Փոխհրաձգություն` հայ-ադրբեջանական սահմանի արևելյան ուղղությամբ. իրադրությունը լարված է

© Photo / official site of the President of RA Հայ զինծառայողները սահմանին
Հայ զինծառայողները սահմանին - Sputnik Արմենիա, 1920, 14.11.2021
Հայ զինծառայողները սահմանին. Արխիվային լուսանկար
Բաժանորդագրվեք
Ռուսական կողմի միջնորդությամբ, ընթանում են բանակցություններ՝ իրադրության հանգուցալուծման ուղղությամբ։
ԵՐԵՎԱՆ, 14 նոյեմբերի – Sputnik. Հայ-ադրբեջանական սահմանի արևելյան ուղղությամբ փոխհրաձգություն է տեղի ունեցել։ Իրավիճակն այս պահին էլ լարված է։ Տեղեկությունը հայտնում է ՀՀ պաշտպանության նախարարության մամուլի ծառայությունը։
Հայաստանում մարդու իրավունքների պաշտպան Արման Թաթոյանի մամուլի ասուլիսը (3 նոյեմբերի, 2021թ.). Երևան - Sputnik Արմենիա, 1920, 14.11.2021
6 գյուղերի կենսական իրավունքները կոպիտ ոտնահարվում են. ՄԻՊ-ը՝ Ճակատենի մաքսատան մասին
«Նոյեմբերի 14-ին, ժամը 13։00-ի սահմաններում, ադրեջանական ԶՈւ ստորաբաժանումները փորձել են դիրքային առաջխաղացում ապահովել հայ-ադրբեջանական սահմանի արևելյան ուղղությամբ։ Սկսվել է ինտենսիվ փոխհրաձգություն։ Հայ դիրքապահները կանխել են հակառակորդի փորձերը՝ դիրքավորվել այդ տարածքում։ Իրադրությունը դեռևս շարունակում է լարված մնալ»,–ասված է հաղորդագրության մեջ։

Տեղեկացվում է, որ ներկա պահին, ռուսական կողմի միջնորդությամբ, ընթանում են բանակցություններ՝ իրադրության հանգուցալուծման ուղղությամբ։ Հայկական կողմից տուժածներ չկան։

Պաշտպանության նախարարությունից խոստանում են պարբերաբար տեղեկատվություն տրամադրել իրադրության հետագա զարգացումների վերաբերյալ։
Հիշեցնենք, որ նոյեմբերի 10-ին Հանրային հեռուստաընկերությանը տված հարցազրույցի ժամանակ ՀՀ անվտանգության խորհրդի քարտուղար Արմեն Գրիգորյանը հայտարարել էր, որ գիշերը Գորիս-Կապան ճանապարհին Ադրբեջանը մաքսակետեր է տեղադրելու։
Մեր զինվորներին խոշտանգած Ադրբեջանի սահմանապահները Գորիս-Կապան ճանապարհին են.ՄԻՊ–ի փաստերը
Ընդգծել էր նաև, որ հայկական կողմը նույնպես համապատասխան քայլեր կձեռնարկի, այսինքն՝ ճանապարհի այդ հատվածում կտեղադրի մաքսային և սահմանային հսկողության գործառույթներ իրականացնող կետեր։
ՀՀ վարչապետ Նիկոլ Փաշինյանը կառավարության նիստում հայտարարեց, որ Ադրբեջանի երեկվա ծանուցումից հետո, թե իրենք պատրաստվում են մաքսատուրք գանձել նշված ճանապարհով անցնող ՀՀ քաղաքացիներից, իրենք որոշել են հրաժարվել այդ ավտոճանապարհից ու ՀՀ քաղաքացիներին ուղղորդել երթևեկել այլընտրանքային` Կապան–Աղվանի–Տաթև–Հալիձոր–Շինուհայր ճանապարհով։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала