Թալանել են Զանգեզուրի կոմբինատի առողջարանային համալիրի տնօրենին

© Photo : ГКСЭՉհրկիզվող պահարան. արխիվային լուսանկար
Չհրկիզվող պահարան. արխիվային լուսանկար - Sputnik Արմենիա, 1920, 28.11.2021
Բաժանորդագրվեք
Փաստի առթիվ ոստիկանության Կապանի բաժնում հարուցվել է քրեական գործ
ԵՐԵՎԱՆ, 28 նոյեմբերի - Sputnik. Թալանել են «Զանգեզուրի պղնձամոլիբդենային կոմբինատ» փակ բաժնետիրական ընկերության առողջարանային համալիրի տնօրենին։ Տեղեկությունը հայտնում է shamshyan com-ը։
Կայքը գրում է, որ երեկ՝ նոյեմբերի 27-ին, ոստիկանության Կապանի բաժին է դիմել Երևանի բնակիչ, 60-ամյա Սամվել Պարոնիկյանը` ասելով, որ իրեն թալանել են։
Ոստիկանական ավտոմեքենա - Sputnik Արմենիա, 1920, 16.11.2021
Երևանում թալանել են Շենգավիթի նախկին թաղապետի տունը
Նա հայտնել է, որ նոյեմբերի 13-ից մինչև նոյեմբերի 23-ն ընկած ժամանակահատվածում «Զանգեզուրի պղնձամոլիբդենային կոմբինատ» փակ բաժնետիրական ընկերության առողջարանային համալիրում անհայտ անձը կամ անձինք իր պայուսակից գողացել են երկաթյա չհրկիզվող պահարանի բանալին:
Բժշկական դիմակով ու դանակով զինված կինը Արմավիրում դեղատներ է թալանել
Ահազանգով մեկնել է ոստիկանության Կապանի բաժնի օպերատիվ խումբը, որտեղ Ս. Պարոնիկյանը ոստիկաններին հայտնել է, որ չհրկիզվող պահարանը եղել է հյուրանոցային համալիրի 402 սենյակում, որտեղ էլ, բացելով պահարանը, այնտեղից հափշտակել են խոշոր չափի գումար և ոսկյա շղթա:

Կայքի տեղեկություններով՝ Ս. Պարոնիկյանը ոստիկաններին հայտնել է, որ ինքն աշխատում է «Զանգեզուրի պղնձամոլիբդենային կոմբինատ» ՓԲԸ-ի առողջարանային համալիրում՝ որպես տնօրեն, իսկ չհրկիզվող պահարանից էլ հափշտակել են մոտ 2մլն դրամ:

Փաստի առթիվ ոստիկանության Կապանի բաժնում հարուցվել է քրեական գործ և այն փոխանցվել Հայաստանի քննչական կոմիտեի Սյունիքի մարզային քննչական վարչություն:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала