30 վայրկյանում ավերված քաղաքը. Սպիտակի 1988 թ–ի երկրաշարժի արխիվային կադրերը

Բաժանորդագրվեք
НовостиTelegram
1988թ-ի դեկտեմբերի 7-ին , ժամը 11: 41-ին Հայաստանում տեղի ունեցավ ամենասարսափելի աղետներից մեկը` ավելի քան 9 բալ հզորությամբ ավերիչ երկրաշարժ։
Հայաստանի հյուսիսում ընդամենը 30 վայրկյան տևած երկրաշարժն իսկական քաոսի վերածեց երկիրը։ Թե ինչ էր կատարվում Հայաստանում ողբերգությունից րոպեներ առաջ և օրեր հետո, Sputnik Արմենիան ներկայացնում է արխիվային կադրերով։
Րոպեների ընթացքում լրիվ կամ մասնակի ավերվեցին Լենինականը, Սպիտակը, Կիրովականը, Ստեփանավանը, և ընդհանուր առմամբ 21 քաղաք և 324 գյուղ։ Ավերվեց հանրապետության ամբողջ բնակֆոնդի մոտ 17%-ը։ Տարերային աղետը հանրապետության ժողովրդական տնտեսությանը հասցրեց ավելի քան 13 մլրդ ռուբլու վնաս։ Երկրաշարժը շարքից հանեց Հայկական ԽՍՀ արդյունաբերական ներուժի մոտ 40 տոկոսը։
Պաշտոնական տվյալներով` զոհվեց ավելի քան 25 հազար մարդ, բայց իրականում այն անցնում էր 35 հազարից։ Անօթևան դարձավ 530 հազարը։
«Իմ հայ երեխաները». ի՞նչ էր կատարվում երկրաշարժից հետո Մոսկվայի մանկական հիվանդանոցում
Տեղի ունեցած սարսափելի ողբերգությունը գրավեց ոչ միայն Խորհրդային Միության, այլև համայն աշխարհի ուշադրությունը։ Հայաստան ժամանեցին մի խումբ բժիշկներ և փրկարարներ Ֆրանսիայից, Շվեյցարիայից, Մեծ Բրիտանիայից, Գերմանիայից և ԱՄՆ-ից: Երևանի և Լենինականի օդանավակայաններ բարերարները բերում էին դեղորայք, դոնորական արյուն, բժշկական սարքավորումներ, հագուստ և պարենամթերք: Հայաստանին օգնության ձեռք մեկնեցին ավելի քան 100 երկրներ։ Այդ օգնությունն անգին է, իսկ սարսափելի օրերի մասին հիշողությունը դեռ կենդանի է մարդկանց սրտերում։
Անցել են տարիներ, քաղաքի տարբեր հատվածներում նոր շենքեր են հայտնվել, բայց Գյումրին շարունակել է մնալ աղետի գոտի։ Ցավալի է, բայց մինչև այժմ չի հաջողվել լիովին ազատվել երկրաշարժի հետևանքներից։
Լրահոս
0