Խնդիրը ժառանգված է խորհրդային ժամանակներից. Պուտինը` հայ–ադրբեջանական սահմանների մասին

© Sputnik / Михаил КлиментьевՌԴ նախագահ Վլադիմիր Պուտինը Ադրբեջանի նախագահի հետ հանդիպման ժամանակ (26 նոյեմբերի, 2021թ․). Սոչի
ՌԴ նախագահ Վլադիմիր Պուտինը Ադրբեջանի նախագահի հետ հանդիպման ժամանակ (26 նոյեմբերի, 2021թ․). Սոչի - Sputnik Արմենիա, 1920, 26.11.2021
Բաժանորդագրվեք
НовостиTelegram
ՀՀ վարչապետը հայտարարել է, որ Հայաստանը պատրաստ է սկսել սահմանազատումն ու սահմանագծումը։
ԵՐԵՎԱՆ, 26 նոյեմբերի – Sputnik. Սոչիում ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ հանդիպմանը Ռուսաստանի նախագահ Վլադիմիր Պուտինը հայտարարել է Հայաստանի և Ադրբեջանի միջև սահմանի սահմանազատման և սահմանագծման ուղղությամբ աշխատանքները սկսելու պայմանավորվածության մասին։

«Երկու կողմերն էլ շահագրգռված են իրավիճակը կարգավորելու ու դրականորեն զարգացումների հարցում։ Բոլորը շահագրգռված են կոմունիկացիաների ապաշրջափակմամբ, այդ թվում՝ Ռուսաստանը։ Պայմանավորվածություն կա մոտ ապագայում սկսել սահմանազատման և սահմանագծման աշխատանքները»,–ասել է ՌԴ նախագահը։

Պուտինը նաև նշել է, որ դա չափազանց բարդ խնդիր է՝ ժառանգված խորհրդային ժամանակներից, երբ «այնտեղ սահման չկար»։
Անդրադառնալով կողմերի միջև շփումների հարցին՝ ՌԴ նախագահը կարևորել է նման հանդիպումների կազմակերպումը։
Հայաստանի վարչապետ Նիկոլ Փաշինյանի, Ռուսաստանի նախագահ Վալդիմիր Պուտինի և Ադրբեջանի նախագահ Իլհամ Ալիևի եռակողմ հանդիպումը (26 նոյեմբերի, 2021թ․). Սոչի - Sputnik Արմենիա, 1920, 26.11.2021
Չէի ցանկանա, որ Հայաստանի և Ադրբեջանի հետ կապերը քանդվեին. Պուտին
«Անմիջական շփումները հիմնականում առաջնահերթություն են: Առաջիկայում նախատեսվում է նաև ձեր հանդիպումը Բրյուսելում։ Մենք դա ևս ողջունում ենք։ Որքան շատ լինեն անմիջական շփման հնարավորությունները, այնքան լավ։ Մենք հույս ունենք, որ մի քայլ առաջ կանենք, իսկ հետո հնարավոր կլինի հետագա քայլեր ձեռնարկել այլ վայրերում»,- ասել է Պուտինը։
Նիկոլ Փաշինյանն իր հերթին հայտարարել է, որ Հայաստանը պատրաստ է սկսել սահմանի սահմանազատումն ու սահմանագծումը։
Իր հերթին Ալիևը բարձր է գնահատել ռուսական կողմի աջակցությունը, այդ թվում՝ խորհրդատվական՝ Հայաստանի և Ադրբեջանի միջև սահմանների որոշման հարցում։

«Հայաստանի և Ադրբեջանի միջև սահմանները սահմանազատված չեն, և մենք բազմիցս հրապարակավ հայտնել ենք, որ պատրաստ ենք հրատապ սահմանազատման գործընթաց սկսել»,- ասաց նա։

Հիշեցնենք` Ռուսաստանի Դաշնության Սոչի քաղաքում ընթանում է Հայաստանի, Ռուսաստանի ու Ադրբեջանի ղեկավարների հանդիպումը։ Եռակողմ հանդիպումից առաջ Պուտինն առանձնազրույց է ունեցել Ալիևի հետ։
Նշենք, որ Փաշինյանն ու Ալիևը համաձայնել են հանդիպել նաև դեկտեմբերի 15-ին Բրյուսելում ԵՄ Արևելյան գործընկերության գագաթնաժողովի շրջանակում։
Փաշինյանի ու Ալիևի նախորդ հանդիպումը (Պուտինի մասնակցությամբ) կայացել էր Մոսկվայում այս տարվա հունվարի 11-ին։ Գրեթե 4 ժամ տևած բանակցությունների արդյունքում ընդունվել էր երկրորդ եռակողմ հայտարարությունը, որը հիմնականում վերաբերում էր 2020-ի նոյեմբերի 9-ի հայտարարության 9-րդ՝ տարածաշրջանում բոլոր տնտեսական և տրանսպորտային կապերն ապաշրջափակելու վերաբերյալ կետի իրագործմանը։
Լրահոս
0