Դատախազությունը դիմել է դատարան` բռնագանձելու Վլադիմիր Գասպարյանի և նրա ընտանիքի գույքը

© Photo : official site of the President of RAՎլադիմիր Գասպարյան
Վլադիմիր Գասպարյան - Sputnik Արմենիա, 1920, 06.12.2021
Վլադիմիր Գասպարյան. Արխիվային լուսանկար
Բաժանորդագրվեք
Եթե դատարանը բավարարի դատախազության հայցը, ապա կբռնագանձվեն Գասպարյանի տունը, 2 մեքենաները և հողամասը։
ԵՐԵՎԱՆ, 6 դեկտեմբերի – Sputnik. Գլխավոր դատախազությունը դիմել է դատարան՝ Հայաստանի նախկին ոստիկանապետ Վլադիմիր Գասպարյանի ու նրա ընտանիքի անդամների ապօրինի ծագում ունեցող գույքի բռնագանձման պահանջով։ Տեղեկանում ենք դատական տեղեկատվական հարթակից։
Գործով պատասխանողներն են Վլադիմիր Գասպարյանը, նրա կինը՝ Սուսաննա Գասպարյանը, մայրը՝ Անժելա Գասպարյանը, որդին` Վլադիմիրը, դուստրը` Անգելինան և զոքանչը` Հեղուշ Գալստյանը։ Նշենք, որ նման հայցադիմում դատախազությունը ներկայացրել է նոյեմբերի 18-ին, սակայն այնտեղ թույլ տրված խախտումների պատճառով հայցադիմումը հետ է վերադարձվել։ Դեկտեմբերի 2-ին այն նորից դատարան է ներկայացվել։
Գործը մակագրվել է Երևանի ընդհանուր իրավասության դատավոր Հայարփի Զարգարյանին։
Ի դեպ, հունիսի 30-ին հայտնի դարձավ, որ «Ապօրինի ծագում ունեցող գույքի բռնագանձման մասին» օրենքի շրջանակներում իրականացվող ուսումնասիրության արդյունքում Գասպարյանի գույքի վրա արգելանք է դրվել։ Դրանից հետո Վլադիմիր Գասպարյանին արգելվել էր տնօրինել Գեղարքունիքի մարզի Աղբերք համայնքի 0.2 հեկտար մակերեսով հողամասը, Երևանի Թումանյան 39 շենքի 9-րդ բնակարանը, Mercedes-Benz S450 4Matic և IZH 2715 մակնիշի ավտոմեքենաները (տեղեկությունը հրապարակվել էր «Ազդարար»-ում):
Վլադիմիր Գասպարյան - Sputnik Արմենիա, 1920, 30.11.2021
Վլադիմիր Գասպարյանի թիկնազորի նախկին պետը կալանավորվել է
Հիշեցնենք, որ «Ապօրինի ծագում ունեցող գույքի բռնագանձման մասին» օրենքի շրջանակներում իրականացվող ուսումնասիրության արդյունքում Գասպարյանը հունիսի 18-ին հրավիրվել էր դատախազություն՝ բացատրություն տալու։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала