Ադրբեջանը մերժում է. հայկական կողմը բանակցում է աճյունների որոնումները վերսկսելու համար

Աճյունների որոնում - Sputnik Արմենիա, 1920, 15.11.2021
Աճյունների որոնում
Բաժանորդագրվեք
Հոկտեմբերի 18-ից առ այսօր որոնումներ իրականացնելու` հայկական կողմի բոլոր առաջարկները Ադրբեջանը տարբեր պատրվակներով մերժել է։
ԵՐԵՎԱՆ, 15 նոյեմբերի – Sputnik. Արցախյան պատերազմում զոհվածների աճյունների ու անհետ կորած զինծառայողների որոնումների վերսկսման շուրջ Արցախի ԱՀ ՆԳՆ արտակարգ իրավիճակների պետական ծառայությունը բանակցություններ է վարում, տեղեկանում ենք գերատեսչության Facebook–ի էջից։
«Արագ արձագանքման հատուկ ստորաբաժանման օպերատիվ խմբերի կողմից անցած շաբաթ զոհված և անհետ կորած համարվող զինծառայողների աճյունների որոնումներ չեն իրականացվել: Աշխատանքները վերսկսելու ուղղությամբ ԱԻ պետական ծառայությունը բանակցում է շահագրգիռ բոլոր կառույցների հետ»,– ասված է ծառայության տարածած հաղորդագրության մեջ:
Նոյեմբերի 13-ին ԱԻՊԾ–ն հայտնել էր, որ աճյունների որոնողական աշխատանքները դադարեցված են ս.թ. հոկտեմբերի 18-ից։
Արցախ - Sputnik Արմենիա, 1920, 13.11.2021
Ակնհայտ սադրանքի հետևանք. Արցախի միջադեպով քրեական գործ է հարուցվել
Դրանից հետո որոնումներ իրականացնելու` հայկական կողմի բոլոր առաջարկներն Ադրբեջանը տարբեր պատրվակներով մերժել է։
Հիշեցնենք` 2020 թվականի նոյեմբերի 13-ին ՌԴ խաղաղապահ ուժերի, ԿԽՄԿ առաքելության և ադրբեջանական կողմի հետ նախապես ձեռք բերված պայմանավորվածության համաձայն, ԱԻ պետական ծառայության գործուն մասնակցությամբ, Շուշիում սկսվեց որոնողական, դիերի հայտնաբերման և փոխանակման գործընթացը։
Կապան-Ճակատեն ավտոճանապարհին ադրբեջանական կողմն այս գիշեր մաքսակետ կտեղադրի. ԱԱԾ
Այդ օրն առաջին անգամ հայերն ու ադրբեջանցիները դեմ առ դեմ հանդիպեցին և բանակցեցին զոհված զինծառայողների մարմինների փոխանակման շուրջ։
2020 թվականի նոյեմբերի 13-ից սկսած Արցախի գրավյալ տարածքներում իրականացված որոնումների և Ադրբեջանի հետ դիերի փոխանակման արդյունքում մինչ օրս տարհանվել է ընդհանուր 1697 աճյուն, որոնց թվում նաև քաղաքացիական անձինք են:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала