https://arm.sputniknews.ru/20211202/veraqnnich-datarany-bekanel-e-zangezuri-kvombinati-75-tvokvos-kalanqy-veracnelu-vorvoshumy-35955661.html
Վերաքննիչ դատարանը բեկանել է Զանգեզուրի կոմբինատի 75 տոկոս կալանքը վերացնելու որոշումը
Վերաքննիչ դատարանը բեկանել է Զանգեզուրի կոմբինատի 75 տոկոս կալանքը վերացնելու որոշումը
Sputnik Արմենիա
Սյունիքի մարզի ընդհանուր իրավասության դատարանը որոշում էր կայացրել Զանգեզուրի կոմբինատի 75 տոկոս կալանքը վերացնելու մասին, ինչից ժամեր անց բաժնետոմսերը գնել է... 02.12.2021, Sputnik Արմենիա
2021-12-02T12:04+0400
2021-12-02T12:04+0400
2021-12-02T12:08+0400
ռուսաստան
հհ կառավարություն
դատարան
կալանք
գեոպրոմայնինգ գոլդ
«զանգեզուրի պղնձամոլիբդենային կոմբինատ»
https://cdn.am.sputniknews.ru/img/2106/39/21063988_0:138:1600:1038_1920x0_80_0_0_2c67edf3dcbdc5087f45b5106c4a0f94.jpg
ԵՐԵՎԱՆ, 2 նոյեմբերի – Sputnik. ՀՀ Վերաքննիչ դատարանը բեկանել է Զանգեզուրի կոմբինատի 75 տոկոս կալանքը վերացնելու մասին Սյունիքի մարզի ընդհանուր իրավասության դատարանի որոշումը, գրում է «Փաստինֆոն»։Վերաքննիչ քաղաքացիական դատարանը հանգել է հետևության, որ Սյունիքի մարզի ընդհանուր իրավասության դատարանը Զանգեզուրի պղնձամոլիբդենային կոմբինատի բաժնետոմսերի 75 %-ի վրա դրված արգելանքը վերացնելու մասին որոշմամբ թույլ է տվել դատական սխալ։Նշենք, որ Զանգեզուրի պղնձամոլիբդենային կոմբինատի (ԶՊՄԿ) բաժնետոմսերի 12.5 տոկոսի սեփականատեր Ռուսաստանի առողջապահության ու սոցիալական զարգացման հարցերի նախկին նախարար Միխայիլ Զուրաբովը հայցադիմում էր ներկայացրել դատարան՝ ԶՊՄԿ բաժնետոմսերը ձեռքբերելու նախապատվությունն իրեն տալու մասին։Օգոստոսի 2-ին ներկայացված հայցադիմումից հետո դատարանը ոչ միայն վարույթ էր ընդունել, այլ նաև կիրառել հայցի ապահովման միջոց՝ արգելանքի տակ դնելով Զանգեզուրի պղնձամոլիբդենային կոմբինատի ընդհանուր բաժնետոմսերի 75%-ի վրա։Սյունիքի մարզի ընդհանուր իրավասության դատարանը սեպտեմբերի 30-ին որոշում էր կայացրել հայցի ապահովման միջոցը վերացնելու մասին, ինչից ժամեր անց բաժնետոմսերը գնել է ռուս միլիարդատեր Ռոման Տրոցենկոյին պատկանող «Գեոպրոմայնինգ» ՍՊԸ դուստր ընկերությունը՝ «Արդյունաբերական ընկերություն» ԲԸ-ն։ Գործարքից անմիջապես հետո գնված բաժնետոմսերի 15 %-ը Տրոցենկոն նվիրաբերել է ՀՀ կառավարությանը։Նշվում է, որ բաժնետոմսերի վաճառքի գինը սահմանվել է բավականին ցածր, այդուհանդերձ, անգամ այդ գումարը Տրոցենկոն դեռևս չի կարողացել վճարել ու պայմանագրում նախատեսվել է հետաձգվող վճարման պայման։ Բացի այդ, խնդիրներ են առաջացել գործարքի վարկավորման համար ևս, քանի որ որոշ բանկեր ռիսկեր են տեսել բաժնետոմսերի ձեռք բերման օրինականության առումով ու խուսափում են վարկ տրամադրել։ Այժմ գործարքն անվավեր ճանաչելու ռիսկերն առավել քան առարկայական են։Հիշեցնենք` սեպտեմբերի 30-ին հայտնի դարձավ, որ Զանգեզուրի պղնձամոլիբդենային կոմբինատի բաժնետերերից մեկը` ռուսաստանյան «Արդյունաբերական ընկերություն» բաժնետիրական ընկերությունը ՀՀ կառավարությանն է նվիրել իր բաժնեմասի 25 տոկոսը։ Նույն օրը կառավարությունը գրավոր կարգով որոշում էր կայացրել նվիրատվությունն ընդունելու մասին։ Դե, իսկ քանի որ «Արդյունաբերական ընկերություն» ԲԸ–ին պատկանում է կոմբինատի բաժնետոմսերի 60 տոկոսը, ապա այս գործարքի արդյունքում ՀՀ կառավարությունը դարձել է կոմբինատի 15 տոկոսի բաժնեմասի սեփականատերը։Հետաքրքրական է, որ «Արդյունաբերական ընկերությունը» նախկինում երբեք Զանգեզուրի պղնձամոլիբդենային կոմբինատի բաժնետերերի թվում չի հիշատակվել։ Բանն այն է, որ իրականում այն բաժնետեր է դարձել հենց սեպտեմբերի 30-ին ու նույն օրն էլ իր ձեռք բերած 60 տոկոս բաժնետոմսերի 25 տոկոսը նվիրել կառավարությանը։Հայաստանի պատմության մեջ թերևս ամենամութ գործարքն է. Քոչարյանը` Զանգեզուրի կոմբինատի մասինՊարզվում է նաև, որ այս ընկերությունն իր հերթին պատկանում է կոմբինատի բաժնետեր «Գեոպրոմայնինգ Արմենիա» ընկերությանը։Նշենք, որ, համաձայն ՌԴ պետռեգիստրի կայքում առկա տեղեկատվության, «Արդյունաբերականընկերություն» բաժնետիրական ընկերությունը գրանցվել է 2017թ–ի դեկտեմբերի 12-ին։ Ընկերության կենտրոնական գրասենյակը գտնվում է Մոսկվայում։ 2017-2019թթ–ին ունեցել է 1 աշխատակից, 2020թ–ի դեկտեմբերի 31-ի դրությամբ` 0։ «Արդյունաբերական ընկերության» գործադիր տնօրենը Վիկտորյա Սալդատովան է։Ավելի ուշ, անդրադառնալով հիշյալ գործարքին, ՀՀ վարչապետ Նիկոլ Փաշինյանն ասել էր, որ ռուսական այդ ընկերությունը կառավարության հետ գործարքի դիմաց ստանձնել է ՀՀ–ում պղնձաձուլական գործարանի կառուցման պարտավորություն և բանակցություններ է վարում ՀՀ–ում նոր ատոմակայան կառուցելու շուրջ։
https://arm.sputniknews.ru/20211103/tigran-avinjani-zangezuri-kombinati-tnoren-nshanakelu-harc-chi-qnnarkvum-karavarutjun-34945860.html
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ռուսաստան, հհ կառավարություն, դատարան, կալանք, գեոպրոմայնինգ գոլդ, «զանգեզուրի պղնձամոլիբդենային կոմբինատ»
ռուսաստան, հհ կառավարություն, դատարան, կալանք, գեոպրոմայնինգ գոլդ, «զանգեզուրի պղնձամոլիբդենային կոմբինատ»
Վերաքննիչ դատարանը բեկանել է Զանգեզուրի կոմբինատի 75 տոկոս կալանքը վերացնելու որոշումը
12:04 02.12.2021 (Թարմացված է: 12:08 02.12.2021) Սյունիքի մարզի ընդհանուր իրավասության դատարանը որոշում էր կայացրել Զանգեզուրի կոմբինատի 75 տոկոս կալանքը վերացնելու մասին, ինչից ժամեր անց բաժնետոմսերը գնել է ռուս միլիարդատեր Ռոման Տրոցենկոյին պատկանող «Գեոպրոմայնինգ» ՍՊԸ դուստր ընկերությունը։
ԵՐԵՎԱՆ, 2 նոյեմբերի – Sputnik. ՀՀ Վերաքննիչ դատարանը բեկանել է Զանգեզուրի կոմբինատի 75 տոկոս կալանքը վերացնելու մասին Սյունիքի մարզի ընդհանուր իրավասության դատարանի որոշումը, գրում է
«Փաստինֆոն»։
Վերաքննիչ քաղաքացիական դատարանը հանգել է հետևության, որ Սյունիքի մարզի ընդհանուր իրավասության դատարանը Զանգեզուրի պղնձամոլիբդենային կոմբինատի բաժնետոմսերի 75 %-ի վրա դրված արգելանքը վերացնելու մասին որոշմամբ թույլ է տվել դատական սխալ։
Նշենք, որ Զանգեզուրի պղնձամոլիբդենային կոմբինատի (ԶՊՄԿ) բաժնետոմսերի 12.5 տոկոսի սեփականատեր Ռուսաստանի առողջապահության ու սոցիալական զարգացման հարցերի նախկին նախարար Միխայիլ Զուրաբովը հայցադիմում էր ներկայացրել դատարան՝ ԶՊՄԿ բաժնետոմսերը ձեռքբերելու նախապատվությունն իրեն տալու մասին։
Օգոստոսի 2-ին ներկայացված հայցադիմումից հետո դատարանը ոչ միայն վարույթ էր ընդունել, այլ նաև կիրառել հայցի ապահովման միջոց՝ արգելանքի տակ դնելով Զանգեզուրի պղնձամոլիբդենային կոմբինատի ընդհանուր բաժնետոմսերի 75%-ի վրա։
Սյունիքի մարզի ընդհանուր իրավասության դատարանը սեպտեմբերի 30-ին որոշում էր կայացրել հայցի ապահովման միջոցը վերացնելու մասին, ինչից ժամեր անց բաժնետոմսերը գնել է ռուս միլիարդատեր Ռոման Տրոցենկոյին պատկանող «Գեոպրոմայնինգ» ՍՊԸ դուստր ընկերությունը՝ «Արդյունաբերական ընկերություն» ԲԸ-ն։ Գործարքից անմիջապես հետո գնված բաժնետոմսերի 15 %-ը Տրոցենկոն նվիրաբերել է ՀՀ կառավարությանը։
Նշվում է, որ բաժնետոմսերի վաճառքի գինը սահմանվել է բավականին ցածր, այդուհանդերձ, անգամ այդ գումարը Տրոցենկոն դեռևս չի կարողացել վճարել ու պայմանագրում նախատեսվել է հետաձգվող վճարման պայման։ Բացի այդ, խնդիրներ են առաջացել գործարքի վարկավորման համար ևս, քանի որ որոշ բանկեր ռիսկեր են տեսել բաժնետոմսերի ձեռք բերման օրինականության առումով ու խուսափում են վարկ տրամադրել։ Այժմ գործարքն անվավեր ճանաչելու ռիսկերն առավել քան առարկայական են։
Միխայիլ Զուրաբովի ներկայացուցիչները բողոք են ներկայացրել Վերաքննիչ քաղաքացիական դատարան՝ պահանջելով վերացնել հայցի ապահովման միջոցը վերացնելու մասին դատարանի որոշումը։
Հիշեցնենք` սեպտեմբերի 30-ին հայտնի դարձավ, որ Զանգեզուրի պղնձամոլիբդենային կոմբինատի բաժնետերերից մեկը` ռուսաստանյան «Արդյունաբերական ընկերություն» բաժնետիրական ընկերությունը ՀՀ կառավարությանն է նվիրել իր բաժնեմասի 25 տոկոսը։ Նույն օրը կառավարությունը գրավոր կարգով որոշում էր կայացրել նվիրատվությունն ընդունելու մասին։ Դե, իսկ քանի որ «Արդյունաբերական ընկերություն» ԲԸ–ին պատկանում է կոմբինատի բաժնետոմսերի 60 տոկոսը, ապա այս գործարքի արդյունքում ՀՀ կառավարությունը դարձել է կոմբինատի 15 տոկոսի բաժնեմասի սեփականատերը։
Հետաքրքրական է, որ «Արդյունաբերական ընկերությունը» նախկինում երբեք Զանգեզուրի պղնձամոլիբդենային կոմբինատի բաժնետերերի թվում չի հիշատակվել։ Բանն այն է, որ իրականում այն բաժնետեր է դարձել հենց սեպտեմբերի 30-ին ու նույն օրն էլ իր ձեռք բերած 60 տոկոս բաժնետոմսերի 25 տոկոսը նվիրել կառավարությանը։
Պարզվում է նաև, որ այս ընկերությունն իր հերթին պատկանում է կոմբինատի բաժնետեր «Գեոպրոմայնինգ Արմենիա» ընկերությանը։
Նշենք, որ, համաձայն ՌԴ պետռեգիստրի կայքում առկա տեղեկատվության, «Արդյունաբերականընկերություն» բաժնետիրական ընկերությունը գրանցվել է 2017թ–ի դեկտեմբերի 12-ին։ Ընկերության կենտրոնական գրասենյակը գտնվում է Մոսկվայում։ 2017-2019թթ–ին ունեցել է 1 աշխատակից, 2020թ–ի դեկտեմբերի 31-ի դրությամբ` 0։ «Արդյունաբերական ընկերության» գործադիր տնօրենը Վիկտորյա Սալդատովան է։
Ավելի ուշ, անդրադառնալով հիշյալ գործարքին, ՀՀ վարչապետ Նիկոլ Փաշինյանն ասել էր, որ ռուսական այդ ընկերությունը կառավարության հետ գործարքի դիմաց ստանձնել է ՀՀ–ում պղնձաձուլական գործարանի կառուցման պարտավորություն և բանակցություններ է վարում ՀՀ–ում
նոր ատոմակայան կառուցելու շուրջ։
