կարծիք հայտնեց քաղաքագետ Արմեն Գասպարյանը Sputnik Արմենիա մուլտիմեդիային կենտրոնում անցկացված Երևան-Մոսկվա տեսակամուրջի ժամանակ՝ մեկնաբանելով Իրանի ու Ադրբեջանի հակամարտությունը։ Հայաստանի ու Ադրբեջանի ԱԳ նախարարները կշարունակեն հանդիպումներըԳասպարյանը հայտարարեց, որ նույնիսկ Լեռնային Ղարաբաղում 44-օրյա պատերազմի ժամանակ արևմտյան որոշ քաղաքական գործիչներ լրջորեն մտածում էին, որ այդ «քողի» տակ կարելի է մի քիչ էլ «սեղմել» Իրանին։«Իհարկե, եթե մինչ օրս կառավարվող քաոսի տեսությունը մնում է Վաշինգտոնի արտաքին քաղաքականության լոկոմոտիվներից մեկը, հույս ունենալ, թե այնտեղ հերթական խառնաշփոթը չի լինի, վաղաժամ է։ Ռուսաստանն այդ տեսանկյունից պետք է փորձի հանդես գալ այժմյան ստատուս-քվոյի երաշխավորի դերում»,-հավելեց փորձագետը։ԺԲՌՀ (РУДН) ռազմավարական հետազոտությունների և կանխատեսումների ինստիտուտի տնօրեն Դմիտրի Եգորչենկովն էլ նշեց՝ Մոսկվան շահագրգռված է, որ իրավիճակը Կովկասում ու Կասպից ծովի շրջանում դուրս գա այժմյան բացասական թրենդներից։ Դրանք պարտադրվում են տարածաշրջանային որոշ խաղացողների, առաջին հերթին՝ Անկարայի կողմից։ Թուրքիան փորձում է օգտագործել ամերիկացիների ու եվրոպացիների հեռանալը տարածաշրջանից ու գրավել նրանց տեղը։ Ռուսաստանն էլ, տեսնելով այդ վտանգը, հույս ունի, որ թե Թեհրանի, թե Բաքվի հետ ունեցած լավ հարաբերությունները թույլ կտան նվազեցնել առկա սպառնալիքները։Հիշեցնենք, որ վերջին շաբաթներին Թեհրանի ու Բաքվի հարաբերությունները կտրուկ սրվել են։ Ամեն ինչ սկսվեց նրանից, որ ադրբեջանական ոստիկանությունը սեպտեմբերին Հայաստանի Գորիս-Կապան ճանապարհին ձերբակալեց իրանցի վարորդների։ Բացի այդ, Կասպից ծովում անցկացվեցին Ադրբեջանի, Թուրքիայի ու Պակիստանի համատեղ զորավարժությունները՝ առաջացնելով Թեհրանի կտրուկ արձագանքը։Ի պատասխան՝ իրանական զինված ուժերը զորաշարժեր սկսեցին Ադրբեջանի սահմանի մոտ, զուգահեռաբար Իրանի Իսլամական Հանրապետության զինվորականներն ու քաղաքական գործիչները սկսեցին մեղադրել Բաքվին «սիոնիստների ու ահաբեկիչների» հետ կապեր ունենալու մեջ։

https://arm.sputniknews.ru/20211013/lernajin-gharabaghi-kargavitshaki-harcy-vagh-te-ush-petq-e-qnnarkvi-qaghaqaget-34237844.html

2021

Լուրեր

am_HY

քաղաքագետ, արմեն գասպարյան