Ուղղակի հիասքանչ է․ ջիու-ջիթսուի աշխարհի բազմակի չեմպիոնը Հայաստանում է

© Photo : Karo Sahakyan / official site of the President of RAԲրազիլական ջիու-ջիթսուի աշխարհի բազմակի չեմպիոն Ռոջեր Գրեյսին «Մտքերի գագաթնաժողովում»
Բրազիլական ջիու-ջիթսուի աշխարհի բազմակի չեմպիոն Ռոջեր Գրեյսին «Մտքերի գագաթնաժողովում» - Sputnik Արմենիա, 1920, 24.10.2021
Բրազիլական ջիու-ջիթսուի աշխարհի բազմակի չեմպիոն Ռոջեր Գրեյսին «Մտքերի գագաթնաժողովում»
Բաժանորդագրվեք
Հայտնի մարզիկը վստահ է, որ միայն միավորվելով հնարավոր կլինի ավելի լավ աշխարհ ունենալ, այլապես կապրենք մութ ժամանակներում։
ԵՐԵՎԱՆ, 24 հոկտեմբերի – Sputnik. Բրազիլական ջիու-ջիթսուի աշխարհի բազմակի չեմպիոն, «Ռոջեր Գրեյսի ակադեմիայի» հիմնադիր Ռոջեր Գրեյսին Հայաստանում է։ Նա մասնակցել է Դիլիջանում անցկացվող «Մտքերի հայկական գագաթնաժողովին» ու զրուցել է գագաթնաժողովի կազմակերպիչ, «The Monthly Barometer» վերլուծական հանդեսի հիմնադիր Թիերի Մալըրեի հետ։ Տեղեկությունը հայտնում է ՀՀ նախագահի մամուլի ծառայությունը։
Մտքերի հայկական գագաթնաժողովը ՌԴ–ում անցկացնելու հարցն են քննարկել Սարգսյանը և Շվիդկոյը
Գրեյսին նշել է, որ ուրախ է Հայաստան այցի և նման միջոցառմանը մասնակցելու համար։
«Սա իմ առաջին այցն է Հայաստան։ Այն ամենը, ինչ տեսել եմ, ուղղակի հիասքանչ է»,- ասել է հանրահայտ մարզիկը։
Նրա կարծիքով՝ նման միջոցառումները գաղափարներ քննարկելու և այդտեղից ավելի լավ մտքերով ու լուծումներով հեռանալու միակ ճանապարհն են՝ հանուն ավելի լավ աշխարհ ունենալու։ Վստահ է, որ նման աշխարհի հասնելու միակ ճանապարհը համատեղ աշխատելն է։
Արմեն Սարգսյանը` Մտքերի գագաթնաժողովում - Sputnik Արմենիա, 1920, 17.09.2021
Խնդիրներ կան, որովհետև քաղաքական գործիչներն ազնիվ չեն. նախագահը` «Մտքերի գագաթնաժողովում»
«Քանի դեռ մենք կլինենք տարանջատված՝ մութ ժամանակներում կապրենք։ Միայն միավորվելով ու համատեղ աշխատելով կկարողանանք ավելի լավ աշխարհ ունենալ»,- նշել է Գրեյսին։
Մարզիկը խոսել է նաև ջիու-ջիթսուի մասին՝ նշելով, որ իր ընտանիքն ինչ-որ առումով հեղափոխություն է արել այս մարտարվեստում։ «Իմ ընտանիքը փոխել է այդ մարտարվեստի ձևը՝ այն ավելի ոչ ագրեսիվ դարձնելով։ Իմ պապը ցանկացել է ցույց տալ, թե ջիու-ջիթսուն ինչքան կարևոր է աշխարհի, մարդկանց համար»։
Պատերազմն ի ցույց դրեց փոփոխվող աշխարհը. ՀՀ նախագահը Ֆրանսիայում խոսել է 44–օրյայից
Բրազիլական ջիու-ջիթսուն մարտարվեստ է և միջազգային սպորտային մենամարտ, որի հիմքում ընկած են պարտեր ըմբշամարտը, ինչպես նաև ցավային և խեղդող հնարքները։
Նշենք, որ «Մտքերի հայկական գագաթնաժողովն» անցկացվում է Հայաստանում արդեն երրորդ անգամ։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала