Ռուս խաղաղապահները 10 տոննա մարդասիրական բեռ են տեղափոխել Արցախ

Բաժանորդագրվեք
Բեռի մեջ առաջին անհրաժեշտության իրեր են, դպրոցական ու կենցաղային պարագաներ և ջեռուցման միջոցներ։
Ռուսաստանի պաշտպանության նախարարությունը հայտնում է, որ ռուս խաղաղապահ զորախմբի զինծառայողները Լեռնային Ղարաբաղի կարիքավոր բնակիչներին 10 տոննա մարդասիրական բեռ են հասցրել:
«10 տոննա մարդասիրական բեռ է բերվել Երևանից։ Կոշիկներ, հագուստ, դպրոցական պարագաներ, մաքրող միջոցներ, գազի վառարաններ. այդ ամենը կբաժանվի Լեռնային Ղարաբաղում փախստականներին, բազմազավակ ընտանիքներին, տուժածներին ու հարկադիր տեղահանվածներին», - ասել է ռուս խաղաղապահ զորախմբի ներկայացուցիչ Դմիտրի Տուսիդին:
Խաղաղապահներն Արցախում - Sputnik Արմենիա, 1920, 14.10.2021
Ռուս խաղաղապահներն Արցախում համալիր մարզում են անցկացրել բոլոր դիրքերում
Բեռի խմբաքանակում եղել են առաջին անհրաժեշտության իրեր, ձմեռային հագուստ և կոշիկներ երեխաների համար, դպրոցական և կենցաղային պարագաներ և ջեռուցման միջոցներ:
Բեռի առաքման անվտանգությունն ապահովել են ռուս խաղաղապահ զորակազմի անձնակազմն ու զինծառայողները՝ Լաչինի միջանցքի յոթ դիտակետերի պատասխանատվության գոտում։

«Մեր կողմից իրականացվել է Ստեփանակերտ քաղաքից դեպի Երևան և հակառակ ուղղությամբ շարասյունների ուղեկցումը, այդ երթուղու երկարությունը կազմել է ավելի քան 800 կմ: Երթուղու բարդությունը այն է, որ ճանապարհն անցնում է լեռնային տեղանքով: Ռազմական շարասյունը առանց պատահարների նախանշված ժամին եղել է նախատեսված վայրում», - ասել է ռազմական ոստիկանության աշխատակից Իվան Սոլոգուբովը ։

Տեղեկություններ հավաքելուց ու մշակելուց հետո ռուս խաղաղապահ զորախմբի մարդասիրական արձագանքման կենտրոնի մասնագետների կողմից կկազմակերպվի օգնության փոխանցում Լեռնային Ղարաբաղի սահմանազատման գծի մոտ գտնվող հեռավոր բնակավայրերի բնակիչներին:
Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։
2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։
Բոզոյան. Ադրբեջանի դիրքորոշումները չափազնաց ծայրահեղական են, չեն ընկալվում ոչ մեկի կողմից   - Sputnik Արմենիա, 1920, 12.10.2021
ՌԱԴԻՈ
Եթե Արցախի կարգավիճակի հարցը լուծված լիներ, ռուս խաղաղապահներն այնտեղ չէին լինի. քաղաքագետ
Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվեց Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:
Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала