«Ձեզ նվեր արեք և ընդունեք միջնորդությունը». Արմեն Գևորգյանի փաստաբանը` Աննա Դանիբեկյանին

© Sputnik / Asatur YesayantsСудья Анна Данибекян на судебном заседании по делу 1 марта (13 мая 2020). Еревaн
Судья Анна Данибекян на судебном заседании по делу 1 марта (13 мая 2020). Еревaн - Sputnik Արմենիա, 1920, 26.10.2021
Բաժանորդագրվեք
ՀՀ նախկին փոխվարչապետ Արմեն Գևորգյանի պաշտպանական կողմը կասկածի տակ է դնում դատավոր Աննա Դանիբեկյանի անաչառությունը:
ԵՐԵՎԱՆ, 26 հոկտեմբերի – Sputnik. Երևան քաղաքի ընդհանուր իրավասության դատարանում այսօր շարունակվեց ՀՀ 2-րդ նախագահ Ռոբերտ Քոչարյանի և նախկին փոխվարչապետ Արմեն Գևորգյանի գործով քննությունը։ Արմեն Գևորգյանի փաստաբան Ալեքսանդր Կոչուբաևը բացարկի միջնորդություն ներկայացրեց դատավոր Աննա Դանիբեկյանին։
Պաշտպանը հիշեցրեց, որ մեկ այլ քրեական վարույթով ինքն ու դատավոր Դանիբեկյանը գտնվում են դատավարական տարբեր կողմերում․ Կոչուբաևը պաշտպանողական կողմի վկա է, իսկ Դանիբեկյանը՝ տուժող։
Փաստաբանը 2020թ. պաշտպանում էր քաղաքացի Նարեկ Մանթաշյանի շահերը, որը մեղադրվում էր դատավոր Դանիբեկյանի մասին անձնական տեղեկություններ բացահայտելու մեջ, սակայն պաշտպանը հետագայում դատարան կանչվեց որպես վկա:
Բացի այդ, ըստ Կոչուբաևի, դատավոր Դանիբեկյանն ունի ակնհայտ կանխակալ վերաբերմունք իր նկատմամբ և չի կարող լինել օբյեկտիվ։

«Արմեն Գևորգյանի հետ մեր համագործակցությունն ունի շուրջ 3 տարվա պատմություն, և տարբեր իրավական պրոցեսներում ես ներկայացրել եմ իր շահերը։ Ինչքան գիտեմ, այսօր ձեր ծննդյան օրն է, ձեզ նվեր արեք և ընդունեք բացարկի միջնորդությունը»,–ասաց փաստաբանը։

Բացարկի միջնորդություն էր պատրաստվում ներկայացնել նաև պաշտպան Լուսինե Սահակյանը։ Նա դահլիճում էր, բայց առողջական խնդիրների պատճառով չկարողացավ դա անել։
Գևորգյանն էլ պնդեց, որ դատարանը պայմաններ չի ստեղծում իր պաշտպանության համար։ Մասնավորապես նիստերն անցկացվում են յուրաքանչյուր երեքշաբթի, և նման ժամանակացույցը հարմար չէ Կոչուբաևին։ Փաստաբանը բազմաթիվ անգամ խնդրել է մեկ այլ օր նշանակել, բայց դատարանը հրաժարվում է դա անել։ Իսկ Սահակյանը, որը վերջերս է սկսել Գևորգյանի շահերի պաշտպանությունը, խնդրել է ժամանակ տալ նյութերին ծանոթանալու համար, բայց դատարանն այդ դեպքում էլ չի ընդառաջել։
Роберт Кочарян с адвокатами Айком Алумяном и Ованнесом Худояном выходят из зала суда по окончанию заседания по делу 1 марта (23 июня 2020). Еревaн - Sputnik Արմենիա, 1920, 18.10.2021
Դատավոր Նարինե Հովակիմյանը մերժեց Ռոբերտ Քոչարյանի պաշտպանի միջնորդությունը
Այսօր կայացած դատական նիստում ՀՀ նախկին նախագահ Ռոբերտ Քոչարյանի շահերը պաշտպանող փաստաբան Հովհաննես Խուդոյանը հայտարարեց, որ վերջին շրջանում դատավորը սուբյեկտիվ վերաբերմունք է ցուցաբերում Գևորգյանի և նրա փաստաբանների նկատմամբ։ Նրա խոսքով` դատավարության մասնակիցները տեսել են դատավորի որոշումներն ու գործողությունները, որոնք ակնհայտորեն սահմանափակել են Գևորգյանի իրավունքները։
Քոչարյանի պաշտպանները միացան ներկայացված միջնորդությանը։
ՀՔԾ–ն Սեյրան Օհանյանին թույլ չի տվել մասնակցել ՀԱՊԿ պաշտպանության հարցերով նիստին
Մեղադրող կողմը դեմ էր միջնորդությանը։ Դատախազ Գևորգ Բաղդասարյանը հայտարարեց` փաստաբանները դեմ են դատավորին, քանի որ Դանիբեկյանը չի կատարել նրանց պահանջները, չի հարմարվել նրանց պայմաններին:
Հիշեցնենք, որ ՀՀ երկրորդ նախագահ Ռոբերտ Քոչարյանին այս գործով առանձնապես խոշոր չափերի կաշառքի մեղադրանք է ներկայացվել, իսկ նախկին փոխվարչապետ Արմեն Գևորգյանին՝ փողերի լվացման:
Լսելով կողմերի դիրքորոշումները՝ դատավոր Աննա Դանիբեկյանին ընդմիջում հայտարարեց և գնաց խորհրդակցական սենյակ՝ բացարկի միջնորդությունը քննելու և որոշում կայացնելու: Որոշումը կհրապարակվի այսօր`ժամը 16։00-ին։
Դատարանը Արմեն Գևորգյանին թույլ չտվեց մեկնել Մոսկվա
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала