300 դպրոց և 500 նախադպրոցական հաստատություն. մանրամասներ` ՀՀ–ում ընթացող շինաշխատանքներից

© Sputnik / Andranik GhazaryanՄանկապարտեզ
Մանկապարտեզ - Sputnik Արմենիա, 1920, 26.11.2021
Մանկապարտեզ. Արխիվային լուսանկար
Բաժանորդագրվեք
ՀՀ-ում մինչև 20 երեխա ունեցող 10 բնակավայրում ստեղծվել է նախադպրոցական ծառայություն։
ԵՐԵՎԱՆ, 26 նոյեմբերի – Sputnik. ՀՀ կառավարությունը նախատեսում է 300 դպրոցի և 500 նախադպրոցական հաստատության հիմնանորոգման, վերանորոգման ու կառուցման ծրագրեր իրականացնել։
Այսօր կայացած մամուլի ասուլիսի ժամանակ ՀՀ կրթության, գիտության, մշակույթի և սպորտի փոխնախարար Ժաննա Անդրեասյանը նշեց, որ աշխատանքներն արդեն ինտենսիվ ընթացքի մեջ են։
«Նախադպրոցական հաստատությունների ծրագրերը վերաբերում են և՛ դասական մանկապարտեզների հիմնանորոգմանն ու կառուցմանը, և՛ փորք թվով երեխաներով համալրված բնակավայրերում այլընտրանքային նախադպրոցական ծառայությունների մատուցմանը։ Մինչև 20 երեխա ունեցող 10 բնակավայրում արդեն ստեղծվել է նախադպրոցական ծառայություն»,- նշեց Անդրեասյանը։
Երևանի թիվ 135 դպրոցում - Sputnik Արմենիա, 1920, 25.11.2021
Դպրոցի տնօրենը հաշվապահությամբ չի զբաղվի. նրան կընտրեն նշանակովի խորհրդի անդամները
Անդրադառնալով հանրակրթության ոլորտին` փոխնախարարը շեշտեց, որ այդտեղ նույնպես ծրագրերը շատ են։ Խոսքը մոդուլային դպրոցների կառուցման և ընթացիկ հիմնանորոգումների մասին է։ Անդրեասյանը նաև նկատեց, որ Կապան խոշորացված համայնքի գյուղական բնակավայրերում իրականացվում է բոլորովին նոր ծրագիր։

«Մեր նպատակն է միասնական աշխատանք իրականացնել թե՛ ենթակառուցվածքների զարգացման, թե՛ որակյալ կրթության ապահովման միջոցով։ Կապանի 31 գյուղական բնակավայրի համար կստեղծենք նման 13 արդիական կրթահամալիրներ»,- ասաց ԿԳՄՍ նախարարի տեղակալը։

ՀՀ քաղաքաշինության կոմիտեի նախագահի տեղակալ Դավիթ Գրիգորյանն ընդգծեց, որ նախաձեռնել են օրենսդրական և ենթաօրենսդրական փոփոխություններ, որոնք կնպաստեն քաղաքաշինական ծրագրերի իրականացման գործընթացի հեշտացմանը։
«Այս տարի փոխել ենք սեյսմակայունության շինարարական նորմերը, որոնք հնարավորություն կտան առավել սեյսմակայուն ու որակյալ շինարարություն իրականացնել։ Նախաձեռնել ենք նաև բազմակի կիրառվող նախագծերի օգտագործման գործընթաց»,- ասաց Գրիգորյանը։
Արամուսում մանկապարտեզ է կառուցվում 50 փոքրիկի համար
ՔԿ-ի քաղաքաշինական ծրագրերի իրականացման վարչության պետ Արսեն Միրզոյանն էլ նշեց, որ ներկայում 100-ից ավելի կրթական օբյեկտի հետ կապված աշխատանքներ են իրականացվում։ Նրա խոսքով՝ ներկայում փոքրաքանակ երեխաներով համայնքների թվով 22 դպրոցի կառուցման ծրագիր կա, որոնցից միայն 1-ի շինաշխատանքները դեռ չեն սկսել։ 15-ի կառուցումը, հիմնանորոգումը կավարտվի 2022 թվականին։
Ընթանում են 144 տեղ հզորությամբ մանկապարտեզի նախագծման աշխատանքներ: Դրանք իրականցվում են արդեն իսկ Արևիկ համայնքի համար մշակված տիպային նախագծով:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала