Фон для радио  - Sputnik Արմենիա, 1920
ՌԱԴԻՈ

Ադրբեջանցիներն օգտվել են մեր սահմանի բացարձակ անպաշտպան լինելու հանգամանքից. Վրթանեսյան

Վրթանեսյան. Ադրբեջանցիներն օգտվել են մեր սահմանի բացարձակ անպաշտպան լինելու հանգամանքից
Բաժանորդագրվեք
Ռազմական փորձագետ, «Ռազմինֆո» կայքի համակարգող Կարեն Վրթանեսյանը Sputnik Արմենիայի եթերում անդրադարձել է ՀՀ Գեղարքունիքի մարզ ներխուժած ադրբեջանական զինված ուժերի ակտիվությանն ու ամրակայման աշխատանքներին։
Ադրբեջանցիների նման պահվածքն ու գործողությունները բացարձակապես զարմանալի չեն, ու դրա մասին շատերը զգուշացրել են դեռ 2020 թվականի նոյեմբերի 10-ին, Sputnik Արմենիայի հետ զրույցում նման տեսակետ հայտնեց ռազմական փորձագետ Կարեն Վրթանեսյանը։
«Նախազգուշացնում էինք, որ եթե ադրբեջանցիների գործողությունները չկանխվեն, ունենալու ենք նման իրավիճակ։ Ավելին` նույն Գեղարքունիքի մարզ ներխուժումը կարելի էր կանգնեցնել` հաշվի առնելով, որ ադրբեջանցիները սահմանային այդ գոտում պատրաստվում էին ինչ–որ բան «եփել», և այդ մասին նույնիսկ խոսվում էր բաց աղբյուրներում դեռ 2021 թվականի մայիսին, սակայն հայկական կողմը որևէ բան չի արել, և ադրբեջանական զորքի ներկայությունը հայտնաբերել էին հովիվները»,– ասաց ռազմական փորձագետը։
Ադրբեջանցիները կրակ են բացել Երասխ համայնքի վրա․ ՄԻՊ
Վրթանեսյանի կարծիքով` ադրբեջանցիներն օգտվել են մեր սահմանի բացարձակ անպաշտպան լինելու հանգամանքից, իսկ ներխուժելուց հետո սկզբում սկսեցին ինչ–որ ձևական բանակցություններ վարել, որոնք ըստ էության ժամանակ ձգձգելու համար էին, որպեսզի ադրբեջանցիներն ամրանային այդ դիրքերում` կառուցելով մատակարարման ճանապարհներ։
«Եթե ոմանք կարծում են, որ ադրբեջանցիները ձմռանն իջնելու են բարձունքներից, սխալվում են։ Ավելին` նրանք Քարվաճառի անտառներից փայտ են բերել, որպեսզի ձմռան ամիսներին տաքանան։ Ստացվում է, որ որևէ բան չանելով`ՀՀ իշխանությունն ադրբեջանցիների համար ստեղծեց ամենաբարենպաստ պայմանները, որպեսզի նրանք ներխուժեն Հայաստանի տարածք և տեղում ամրանան։ Իսկ այսօր այդ թեման ամբողջությամբ մոռացության է տրվել և ընդհանրապես որևէ բան չի արվում»,– նշեց ռազմական փորձագետը։
Армянские военные ведут наблюдение за постом противника у Сотка - Sputnik Արմենիա, 1920, 18.10.2021
Գեղարքունիք ներխուժած ադրբեջանցիները մեծ ապաստարաններ են կառուցել
Վրթանեսյանի դիտարկմամբ` ՀՀ իշխանությունը սկզբում պատրանք էր ստեղծում, թե ադրբեջանցիները որոշ ժամանակ անց նահանջելու են, սակայն վերջիններիս վարքագիծը ցույց է տալիս, որ հեռանալու ցանկություն ամենևին չունեն։ Ըստ նրա` եթե Նիկոլ Փաշինյանը տարածքներ է հանձնում` հիմնվելով խորհրդային քարտեզների վրա, ապա դրանք հետո չեն կարող լինել վիճարկելի, պարզապես տարածքները, Վրթանեսյանի համոզմամբ, չպետք է հանձնվեին թշնամուն։
Նշենք, որ Հայաստանի մարդու իրավունքների պաշտպան Արման Թաթոյանը տեղեկացրել է, որ ՀՀ Գեղարքունիքի մարզ ներխուժած ադրբեջանական զինված ուժերի ակտիվությունը վերջին շրջանում շեշտակի է մեծացել, նրանք կառուցել են մեծ ապաստարաններ, կուտակել են մեծ քանակությամբ վառելափայտ, բետոնապատել են իրենց դիրքեր տանող ճանապարհները։
Նիկոլ Փաշինյանն Ադրբեջանին առաջարկում է այն, ինչը նրանց պետք չէ. Բաղդասարյան
Հիշեցնենք, որ նոյեմբերի 10-ի եռակողմ հայտարարությունից հետո սահմանային իրավիճակը փոխվել է ոչ միայն Արցախում, այլև ՀՀ որոշ մարզերում` Գեղարքունիքում, Վայոց Ձորում, Արարատում, Սյունիքում։
Ադրբեջանցի զինվորականները մայիսի 12-ից Սյունիքի մարզի Սև լճի տարածքում և Գեղարքունիքի մարզի Կութ, Նորաբակ ու Վերին Շորժա գյուղերի սահմանային տարածքներում ներխուժել են ՀՀ ինքնիշխան տարածք ու փորձում են ամրապնդվել այնտեղ։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала