https://arm.sputniknews.ru/20211024/adrbejanci-zintsarajoghnery-hapshatakel-en-kornidzvor-gjughi-bnakchi-107-vochkhar-ev-5-ajts-mip-34612713.html

Ադրբեջանցի զինծառայողները հափշտակել են Կոռնիձոր գյուղի բնակչի 107 ոչխար և 5 այծ․ ՄԻՊ

Ադրբեջանցի զինծառայողները հափշտակել են Կոռնիձոր գյուղի բնակչի 107 ոչխար և 5 այծ․ ՄԻՊ

Sputnik Արմենիա

Անհրաժեշտ է Ադրբեջանի հետ ՀՀ սահմանների շուրջ անվտանգության ապառազմականացված գոտի ստեղծել և Ադրբեջանի ԶՈւ ծառայողներին հեռացնել ՀՀ գյուղերի հարևանությունից... 24.10.2021, Sputnik Արմենիա

2021-10-24T10:34+0400

2021-10-24T10:34+0400

2021-10-24T12:23+0400

հհ միպ

հայաստան

ադրբեջան

սահման

https://cdn.am.sputniknews.ru/img/07e5/06/06/27833361_0:57:1000:620_1920x0_80_0_0_6e0fc7800fc45c0d39e39efb682e145d.jpg

ԵՐԵՎԱՆ, 24 հոկտեմբերի – Sputnik. Ադրբեջանցի զինծառայողները Սյունիքի մարզի Տեղ համայնքի Կոռնիձոր գյուղի գերեզմանոցի հարակից տարածքից հափշտակել են Կոռնիձորի բնակչին պատկանող 107 ոչխար և 5 այծ։ Այս մասին ահազանգ է ստացել ՀՀ մարդու իրավունքների պաշտպանի աշխատակազմը։ Արման Թաթոյանը Facebook-ի իր էջում տեղեկացնում է, որ ըստ ահազանգի՝ դեպքը տեղի է ունեցել հոկտեմբերի 22-ին՝ ժամը 12-ի սահմաններում: Ինչո՞ւ չենք պահանջում Սև լճից ադրբեջանցիների հեռանալը. պատասխանում է Արմեն Գրիգորյանը«Կենդանիներին գերեզմանոցի հարակից արոտավայրում արածեցնող քաղաքացին նկատել է, որ ադրբեջանական երկու զինված ծառայողներ իրենց դիրքերից իջել և գալիս են դեպի իր կենդանիները, մոտենալուն պես կենդանիներին քշել-տարել են դեպի իրենց դիրքեր: Այս հանգամանքները, ինչպես նաև այն, որ ադրբեջանական զինծառայողները հափշտակել են հենց նշված քանակի կենդանիներ, ստուգվել են մի քանի աղբյուրների տվյալներով»,- նշված է ՄԻՊ գրառման մեջ։Կոռնիձորի բնակիչը դեպքից րոպեներ անց այդ մասին տեղեկացրել է համայնքային մարմիններին: ՄԻՊ տեղեկություններով՝ դեպքից գրեթե անմիջապես հետո ժամանել ու տեղում ուսումնասիրություններ են իրականացրել ՀՀ և ՌԴ սահմանապահ ծառայողները, ներկայում ձեռնարկում են համապատասխան քայլեր:ՄԻՊ աշխատակազմը վերծանել է ահազանգի հանգամանքները, ըստ որոնց ՀՀ քաղաքացու սեփականության հափշտակությունը տեղի է ունեցել ՀՀ տարածքից: Պաշտպանը նաև կից քարտեզ է հրապարակել։Թաթոյանը պնդում է՝ ՀՀ քաղաքացու նկատմամբ ադրբեջանական զինծառայողների այս հանցագործության ահազանգը միջազգային հարթակներում պետք է դրվի Ադրբեջանի նկատմամբ մեր պետության պահանջների հիմքում:«Մարդկանց պատճառվող առանձնապես խոշոր չափերի հասնող վնասների հատուցումը կլինի ՀՀ սահմանային բնակիչների իրավունքների ապահովման կարևոր երաշխիք»,- շեշտում է Հայաստանի մարդու իրավունքների պաշտպանը։ Ադրբեջանցիները կրակ են բացել Երասխ համայնքի վրա․ ՄԻՊՆրա խոսքով՝ ադրբեջանական զինծառայողների այս հանցավոր արարքներն անվտանգության խնդիրներին ավելացնում են սոցիալականը, մարդկանց զրկում են անասնապահությամբ զբաղվելու և ընտանիքի եկամուտը վաստակելու հնարավորությունից։Ընդգծում է՝ այս ամենի սնուցման աղբյուրը մեկն է՝ ադրբեջանական իշխանությունների հայատյաց ու թշնամանքի, էթնիկ զտումների ու ցեղասպան քաղաքականությունը:«Պետք է անհապաղ սկսվի Ադրբեջանի հետ ՀՀ սահմանների շուրջ անվտանգության ապառազմականացված գոտի ստեղծելու և ադրբեջանական զինված ծառայողներին ՀՀ գյուղերի հարևանությունից, համայնքների միջև ճանապարհներից անհապաղ հեռացնելու գործընթաց»,- շեշտում է պաշտպանը։ՄԻՊ այս առաջարկն արդեն տեղ է գտել միջազգային կոնկրետ փաստաթղթում՝ Եվրոպայի խորհրդի խորհրդարանական վեհաժողովի (ԵԽԽՎ) 2021թ. սեպտեմբերի 27-ի թիվ 2391 (2021) բանաձևում:Կատարվածի մասին պաշտպանը համապատասխան հաղորդումներ կուղարկի նաև միջազգային կառույցներին ու ՀՀ պետական մարմիններին, քաղաքացիական հասարակության կազմակերպություններին:Հավելենք, որ ադրբեջանցի զինվորականները մայիսի 12-ից Սյունիքի մարզի Սև լճի տարածքում և Գեղարքունիքի մարզի Կութ, Նորաբակ ու Վերին Շորժա գյուղերի սահմանային տարածքներում ներխուժել են ՀՀ ինքնիշխան տարածք ու փորձում են ամրապնդվել այնտեղ։

https://arm.sputniknews.ru/20211018/gegharquniq-nerkhuzhats-adrbejancinery-mets-apastaranner-en-karucel-34388461.html

https://arm.sputniknews.ru/20211015/hajkakan-kvoghmum-teghadrvats-tesakhciknern-ardzanagrel-en-krakvogh-adrbejancun-tesanjut-34322709.html

ադրբեջան

2021

Լուրեր

am_HY

հհ միպ, հայաստան, ադրբեջան, սահման