Ականի վրա նորից ադրբեջանցի է պայթել

© Sputnik / Алексей Куденко / Անցնել մեդիապահոցԱկան
Ական - Sputnik Արմենիա, 1920, 15.11.2021
Բաժանորդագրվեք
НовостиTelegram
Պատերազմից հետո Ադրբեջանի վերահսկողության տակ անցած՝ Լեռնային Ղարաբաղի տարածքներում նման միջադեպեր հաճախ են տեղի ունենում։
ԵՐԵՎԱՆ, 15 նոյեմբերի – Sputnik. 44-օրյա պատերազմից հետո Ադրբեջանի վերահսկողության տակ անցած Ակնա (Աղդամ) քաղաքի տարածքում ականի վրա ադրբեջանցի է պայթել։ Այս մասին գրում է Sputnik Ադրբեջանը։
Մահացած ադրբեջանցու անունը Զաուր Ագաև էր։ Համաձայն կայքի՝ ադրբեջանցին Աղդամի տարածքում անասուններ էր արածեցնում։ Որոշ Telegram ալիքներ, սակայն, նշում են, որ մահացածը զինվորական էր։
Ադրբեջանի զորամասերից մեկում պայթյուն է որոտացել․ զոհեր կան
Նշենք, որ պատերազմից հետո Լեռնային Ղարաբաղի՝ Ադրբեջանի վերահսկողության տակ անցած տարածքներում նման միջադեպեր հաճախ են տեղի ունենում։ Առաջին դեպքը տեղի էր ունեցել 2020–ի դեկտեմբերի 14-ին Աղդամում, երբ ականի պայթյունից մեկ ադրբեջանցի էր մահացել, ևս երկուսը վիրավորվել էին։
Ապա մահեր և անդամահատումներ են գրանցվել Ֆիզուլիում, Կուբաթլուում, Թալիշում, Ջրականում։ Ամենախոշոր դեպքերից մեկը այս տարվա փետրվարի 3-ին էր, երբ երեք ադրբեջանցիներ պայթել էին ականի վրա Ֆիզուլիում (Վարանդա)։
Վերջին դեպքերից կարելի է նշել սեպտեմբերի 22-ին գյուղերից մեկում (չի նշվել անունը) տեղի ունեցած պայթյունը, որից մահացել էր Ադրբեջանի քաղաքացի Մամեդ Մարդանովը:
Противотанковая мина на обочине дороги на подступе к Шуши после окончания военных действий (14 ноября 2020). Карабах - Sputnik Արմենիա, 1920, 12.01.2021
Կուբաթլուում ականի պայթյունից ադրբեջանցի հրամանատար է մահացել
Նոյեմբերի 7-ին Ջրականի (Ջաբրայիլ) շրջանում ականի վրա պայթել էր Խանլար Ասլանովը։
Հիշեցնենք, որ 2020-ի նոյեմբերի 9-ին Ռուսաստանի, Հայաստանի և Ադրբեջանի ղեկավարները Լեռնային Ղարաբաղում ռուս խաղաղապահների տեղակայման շուրջ պայմանավորվածություն են ձեռք բերել, ստորագրվել է հայտարարություն, որով Ադրբեջանին են անցնում Արցախի յոթ շրջանները, Շուշին ու Հադրութը` բացառությամբ մի գյուղի, գյուղեր Ասկերանի ու Մարտունու շրջանից, ինչպես նաև Մարտակերտի շրջանի Թալիշ և Մատաղիս գյուղերը։
Լրահոս
0