«Ազատագրական շարժումը» մասնատվում է. Կարին Տոնոյանը հայտարարել է, որ կպայքարի առանձին

© Asatur Yesayants«5165» շարժման ներկայացուցիչները Կառավարության շենքի մոտ (22 նոյեմբերի, 2021թ․). Երևան
«5165» շարժման ներկայացուցիչները Կառավարության շենքի մոտ (22 նոյեմբերի, 2021թ․). Երևան - Sputnik Արմենիա, 1920, 28.11.2021
Բաժանորդագրվեք
Տոնոյանը հույս է հայտնել, որ կկարողանա համախմբել այն ուժերին, որոնք «պատրաստ կլինեն մի կողմ թողնել իրենց խմբային կամ անհատական ամբիցիաները»։
ԵՐԵՎԱՆ, 28 նոյեմբերի – Sputnik. «5165» շարժման առաջնորդ Կարին Տոնոյանը Facebook-ում գրառում է արել, որով հայտնել է, որ դուրս է գալիս 1 շաբաթ տևած «Ազատագրական շարժումից» ու իր պայքարը կշարունակի առանձին։

«Մեկշաբաթյա մեր ընդվզումն ու բողոքի ակցիան մեզ՝ «5165» շարժման համար ավարտվեց այսօրվա ուխտագնացությամբ՝ դեպի Էջմիածին (ցավոք, հիվանդության պատճառով ես անձամբ մասնակցել չկարողացա): Վաղվանից «Ազատագրական շարժումը» կշարունակի պայքարի իր ճանապարհը, որում նրան հաջողություն ենք մաղթում, իսկ «5165» շարժումը կմտնի պայքարի նոր փուլ՝ համազգային համախմբման գործընթացով բաց հանդիպումներ կազմակերպելով քաղաքական և հասարակական բոլոր ուժերի հետ»,– գրել է Տոնոյանը։

Նա նաև հույս է հայտնել, որ այդկերպ կկարողանա համախմբել այն ուժերին, որոնք «պատրաստ կլինեն մի կողմ թողնել իրենց խմբային կամ անհատական ամբիցիաները» ։
Այսօր` նոյեմբերի 28–ին, ժամը 12։00-ին, «Ազատագրական շարժումը» Երևանի Հանրապետության հրապարակից երթ-ուխտագնացություն իրականացրեց Մայր աթոռ Սուրբ Էջմիածին։
Նիկոլ Փաշինյան - Sputnik Արմենիա, 1920, 25.11.2021
«Եթե պարոնը հրաժարական տա, ԱԺ–ն ո՞ւմ է առաջադրելու». Սարգսյանը գիտի` ինչ է պետք անել
Շարժման անդամ, ՀՀ փաստաբանների պալատի նախկին նախագահ Արա Զոհրաբյանը երթից առաջ հայտարարեց, որ այսօր քաղաքական ելույթներ ու պահանջներ չեն հնչելու։ Ուխտագնացության նպատակը բացառապես համազգային համախմբումն է։
Հիշեցնենք, որ նոյեմբերի 22-ից «Ազատագրական շարժումը» բողոքի ակցիաներ և հանրահավաքներ է իրականացնում` պահանջելով, որպեսզի Փաշինյանը հրապարակի սահմանազատման մասին փաստաթուղթը։
Ազատագրական շարժման հավաքը Հանրապետության հրապարակում (24 նոյեմբերի, 2021թ․). Երևան - Sputnik Արմենիա, 1920, 24.11.2021
ԱԱԾ պահեստազորի սպաների միությունը միանում է «Ազատագրական շարժման» պահանջներին
Շարժումը պահանջում էր նաև ադրբեջանական կողմին միջանցք կամ տարածքներ չտրամադրել, լիարժեք զինել առաջնագիծն ու պաշտպանել երկրի տարածքային ամբողջականությունը։
Նոյեմբերի 27-ի հանրահավաքում «Ազատագրական շարժումն» արդեն ՀՀ վարչապետ Նիկոլ Փաշինյանի ու ՀՀ նախագահ Արմեն Սարգսյանի հրաժարականների պահանջ ներկայացրեց։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала