Տարածքային զարգացման հիմնադրամի պաշտոնյաները կաշառք են ստացել ու բերման ենթարկվել

© Sputnik / Asatur YesayantsПередача конверта с деньгами
Передача конверта с деньгами - Sputnik Արմենիա, 1920, 19.11.2021
Բաժանորդագրվեք
Կաշառքի հերթական մասնաբաժինը ստանալուց հետո հիմնադրամի ծրագրերի իրականացման բաժնի պետն ու կաշառք տված անձը բերման են ենթարկվել։
ԵՐԵՎԱՆ, 19 նոյեմբերի – Sputnik. Հայաստանի տարածքային զարգացման հիմնադրամի պաշտոնատար անձինք կալանավորվել են` շինարարական կազմակերպությունների սեփականատերերից առանձնապես խոշոր չափերով կաշառք պահանջելու ու ստանալու մեղադրանքով։ Այս մասին հայտնում են ՀՀ Հակակոռուպցիոն կոմիտեից։
Լոռու ԴԱՀԿ աշխատակիցները կաշառք են վերցրել, 3-ը կալանավորել են. ԱԱԾ-ի բացահայտումը
Գործի նախաքննությամբ պարզվել է, որ Հայաստանի տարածքային զարգացման հիմնադրամի ծրագրերի իրականացման բաժնի պետ Հայկ Խաչատրյանը և նույն բաժնի վերահսկման խմբի ղեկավար Արթուր Զարգարյանը նախնական համաձայնություն են ձեռք բերել` հիմնադրամի կողմից ՀՀ մարզերից մեկում դպրոցի կառուցման աշխատանքների իրականացման նպատակով անցկացված մրցույթում հաղթող ճանաչված կապալառու կազմակերպության սեփականատիրոջից առանձնապես խոշոր չափերով կաշառք պահանջելու վերաբերյալ:
Զարգարյանը Խաչատրյանի հանձնարարությամբ հանդիպել է կազմակերպության համասեփականատիրոջ հետ և նրանից պահանջել ավելի քան 28.000.000 ՀՀ դրամ կաշառք` կազմակերպության օգտին հովանավորչության, կատարած աշխատանքների թերությունները չարձանագրելու և շինարարական աշխատանքներն ընդունելու դիմաց։
Քննություն՝ վարորդական իրավունք ստանալու համար - Sputnik Արմենիա, 1920, 19.11.2021
Կաշառքով ստացած վարորդական վկայականները ու քննությունները կճանաչվեն անվավեր
Պայմանագրի կնքումից հետո` 2021թ.-ի սեպտեմբերին, կապալառու կազմակերպության համասեփականատերն այցելել է երևանյան ռեստորանային համալիրներից մեկը, որտեղ Խաչատրյանին է տվել նրա պահանջած կաշառքի գումարից 2.404.100 ՀՀ դրամին համարժեք 5.000 ԱՄՆ դոլարը:
2021թ.-ի նոյեմբերի 12-ին կաշառքի հերթական մասնաբաժինը՝ 1.900.760 ՀՀ դրամին համարժեք 4000 ԱՄՆ դոլարը ստանալուց հետո Խաչատրյանը և կաշառք տված անձը բերման են ենթարկվել։
Չարաշահում, կաշառք, վատնում. Դիլիջանի նախկին քաղաքապետի գործի նախաքննությունն ավարտվել է
Կապալառու կազմակերպության համասեփականատիրոջը ևս մեղադրանք է առաջադրվել` առանձնապես խոշոր չափերով կաշառք տալու համար: Քրեական գործով ևս մեկ անձ ունի կասկածյալի կարգավիճակ: Նախաքննությունը շարունակվում է:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала